મુકેશ અંબાણીને પાછળ છોડી ચીનના આ બિઝનેસમેન બન્યા સૌથી ધનિક એશિયન, જાણો શું કરે છે બિઝનેસ ?

ચીનના જેજિયાંગ પ્રાંતના હોંગજોઉમાંથી આવેલા ઝોંગે કારકિર્દીનો આરંભ એક કંપનીમાં શ્રમિક તરીકે કર્યો હતો. ત્યારબાદ એ પ્રેસ રિપોર્ટર બન્યા હતા. ત્યાર પછી તેમણે પીવાના પાણીના ધંધામાં ઝુકાવ્યું હતું. અત્યાર સુધી વિશ્વના સૌથી અમીર લોકોમાં મોટે ભાગે ટેક્નોલોજી સાથે સંકળાયેલા લોકોનાં નામ આવતાં હતાં. આ પહેલીવાર વોટર બોટલ કંપનીના માલિક સૌથી અમીર લોકોની યાદીમાં સ્થાન પામ્યા હતા. અત્યારે ચીનમાં બોટલ બંધ પાણીના બજારમાં ઝોંગની નોન્ગ્ફૂ કંપની નંબર વન છે. આ કંપનીએ આઇપીઓ દ્વારા 1.1 અબજ ડૉલર્સ જેવી ધીકતી મૂડી રોકાણ કર્યુ હંતું.

રિલાયન્સ ઈન્ડસ્ટ્રીઝના ચેરમેન મુકેશ અંબાણી હવે એશિયાના સૌથી ધનિક વ્યક્તિ રહ્યા નથી. ચીનના બોટલ વોટર કિંગ કહેવાતા ઝોંગ શાનશને તેમની પાસેથી આ બિરુદ છીનવી લીધું છે. મુકેશ અંબાણી ઉપરાંત તેમણે પોતાના દેશના જ જેક માને પાછળ રાખી દીધા છે. તેમની સંપત્તિમાં સાત અબજ ડોલરનો વધારો થયો છે.