આ ક્રિકેટર છ બોલમાં છ છગ્ગા ફટકારવાનું કરી ચુક્યા છે કારનામું, જાણો કેટલા ભારતીય છે લિસ્ટમાં

ગેરી સોબર્સે સૌ પ્રથમ છ બોલમાં છ છગ્ગા ફટકારવાની સિદ્ધી મેળવી હતી.

શ્રીલંકાના ક્રિકેટર થિસારા પરેરાએ ઘરેલુ ક્રિકેટમાં રમતી વખતે છ બોલમાં છ છગ્ગા ફટકારવાની ઉપલબ્ધી હાંસલ કરી હતી. જેની સાથે તે એક જ ઓવરમાં છ સિક્સર ફટકારનારો શ્રીલંકાનો પ્રથમ ખેલાડી બન્યો હતો. લિસ્ટ-એ ક્રિકેટ કરિયરમાં કુલ નવ ખેલાડીઓ આ સિદ્ધી હાંસલ કરી ચુક્યા છે. એક ઓવરમાં સળંગ છ છગ્ગા મારવાનો રેકોર્ડ સૌપ્રથમ વેસ્ટ ઈન્ડિઝના ગારફિલ્ડ સોબર્સે બનાવ્યો હતો. તેમણે 1968માં ફર્સ્ટ ક્લાસ મેચમા આ ઉપલબ્ધિ હાંસલ કરી હતી.

જે બાદ 1985માં ટીમ ઈન્ડિયાના વર્તમાન કોચ અને પૂર્વ ઓલરાઉન્ડર રવિ શાસ્ત્રીએ 1985માં ફર્સ્ટ કલાસ મેચમાં સળંગ છ બોલમાં છ છગ્ગા ફટકાર્યા હતા.

2007માં વન ડેમાં સાઉથ આફ્રિકાના હર્ષેલ ગિબ્સે આ સિદ્ધી મેળવી હતી. વન ડેમાં આ પરાક્રમ કરનારો તે વિશ્વનો પ્રથમ ક્રિકેટર હતો.

2007ના ટી-20 વર્લ્ડકપમાં ભારતના સ્ટાર ઓલરાઉન્ડર યુવરાજ સિંહે ઈંગ્લેન્ડ સામે છ બોલમાં છ છગ્ગા ઠોક્યા હતા.

2017માં ટી-20માં રોસ વાઈટેલે પણ આવું પરાક્રમ કર્યુ હતું.

અફઘાનિસ્તાનના હઝરતુલ્લાહ જજઈએ 2018માં ટી-20માં છ બોલમાં છ છગ્ગા ફટકાર્યા હતા.

કોરોનાના કારણે ગત વર્ષે મોટાભાગે ક્રિકેટ બંધ રહી હતી. પરંતુ તે વર્ષે લિયો કાર્ટરે ટી-20માં સળંગ છ બોલમાં છ છગ્ગા ફટકાર્યા હતા.

વેસ્ટ ઈન્ડિઝના કિરોન પોલાર્ડે તાજેતરમાં જ શ્રીલંકા સામે છ બોલમાં 6 છગ્ગા ફટકારીને ટીમને જીતાડી હતી. તેણે હેટ્કિ લેનારા બોલર અકિલા ધનંજયની ધોલાઈ કરી હતી.

થિસારા પરેરાએ રવિવારે અહીં પનાગોડામાં સૈન્ય મેદાનમાં ચાલી રહેલી મેજર ક્લબ્સ લિમિટેડ ઓવર લિસ્ટ એ ટૂર્નામેન્ટમાં હાંસલ કરી હતી. તે બ્લૂમફીલ્ડ ક્રિકેટ અને એથલેટિક ક્લબ સામેની મેચમાં શ્રીલંકન આર્મીની કેપ્ટનશીપ કરી રહ્યો હતો.