Asia Cup 2018: ‘સુપરમેન’ બન્યો મનીષ પાંડે, શાનદાર કેચ જોઈને વિશ્વાસ નહીં થાય

પાકિસ્તાને ટોસ જીતીને પહેલા બેટિંગ કરવાનો નિર્ણય કર્યો હતો. ભુવનેશ્વર કુમારે બન્ને ઓપનર્સને આઉટ કરીને પાકિસ્તાનને દબાણમાં નાખી દીધા. આ બાદ કેદાર જાધવે પણ 3 વિકેટ ઝડપી હતી.

મનીષ પાંડેએ કેચ બે ભાગમાં કર્યો હતો. કેદાર જાધવની બોલિંગ પર પાંડેએ બાઉન્ડ્રી પાસે કેચ પકડ્યો. તે દોડીને આવી રહ્યો હતો અને પોતાને રોકી ન શક્યો અને બાઉન્ડ્રી લાઈન ક્રોસ કરી ગયો. પરંતુ આ પહેલા જ તેણે બોલને હવામાં ઉછાળ્યો અને બાદમાં ફરીથી મેદાનમાં આવીને કેચ કર્યો.

દુબઈઃ પાકિસ્તાન વિરૂદ્ધના મેચમાં મનીષ પાંડેએ અંતિમ ઈલેવનમાં સ્થાન મળ્યું ન હતું પરંતુ તેને સબસ્ટિટ્યૂટ તરીકે એવો કેચ કર્યો જે યાદગાર સાબિત થયો. આ ચેક કોઈ સામાન્ય ન હતો, પાકિસ્તાનના કેપ્ટન સરફરાઝ અહમદ (6)નો હતો. 96ના સ્કોર પર પાકિસ્તાનની ચોથી વિકેટ પડી અને ત્યાર બાદ સતત પાકિસ્તાનની વિકેટ પડતી ગઈ.