હાર્દિક પટેલના ઉપવાસ શરૂ થાય એ પહેલાં ‘પાસ’ના ક્યા ક્યા નેતાઓની પોલીસે ઘરે જઈને કરી અટકાયત? જાણો વિગત

આ લોકો ઉપવાસ શરૂ કરે તે પહેલાં જ તેમને રોકવા માટે તેમના ઘરે મોટી સંખ્યામાં પોલીસ ગોઠવી દેવાઈ હતી. તેમને ઘરની બહાર નહીં નિકળવા સૂચના અપાઈ હતી પણ એ છતાં તેમણે ઉપવાસ માટે જવાનો આગ્રહ રાખતાં પોલીસે તેમની અટકાયત કરી હોવાનું જાણવા મળે છે.

જો કે પોલીસે પાસ દ્વારા આ ઉપવાસ શરૂ થાય એ પહેલાં જ પાસ કન્વીર બ્રિજેશ પટેલ સહિત 5 લોકોની અટકાયત કરી લીધી છે. બ્રિજેશ પટેલ ઉપરાંત પાસ કન્વીનર જયેશ પટેલ, નિખિલ સવાણી અને ગીતા પટેલની અટકાયત કરી લેવાઈ હોવાનું જાણવા મળ્યું છે.

અમદાવાદઃ પાટીદાર અનામત આંદોલન સમિતી (પાસ)ના કન્વિનર હાર્દિક પટેલે 25 ઓગસ્ટથી આમરણાંત ઉપવાસ શરૂ કરવાની જાહેરાત કરી છે. આ ઉપવાસ માટે તંત્ર દ્વારા સ્થળની મંજૂરી ના અપાતાં પાસ દ્વારા આજે રવિવારે એક દિવસના પ્રતિક ઉપવાસની જાહેરાત કરાઈ હતી.