G20 Summit 2023: G-20 પ્રતિનિધિઓને સોના અને ચાંદીથી કોટેડ વાસણોમાં ભોજન પીરસવામાં આવશે, જુઓ Pics

G20 Summit India: G-20 સમિટના મહેમાનોને ભારતના સાંસ્કૃતિક વારસાને દર્શાવતા વાસણોમાં ભોજન પીરસવામાં આવશે, જે સોના અને ચાંદીના પાણીથી ચડેલા છે.

G-20 પ્રતિનિધિઓને સોના અને ચાંદીથી કોટેડ વાસણોમાં ભોજન પીરસવામાં આવશે

G20 Summit 2023 In Delhi: G-20 સમિટમાં ભાગ લેનારા મહેમાનો માટે ખાસ વ્યવસ્થા કરવામાં આવી છે. ભારતના સાંસ્કૃતિક વારસાને પ્રતિબિંબિત કરતા સોના અને ચાંદીના કોટેડ વાસણોમાં મહેમાનોને ભોજન પીરસવામાં આવશે. જયપુર સ્થિત મેટલવેર ફર્મ IRIS ઇન્ડિયાના CEO રાજીવ પાબુવાલે આ માહિતી આપી છે. આઈઆરઆઈએસ ઈન્ડિયાના સીઈઓએ આ વાસણોની વિશેષતા સમજાવી છે.

રાજીવ પબુવાલે ન્યૂઝ એજન્સી ANI સાથે વાત કરતાં કહ્યું કે, અમે જાન્યુઆરી 2023થી તૈયારીઓ શરૂ કરી દીધી હતી. ધીમે ધીમે અમે દરેક વિસ્તારના દરેક શહેર પ્રમાણે આ બધી પ્રોડક્ટ્સ બનાવવાનું શરૂ કર્યું. જેમ કે અમે ગોવા અને સાઉથ પ્રમાણે બનાવ્યું છે. કેળાના પાનની પ્લેટ બનાવવામાં આવે છે. રાજ્યની જે પણ સંસ્કૃતિ છે, અમે તેનો તેમાં સમાવેશ કર્યો છે...”