India Squad: શ્રેયસ ઐયર સહિત ત્રણ ખેલાડીઓએ ભારતની ચિંતા વધારી, ઇંગ્લેન્ડ પ્રવાસ પહેલા આવ્યા ખરાબ સમાચાર

શ્રેયસ ઐયરને ટીમમાં સ્થાન ન મળવાની શક્યતા, બુમરાહ પાંચેય ટેસ્ટ નહીં રમે, જ્યારે શમીની ફિટનેસ પર સવાલ.

ભારતીય ક્રિકેટ ટીમ આવતા મહિને ઇંગ્લેન્ડના પ્રવાસે જઈ રહી છે, જ્યાં પાંચ મેચની ટેસ્ટ શ્રેણી રમવાની છે. આ મહત્વપૂર્ણ પ્રવાસ પહેલા જ ટીમ ઇન્ડિયાને ત્રણ મોટા ખેલાડીઓ - શ્રેયસ ઐયર, જસપ્રીત બુમરાહ અને મોહમ્મદ શમીના ફિટનેસ અને ફોર્મને લઈને ચિંતા સતાવી રહી છે. આના કારણે ટીમ મેનેજમેન્ટનું ટેન્શન વધી ગયું છે.

છેલ્લા કેટલાક સમયથી શ્રેયસ ઐયર તેના ઘરેલુ ક્રિકેટ, આંતરરાષ્ટ્રીય ક્રિકેટ અને IPL પ્રદર્શનને કારણે ચર્ચામાં છે. જોકે, પ્રાપ્ત અહેવાલો અનુસાર, તેને ઇંગ્લેન્ડ પ્રવાસ માટેની ટીમમાં સ્થાન નહીં મળે તેવી સંભાવના છે. આ સમાચાર ઐયરના ચાહકો માટે નિરાશાજનક હોઈ શકે છે.

ભારતના ઝડપી બોલિંગ આક્રમણના આધારસ્તંભ જસપ્રીત બુમરાહની ફિટનેસ ટીમ માટે સૌથી મોટી સમસ્યા બની રહી છે. અહેવાલો મુજબ, બુમરાહ ઇંગ્લેન્ડ પ્રવાસ પર જશે તો પણ તે આખી 5 ટેસ્ટ મેચ રમી શકશે નહીં, કારણ કે તે હજુ સંપૂર્ણપણે ફિટ નથી.