IND vs PAK Top Bowlers: ભારત પાકિસ્તાન વન ડે ઈતિહાસમાં આ બોલર્સનો રહ્યો છે દબદબો, જાણો ટોપ-5

IND vs PAK: વર્લ્ડકપમાં ભારત અને પાકિસ્તાન આજે નરેન્દ્ર મોદી સ્ટેડિયમમાં મહામુકાબલો રમાશે. આ પહેલા બંને ટીમો વચ્ચે 134 ODI મેચ રમાઈ ચુકી છે. આમાં વસીમ અકરમના નામે સૌથી વધુ વિકેટ છે.

પાકિસ્તાની બોલર શાહિન આફ્રિદી

ભારત-પાકિસ્તાન વનડે મેચમાં સૌથી વધુ વિકેટ લેવાનો રેકોર્ડ વસીમ અકરમના નામે છે. આ ભૂતપૂર્વ પાકિસ્તાની ફાસ્ટ બોલરે ભારત સામે 48 મેચની 47 ઇનિંગ્સમાં 60 વિકેટ ઝડપી છે.

બીજા ક્રમે પણ પાકિસ્તાની બોલર છે. સકલેન મુશ્તાકે ભારત વિરૂદ્ધ 36 મેચની 34 ઇનિંગ્સમાં કુલ 57 વિકેટ લીધી છે.

આ યાદીમાં ત્રીજું સ્થાન ભૂતપૂર્વ ભારતીય સ્પિનર અનિલ કુંબલેનું છે. કુંબલેએ પાકિસ્તાન વિરૂદ્ધ 34 મેચની 33 ઇનિંગમાં 54 વિકેટ ઝડપી છે.

પાકિસ્તાનનો આકિબ જાવેદ પણ ભારત-પાકિસ્તાન વનડે મેચમાં 54 વિકેટ લઈને અનિલ કુંબલેની બરાબરી પર છે. આકિબે આ વિકેટ 39 મેચની 36 ઇનિંગ્સમાં લીધી છે.

ભૂતપૂર્વ ભારતીય ફાસ્ટ બોલર જવાગલ શ્રીનાથે પણ ભારત-પાકિસ્તાન વનડે મેચમાં 54 વિકેટ ઝડપી છે. શ્રીનાથે 36 મેચની 36 ઇનિંગ્સમાં આ આંકડો સ્પર્શ કર્યો છે.