ASHES: ચોથી ટેસ્ટમાં સ્ટીવ સ્મિથે ફટકારી સદી, બનાવ્યા અનેક મોટા રેકોર્ડ

આ અગાઉ તેણે એજબેસ્ટનમાં રમાયેલી પ્રથમ ટેસ્ટ મેચની બંન્ને ઇનિંગમાં અનુક્રમે 144 અને 142 રનની ઇનિંગ રમી હતી.

નવી દિલ્હીઃ શાનદાર ફોર્મમાં ચાલી રહેલા ઓસ્ટ્રેલિયાના બેટ્સમેન સ્ટીવ સ્મિથે ઇગ્લેન્ડ સામેની એશિઝ સીરિઝની ચોથી ટેસ્ટ મેચમાં પણ પોતાનું ફોર્મ જાળવી રાખ્યું હતું. સ્ટીવ સ્મિથે ઓસ્ટ્રેલિયા સામે રમાઇ રહેલી ચોથી ટેસ્ટ મેચના બીજા દિવસે સદી ફટકારી હતી. આ તેના કરિયરની 26મી સદી હતી. વર્તમાન એશિઝ સીરિઝમાં સ્મિથની આ ત્રીજી સદી છે. આ અગાઉ તેણે એજબેસ્ટનમાં રમાયેલી પ્રથમ ટેસ્ટ મેચની બંન્ને ઇનિંગમાં અનુક્રમે 144 અને 142 રનની ઇનિંગ રમી હતી. બાદમાં બીજી ટેસ્ટ મેચમાં સ્મિથે પ્રથમ ઇનિંગમાં 92 રન બનાવ્યા હતા.

Just for the big guns, this list... 3+ hundreds in a single Test series Bradman 5 times Sobers 5 STEVE SMITH 4 Kallis 4 Gavaskar 3 Harvey 3 Hayden 3 Lara 3#Ashes

— Adam Burnett (@AdamBurnett09) September 5, 2019 નોંધનીય છે કે જોફ્રા આર્ચરના બોલ પર ઇજાગ્રસ્ત થવાના કારણે સ્મિથ બીજી ટેસ્ટ મેચની બીજી ઇનિંગ અને હેડિંગ્લેમાં રમાયેલી ત્રીજી ટેસ્ટ મેચ રમી શક્યો નહોતો. લોર્ડ્સ મેચ ડ્રો રહી હતી અને હેડિંગ્લેમાં બેન સ્ટોક્સની 135 રનની ઇનિંગના સહારે ઇગ્લેન્ડે એક વિકેટે મેચ જીતી લીધી હતી.

સ્ટીવ સ્મિથે પોતાના કરિયરની 26મી ટેસ્ટ સદી ફટકારી છે. આ સાથે તેણે પોતાના નામે અનેક રેકોર્ડ્સ નોંધાવ્યા હતા. તે ડોન બ્રેડમેન બાદ સૌથી ઓછી ઇનિંગમાં 26 ટેસ્ટ સદી ફટકારનાર બેટ્સમેન બની ગયો છે.સ્મિથે સચિન તેડુંલકરને  પાછળ છોડી દીધો હતો. જેણે 136 ઇનિંગમાં આટલી સદી ફટકારી હતી.