Dawood Ibrahim Net worth: આલીશાન ઘર, મોંઘી ગાડીઓ અને લક્ઝરી લાઇફસ્ટાઇલ... દાઉદ ઇબ્રાહિમની કુલ સંપતિ જાણીને ચોંકી જશો

કેટલાક ન્યૂઝ રિપોર્ટ પ્રમાણે, આતંકનો આકા દાઉદ ઇબ્રાહિમ મોતને ઘાટ ઉતરી ગયો છે. તેને ઝેર આપવામાં આવ્યુ હતુ અને કરાંચીની એક હૉસ્પીટલમાં દાખલ કરવામાં આવ્યો હતો

તસવીર (સોશ્યલ મીડિયા પરથી)

Dawood Ibrahim Property: દાઉદ ઈબ્રાહિમ ભારતીય અંડરવર્લ્ડના સૌથી મોટા ગુનેગારોમાંનો એક છે. તેમનો જન્મ 26 ડિસેમ્બર 1955ના રોજ થયો હતો. તેમને ડી-કંપનીના વડા માનવામાં આવે છે. ખાસ વાત છે કે, કેટલાક ન્યૂઝ રિપોર્ટ પ્રમાણે, આતંકનો આકા દાઉદ ઇબ્રાહિમ મોતને ઘાટ ઉતરી ગયો છે. તેને ઝેર આપવામાં આવ્યુ હતુ અને કરાંચીની એક હૉસ્પીટલમાં દાખલ કરવામાં આવ્યો હતો. અહીં અમે તમને બતાવી રહ્યાં છીએ કે, દાઉદ ઈબ્રાહિમની કુલ નેટવર્થ કેટલી છે, આલીશાન ઘર, મોંઘી કાર અને લક્ઝરી લાઈફસ્ટાઈલનો શોખીન પણ છે આ ટેરરિસ્ટ....

ડોંગરીમાં એક સમયે દાદાગીરી કરનારો દાઉદ આજે હજારો કરોડની સંપત્તિનો માલિક છે. જોકે, મુંબઈ સહિત દેશના અનેક વિસ્તારોમાં તેની મિલકતો જપ્ત કરવામાં આવી છે. તેની પાસે હ્યૂન્ડાઈ એક્સેન્ટ સેડાન કાર પણ હતી, જેની હરાજી થઈ ગઈ છે.

દાઉદ ઈબ્રાહીમ અંડરવર્લ્ડનું એક એવું નામ છે, જે ભારત સહિત દુનિયાના તમામ દેશો માટે માથાનો દુખાવો બની ગયો છે. તેના ગુનાઓની વાર્તા ઘણી જૂની છે. ધ ગાર્ડિયનના રિપોર્ટ અનુસાર, 1980 અને 1990ના દાયકાની ેશરૂઆતમાં દાઉદ ઈબ્રાહિમે વેશ્યાવૃત્તિ, જુગાર અને ડ્રગ્સ બિઝનેસ દ્વારા અબજો રૂપિયાનું સામ્રાજ્ય બનાવ્યું હતું.

ફૉર્બ્સ મેગેઝિનના રિપોર્ટમાં કહેવામાં આવ્યું છે કે દાઉદ ઈબ્રાહિમ પાસે 670 કરોડ ડૉલર (લગભગ 43 હજાર 550 કરોડ રૂપિયા)ની કુલ સંપત્તિ છે અને તે વિશ્વના ટોપ 3 સૌથી અમીર ડોનની યાદીમાં સામેલ છે.

અંડરવર્લ્ડ ડૉન દાઉદ ઈબ્રાહિમ એક સમયે મુંબઈના કાળા કારોબારનો બેફામ બાદશાહ હતો. ગેરકાયદે દારૂ અને સોનાની દાણચોરીનો ધંધો તેની સૂચના પર ચાલતો હતો, પરંતુ 1993ના બૉમ્બ વિસ્ફોટમાં આરોપી બન્યા બાદ દાઉદ અહીંથી ફરાર થઈ ગયો હતો. ત્યારથી લઈને આજ સુધી તે ભારતનો મોસ્ટ વોન્ટેડ ગુનેગાર છે.

ભારત છોડ્યા બાદ દાઉદે પહેલા દુબઈ અને પછી પાકિસ્તાનથી પોતાનો બિઝનેસ ચાલુ રાખ્યો હતો. સમયની સાથે દાઉદે પોતાનો વ્યવસાય પણ બદલી નાખ્યો. આજે દાઉદ અને તેના નજીકના લોકો મુંબઈના રિયલ એસ્ટેટ ક્ષેત્રમાં નોંધપાત્ર પ્રભાવ ધરાવે છે. છેલ્લા કેટલાક વર્ષોથી દાઉદે રિયલ એસ્ટેટમાં ઘણું રોકાણ કર્યું છે. તેની પ્રોપર્ટી ભારત, પાકિસ્તાન અને ગલ્ફ દેશોમાં છે.

દાઉદે રિયલ એસ્ટેટ બિઝનેસના આધારે અબજો રૂપિયાની કમાણી કરી છે. તેની દેશના બે ડઝનથી વધુ શહેરોમાં પ્રોપર્ટી છે. દાઉદના નામે હોટલ ઝૈકા પણ છે. દાઉદની આ હોટલ હવે જપ્ત કરવામાં આવી છે. રિયલ એસ્ટેટ સેક્ટરમાં દાઉદની પહેલી પસંદ સ્લમ રિહેબિલિટેશન ઓથોરિટીના પ્રોજેક્ટ્સ છે.

અમેરિકાના ટ્રેઝરી ઓફિસ ડિપાર્ટમેન્ટે દાઉદ ઈબ્રાહિમને આતંકવાદી જાહેર કર્યો છે. 1993ના મુંબઈ બોમ્બ વિસ્ફોટોમાં તેની શંકાસ્પદ ભૂમિકા માટે $25 મિલિયનનું ઈનામ ઓફર કરવામાં આવ્યું હતું.

પાકિસ્તાનના શહેરમાં દાઉદના 3 આલીશાન મકાનો છે. આમાંથી એક 30મી ડિફેન્સ હાઉસિંગ ઓથોરિટીમાં હાઉસ નંબર 37 અને ક્લિફ્ટન રોડ પરનું પ્રખ્યાત વ્હાઇટ હાઉસ છે.