Photos: પૂર્વ ક્રિકેટરે અરુણ લાલે તેમનાથી 28 વર્ષ નાની ઉંમરની બુલબુલ સાહા સાથે લગ્ન કર્યા, જુઓ લગ્નની તસવીરો

અરુણ લાલ અને બુલબુલ સાહા (સોર્સ - ફેસબુક)

પૂર્વ ક્રિકેટર અરુણ લાલ લગ્નના બંધનમાં બંધાઈ ગયા છે. સોમવારે 66 વર્ષીય અરુણ લાલે તેમનાથી 28 વર્ષ નાની બુલબુલ સાહા સાથે લગ્ન કરી લીધા હતા.

તમને જણાવી દઈએ કે, અરુણ લાલના આ બીજા લગ્ન છે અને બંનેએ કોલકાતામાં એકબીજાનો સાથ નિભાવવાની પ્રતિજ્ઞા લીધી હતી.

અરુણલાલની પત્ની બુલબુલ સાહા એક ટીચર છે, જે હજી પણ એક સ્કૂલમાં ભણાવે છે. આ ઉપરાંત બુલબુલ સાહાને કુકિંગ પણ પસંદ છે, તેમણે વર્ષ 2019માં એક કુકિંગ સ્પર્ધામાં પણ ભાગ લીધો હતો.

લગ્નની વિધિ પુરી થયા બાદ અરુણ લાલે પોતાની પત્ની બુલબુલ સાહાને કિસ કરી હતી. આ ઉપરાંત તેમણે બન્નેએ કેક કાપીને આ અવસરની ઉજવણી પણ કરી હતી.

અરુણલાલ અને બુલબુલ સાહાના લગ્નની તસવીરો સોશિયલ મીડિયા પર વાયરલ થઈ રહી છે. અરુણ લાલ અને બુલબુલ સાહા લગ્નના પોષાકમાં સુંદર લાગી રહ્યા છે.

ભારત તરફથી ઓપનિંગ કરનાર 66 વર્ષના અરુણ લાલના આ બીજા લગ્ન છે. તેમની પહેલી પત્નીનું નામ રીના હતું. જેમની સાથે અરુણ લાલે છૂટછેડા લઈ લીધા છે.

રીનાની તબિયત ઘણી ખરાબ રહે છે, જેથી અરુણ લાલે પહેલી પત્નીની ઈચ્છાથી જ બીજા લગ્ન કર્યા છે.

કોલકાતાની એક હોટલમાં યોજાયેલ આ લગ્નમાં કેટલાક પૂર્વ ક્રિકેટરો પણ સામેલ થયા હતા, જેમા સબા કરીમનો પણ સમાવેશ થાય છે.