નવરાત્રી દરમિયાન તમે લસણ અને ડુંગળી કેમ નથી ખાતા? જાણો જવાબ

નવરાત્રીનો તહેવાર ચાલી રહ્યો છે, તેથી ઘણા ઘરોમાં લસણ અને ડુંગળી ખાવામાં આવતા નથી. પરંતુ શું તમે જાણો છો આ પાછળનું કારણ? જો ના હોય તો ચાલો આજે તમને જણાવીએ.

નવરાત્રીનો તહેવાર ખાસ કરીને ભારતમાં પૂજા, ઉપવાસ અને આધ્યાત્મિકતાનું પ્રતીક માનવામાં આવે છે. આ સમયે દેવી દુર્ગાની પૂજા કરવામાં આવે છે અને ભક્તો આ પવિત્ર તહેવારને પોતાની રીતે નિહાળે છે. નવરાત્રિ દરમિયાન ઘણા લોકો લસણ અને ડુંગળીનું સેવન કરતા નથી. ચાલો જાણીએ આ પાછળનું કારણ શું છે.

જો આધ્યાત્મિક દૃષ્ટિકોણથી જોવામાં આવે તો, નવરાત્રિ દરમિયાન, ભક્તો દેવી દુર્ગાની પૂજા કરે છે, જે શક્તિ અને ઊર્જાનું પ્રતીક છે. ભક્તોનું માનવું છે કે લસણ અને ડુંગળીનું સેવન કરવાથી સત્વ ગુણોમાં ઘટાડો થાય છે, જેનાથી મનની શાંતિ અને ધ્યાન કેન્દ્રિત કરવામાં મુશ્કેલી થાય છે.

નવરાત્રી એ ધ્યાન, આધ્યાત્મિક અભ્યાસ અને સાદું જીવન જીવવાનો સમય છે. લસણ અને ડુંગળીને તામસિક ખોરાક માનવામાં આવે છે, જે આ સમયગાળાના આધ્યાત્મિક હેતુની વિરુદ્ધ છે.