મોહમ્મદ શમીની વાપસીની તારીખ આવી ગઈ સામે! આ ટીમ સામે કરશે કમબેક; બાળપણના કોચનો મોટો દાવો

Mohammed Shami: ભારતીય ક્રિકેટર ઈજાના કારણે 2023 વર્લ્ડ કપથી મેદાનથી દૂર છે. જાણો સપ્ટેમ્બરમાં શમી કઈ ટીમ સામે વાપસી કરી શકે છે?

Mohammed Shami: ભારતીય ક્રિકેટર મોહમ્મદ શમી છેલ્લે 2023 ક્રિકેટ વર્લ્ડ કપ દરમિયાન રમતા જોવા મળ્યો હતો. તે વર્લ્ડ કપમાં, તેણે 7 મેચમાં 24 વિકેટ લીધી હતી અને તે આખી ટુર્નામેન્ટમાં સૌથી વધુ વિકેટ લેનાર બોલર હતો. પરંતુ તે પછી તેને પગમાં ઈજા થઈ હતી, જેના માટે તેણે ફેબ્રુઆરી 2024માં સર્જરી પણ કરાવી હતી.

પરંતુ હવે ટીમ ઈન્ડિયાના ચાહકો માટે સારા સમાચાર આવ્યા છે કે શમીએ ટ્રેનિંગ શરૂ કરી દીધી છે અને તે ટૂંક સમયમાં ભારતીય ટીમમાં વાપસી કરી શકે છે. એવું કહેવામાં આવી રહ્યું છે કે શમી સપ્ટેમ્બરમાં બાંગ્લાદેશ સામેની શ્રેણીમાં વાપસી કરી શકે છે.

2023 વર્લ્ડ કપમાંથી બહાર થઈ ગયેલો મોહમ્મદ શમી (Mohammed Shami) અત્યારે એકદમ ફિટ અનુભવી રહ્યો છે, પરંતુ રિપોર્ટ્સ કહી રહ્યા છે કે તેની વાપસીને લઈને કોઈ ઉતાવળ નહીં હોય. બોર્ડ ઇચ્છતું નથી કે ઉતાવળના કારણે શમીને ફરીથી ઇજા થવાના જોખમનો સામનો કરવો પડે.