લોકસભા ચૂંટણીને લઈને ગુજરાત કોંગ્રેસે 7 કમિટીની કરી જાહેરાત, કયા નેતાને કયું સ્થાન મળ્યું, જાણો વિગત

ગાંધીનગરઃ કોંગ્રેસે ગુજરાતમાં લોકસભાની ચૂંટણીની કવાયત તેજ કરતાં રાજ્યમાં જૂદી જૂદી સાત મહત્વની કમિટીઓની જાહેરાત કરી છે. આ કમિટીઓમાં કોંગ્રેસના ટોચના નેતાઓને સ્થાન અપાયું છે. આ પૈકીની સૌથી મહત્વની ગણાતી કેમ્પેઇન કમિટીના ચેરમેન પદે સિદ્ધાર્થ પટેલની અને કન્વીનર તરીકે અલ્પેશ ઠાકોરની નિમણૂક કરાઈ છે.

ચૂંટણી ઢંઢેરા કમિટીમાં ચેરમેન પદે મધુસુદન મિસ્ત્રી અને કન્વીનર તરીકે મનીષ દોષી અને 22 નેતાઓના નામ સામેલ છે.

ચૂંટણી વહિવટી કમિટીમાં ચેરમેન પદે અર્જુન મોઢવાડિયા અને કન્વીનર તરીકે મૌલિન વૈષ્ણવ સાથે 9 નેતાઓને સ્થાન અપાયું છે.

મીડિયા કોઓર્ડિનેશન કમિટી ચેરમેન પદે નરેશ રાવલ અને કન્વીનર તરીકે અમીબેન યાજ્ઞિક સાથે 15 કાર્યકરોના નામ સામેલ છે.

પ્રસાર કમિટીમાં ચેરમેન પદે તુષાર ચૌધરી અને કન્વીનર તરીકે રોહન ગુપ્તા સાથે અન્ય 27 નેતાઓને સ્થાન મળ્યું છે.

પ્રચાર કમિટીમાં ચેરમેન પદે સિદ્ધાર્થ પટેલ અને કન્વીનર તરીકે અલ્પેશ ઠાકોર સાથે અન્ય 43 નેતાઓને સ્થાન અપાયું છે.

લોકસભા ચૂંટણી પ્રદેશ કમિટીમાં સાતવ, પરેશ ધાનાણી સહિત 28 નેતાઓનો સમાવેશ કરવામાં આવ્યો છે.

કોઓર્ડિનેશન કમિટીમાં રાજીવ સાતવના અધ્યક્ષ સ્થાને પ્રદેશના તમામ મોટા નેતાઓને સ્થાન મળ્યું છે જેમાં પરેશ ધાનાણી, અમિત ચાવડા સહિત 36 નેતાઓના નામ સામેલ છે.