20,000 રૂપિયાથી ઓછી કિંમત વાળા આ છે શાનદાર સ્માર્ટફોન, જાણો ફિચર્સ વિશે...

Smartphone_02

નવી દિલ્હીઃ ભારતીય માર્કેટમાં અત્યારે કેટલાય એવા શાનદાર અને બેસ્ટ ફિચર્સ વાળા સ્માર્ટફોન અવેલેબલ છે. જો તમે એક દમદાર ફોન ખરીદવાનુ પ્લાનિંગ કરી રહ્યાં છો, અને તમારુ બજેટ 20,000 રૂપિયાથી ઓછુ છે, તો તમારા માટે કેટલાય સ્પેશ્યલ ઓપ્શન ઉપલબ્ધ છે. આજે અમે તમને કેટલાક એવા સ્માર્ટફોન બતાવી રહ્યાં છીએ, જેનો કેમેરો ખાસ છે, અને તમે જો સેલ્ફીના શોખીન છો તો તમે આને ખરીદી શકો છો.

Samsung Galaxy M31- સેમસંગનો આ ફોન કેમેરા મામલામાં ખુબ જબરદસ્ત છે, આમાં 64MP+8MP+5MP+5MPનો રિયર કેમેરા સેટઅપ અને 32 મેગાપિક્સલનો ફ્રન્ટ કેમેરો આપવામાં આવ્યો છે. આ ફોનમાં 6GB રેમ અને 128GB સ્ટૉરેજ છે. 6.4 ઇંચની ડિસ્પ્લે વાળો આ સ્માર્ટફોન દમદાર પ્રૉસેસરની સાથે માર્કેટમાં ઉતારવામાં આવ્યો છે. આની કિંમત 16,500 રૂપિયા છે.

Redmi Note 10 Pro Max- ચીની સ્માર્ટફોન નિર્માતા શ્યાઓમીનો આ ફોન કેમેરાના મામલે ખુબ જાણીતો છે. આમાં 108MP+8MP+5MP+2MPનો શાનદાર રિયર કેમેરા સેટઅપ અને 16MPનો ફ્રન્ટ કેમેરો આપવામાં આવ્યો છે. 6.67 ઇંચની ડિસ્પ્લે વાળા આ ફોનમાં 6GB રેમ અને 64GB સ્ટૉરેજ આપવામાં આવ્યુ છે. આ ફોનની કિંમત 19,999 રૂપિયા છે.

Realme Narzo 30 Pro- રિયલમીનો આ ફોન શાનદાર ફિચર્સ વાળો છે, અને આમાં 48MP+8MP+2MPનો રિયર કેમેરા સેટઅપ અને 16 મેગાપિક્સલનો ફ્રન્ટ કેમેરો આપવામાં આવ્યો છે. 6.5 ઇંચની ડિસ્પ્લે વાળા આ ફોનમાં 8GB રેમ અને 128GB સ્ટૉરેજ આપવામાં આવ્યુ છે. આ સ્માર્ટફોનની કિંમત 19,999 રૂપિયા છે.

Infinix Zero 8i- ઇનફિનિક્સના આ ફોનમાં 6.8 ઇંચની ડિસ્પ્લે આપવામાં આવી છે, કેમેરાની વાત કરીએ તો આમાં 48MP+8MP+2MP+AI lensનો શાનદાર રિયર કેમેરા સેટઅપ આપવામા આવ્યો છે. ખાસ વાત છે કે આમાં 16MP+8MPનો ડ્યૂલ ફ્રન્ટ કેમેરો આપવામાં આવ્યો છે. આમાં 8GB રેમ અને 128GB સ્ટૉરેજ આપવામાં આવ્યુ છે. આ ફોનની કિંમત લગભગ 16,000 રૂપિયા છે.