એશિયા કપ: ભારત-પાકિસ્તાન મેચ પર રમાશે કરોડો રૂપિયાનો સટ્ટો, પાકિસ્તાન ફેવરીટ

દેશ-વિદેશના અનેક બુકીઓ દુબઈ પહોંચી ગયા છે અને ત્યાંથી સટ્ટા કારોબાર ચલાવી રહ્યા છે. અત્યાર સુધીમાં 500થી600 કરોડનો સટ્ટો લાગી ચુક્યો છે. મેચ શરૂ થવા સુધીમાં આંકડો 1000 કરોડને પાર કરી જશે તેમ માનવામાં આવે છે. હાર-જીત ઉપરાંત બેટ્સમેન, બોલિંગ, સદી, અડધી સદી, ટીમના સ્કોર અને ટોસ પર પણ સટ્ટો લાગી રહ્યો છે.

સૂત્રોના જણાવ્યા મુજબ સટ્ટા બજારમાં ભારત પર 70 પૈસાનો ભાવ નક્કી કરવામાં આવ્યો છે. જ્યારે પાકિસ્તાન પર 1.30 રૂપિયાનો ભાવ ચાલી રહ્યો છે. સટ્ટા બજારમાં જે ટીમની જીતવાની શક્યતા વધારે હોય તેનો ભાવ ઓછો હોય છે.