Goa Fire: સંગીતની ધૂન પર નાચતી રહી ડાન્સર અને ઉપર ફેલાઇ રહી હતી આગ, જુઓ વીડિયો

Goa Night Club Fire Incident Video: ક્લબની ઇન્સ્ટાગ્રામ પોસ્ટ મુજબ, તે રાત્રે ત્યાં "‘Bollywood Banger Night’નું આયોજન કરવામાં આવ્યું હતું. આ કાર્યક્રમમાં મોટી સંખ્યામાં લોકો હાજર હતા.

ગોવા અગ્નિકાંડનો લાઇવ વીડિયો

Source : abp live

Goa Night Club Fire Incident Video:ગોવાના બિર્ચ બાય રોમિયો લેન નાઇટક્લબમાં લાગેલી ભીષણ આગનો એક નવો વીડિયો સામે આવ્યો છે, જે કોઇની પણ સંવેદના હચમચાવી દેનાર છે. આ વીડિયોમાં અગનગોળા થોડી જ સેકન્ડોમાં આખા ક્લબને ઘેરી લેતા દેખાય છે.

🚨 Shocking Video Shows Chaos Just Before Deadly Goa Club Fire 😱🔥

- Exclusive footage from Birch by Romeo Lane in Baga captures panic moments before midnight cylinder blast kills 25, mostly staff trapped in the basement due to safety fails.
- Owner and manager arrested for… pic.twitter.com/MWWlHJnvuO

— Voice Of Bharat 🇮🇳🌍 (@Kunal_Mechrules) December 7, 2025

વીડિયોમાં કેદ થયેલ ભયાનક દ્રશ્ય

વિડીયોમાં એક ડાન્સર સ્ટેજ પર બોલીવુડ સોન્ગ "મહેબૂબા મહેબૂબા" પર પરફોર્મ કરી રહી છે. આ દરમિયાન, ક્લબની અંદર અચાનક આગ ફાટી નીકળે છે. થોડીવારમાં જ ફ્લોર અને છત આગમાં લપેટાઈ જાય છે, જેના કારણે અંધાધુંધી અને નાસભાગ મચી જાય છે.

ફટાકડાથી આગ લાગી હોવાની શંકા

અધિકારીઓના જણાવ્યા અનુસાર, આગનું કારણ હજુ સુધી સત્તાવાર રીતે નક્કી થયું નથી, પરંતુ પ્રાથમિક તપાસમાં એવું માનવામાં આવે છે કે ડાન્સ પર્ફોમ્સ દરમિયાન ફૂટેલા ફટાકડાએ આગ ફેલાવવામાં મુખ્ય પરિબળ હતું . એવી પણ શંકા છે કે ક્લબે ફાયર વિભાગ પાસેથી NOC મેળવ્યું ન હતું.

"બોલીવુડ બેંગર નાઈટ"નું આયોજન કરવામાં આવ્યું હતું.

ક્લબની ઇન્સ્ટાગ્રામ પોસ્ટ મુજબ, તે રાત્રે " ‘Bollywood Banger Night’નું આયોજન કરવામાં આવ્યું હતું. કાર્યક્રમમાં મોટી સંખ્યામાં લોકો હાજર હતા અને દુર્ઘટના સર્જાઇ ત્યારે જોરથી સંગીત વાગી રહ્યું હતું.

25 લોકોના મોત, 4 ની ધરપકડ

આ ઘટનામાં મૃતકોમાં 20 કર્મચારીઓ અને 5 પ્રવાસીઓનો સમાવેશ થાય છે. પોલીસે કાર્યવાહી કરી છે અને નાઈટક્લબ મેનેજમેન્ટ ટીમના ચાર સભ્યોની ધરપકડ કરી છે: મુખ્ય જનરલ મેનેજર, જનરલ મેનેજર, બાર મેનેજર અને ગેટ મેનેજર. ક્લબ માલિકો અને ઇવેન્ટ આયોજકો સામે પણ FIR દાખલ કરવામાં આવી છે. ક્લબ માલિકો સૌરભ લુથરા અને ગૌરવ લુથરા ની શોધ ચાલુ છે. મુખ્યમંત્રી પ્રમોદ સાવંતે જણાવ્યું છે કે તેઓ દિલ્હીમાં છુપાયેલા હોવાની શંકા છે, અને તેમને પકડવા માટે એક ટીમ રવાના કરવામાં આવી છે. આ ઘટના બાદ, વહીવટીતંત્રે ગોવામાં રોમિયો લેન સાથે જોડાયેલા બે અન્ય આઉટલેટ્સને પણ સીલ કરી દીધા છે.