રાજકોટમાં અલગ-અલગ સ્પા સેન્ટર પર દરોડા, 18 વિદેશી યુવતીઓ ઝડપાઈ, જાણો વિગત

રાજકોટ: રાજકોટમાં ગેરકાયદે સ્પાનું સેન્ટર હોય તેમ અનેક વાર દરોડા બાદ પણ સ્પા સેન્ટરો ચાલી રહ્યાં છે. રાજકોટમાં ફરી એકવાર ચાલતા સાત સ્પામાં પોલીસે દરોડા પાડ્યા હતા, જેમાં 18 વિદેશી યુવતીઓ ઝડપાઇ હતી. રાજકોટ શહેરમાં ચાલતા સ્પા સેન્ટરો પર તવાઇ બોલાવી હતી. શહેમાં વિવિધ સ્પા સેન્ટરો પર દરોડા કામગીરી હાથ ધરવામાં આવી હતી.

વિદેશી યુવતીઓ વિઝા લઇને આવી છે કે કેમ તથા તેમની પાસેથી કાગળની તપાસ કરવામાં આવશે, જો તેમાં કોઇ વાંધાજનક જણાશે તો કાયદેસરની કામગીરી હાથ ધરાશે. ઉલ્લેખનીય છે કે થોડા સમય પહેલા રાજકોટ પોલીસે મોટાપાયે સ્પા સેન્ટરો પર દરોડા પાડ્યા હતા, જેમાંથી 45 જેટલી વિદેશી યુવતીઓની અટકાયત કરવામાં આવી હતી. આ યુવતીઓ પાસેથી પૂરતા ડોક્યુમેન્ટ ન મળતાં તેમને પરત મોકલી દેવામાં આવી હતી.