Asian Games Live Update: Asian Games 2023, Day 7 Live:ટીમ ઇન્ડિયાનું ટેનિસમાં શાનદાર પ્રદર્શન, જીત્યો ગોલ્ડ, જાણો અપડેટ્સ
ભારતે ટેનિસ ગોલ્ડ જીતીને ભારતને નવમો ગોલ્ડ અપાવ્યો છે તો મીરા ચાનુ ઇજાગ્રસ્ત થઇ હોવાથી મેડલ ચૂકી ગઇ
Background
Asian Games 2023: છઠ્ઠા દિવસના અંત સુધીમાં ભારતે એશિયન ગેમ્સમાં કુલ 34 મેડલ જીત્યા છે. જેમાં 8 ગોલ્ડ મેડલનો સમાવેશ થાય છે. ટીમ ઈન્ડિયાને 7મા દિવસે પણ મેડલની આશા છે.
એશિયન ગેમ્સ 2023ના છઠ્ઠા દિવસના અંત સુધી ભારતનું પ્રદર્શન શાનદાર રહ્યું હતું. ભારતીય ખેલાડીઓએ કુલ 33 મેડલ જીત્યા છે. ટીમ ઈન્ડિયાને 8 ગોલ્ડ, 12 સિલ્વર અને 13 બ્રોન્ઝ મેડલ મળ્યા છે. હવે સાતમા દિવસે પણ ભારત મેડલની આશા રાખશે. શનિવારે સાંજે ભારત અને પાકિસ્તાન વચ્ચે હોકી મેચ રમાશે. બેડમિન્ટનની સેમીફાઈનલમાં ભારતનો મુકાબલો દક્ષિણ કોરિયા સાથે થશે. આ મેચ બપોરે રમાશે. ટીમ ઈન્ડિયાના ખેલાડીઓ ટેનિસમાં પણ કોર્ટમાં ઉતરશે.
શનિવારે તમામની નજર ભારતીય ખેલાડીઓ પર રહેશે. ભારતના મુરલી શ્રીશંકર અને જેસવિન એલ્ડ્રિન લાંબી કૂદ માટે મેદાનમાં ઉતરશે. મહિલા હર્ડલ્સમાં જ્યોતિ યારાજી અને નિત્યા રામરાજ પાસેથી આશા રહેશે. જ્યારે મોહમ્મદ અજમલ 400 મીટરની ફાઈનલ મેચ માટે ટ્રેક પર રહેશે. કાર્તિક કુમાર અને કુલવીર સિંહ 10,000 મીટરની ફાઈનલમાં ટકરાશે.
ટીમ ઈન્ડિયાની સ્ટાર એથલીટ મીરાબાઈ ચાનૂ પણ શનિવારે તેની મેચમાં ભાગ લેશે. ચાનુ 49 કિગ્રા વેઈટલિફ્ટિંગમાં પોતાની તાકાત બતાવશે. બિંદિયારાની દેવી 55 કિગ્રા વર્ગ માટે સ્પર્ધા કરશે.
ભારતીય મહિલા ક્રિકેટ ટીમે ગોલ્ડ મેડલ જીત્યો હતો. 10 મીટર એર રાઈફલ ટીમ ઈવેન્ટમાં પણ ગોલ્ડ મેડલ મેળવ્યો હતો. ઐશ્વર્યા તોમર, રુદ્રાંક્ષ પાટીલ અને દિવ્યાંશ પંવારે ભારત માટે શાનદાર પ્રદર્શન કર્યું હતું. દિવ્યકીર્તિ સિંઘ, હૃદય વિપુલ છેડ, અનુષ અગ્રવાલા અને સુદીપ્તિ હજેલાએ ડ્રેસેજ ટીમ ઈવેન્ટમાં ઘોડેસવારીમાં ગોલ્ડ જીત્યો હતો. મનુ ભાકર, ઈશા સિંહ, રિધમ સાંગવાને શૂટિંગની 25 મીટર પિસ્તોલ ટીમ ઈવેન્ટમાં ગોલ્ડ જીત્યો હતો. સિફ્ટ કૌર સમરાએ મહિલાઓની 50 મીટર રાઇફલ 3 પોઝિશનમાં ગોલ્ડ જીત્યો હતો.
ટીમ ઈન્ડિયા માટે અર્જુન ચીમા, સરબજોત સિંહ અને શિવ નરવાલે પુરુષોની 10 મીટર એર પિસ્તોલ (શૂટિંગ)માં ગોલ્ડ જીત્યો હતો. પલક ગુલિયાએ મહિલાઓની 10 મીટર એર પિસ્તોલ (શૂટિંગ)માં ગોલ્ડ જીત્યો હતો. આ સાથે ભારતે શૂટિંગ અને રોઇંગ સહિતની ઘણી રમતોમાં સિલ્વર અને બ્રોન્ઝ મેડલ જીત્યા છે.
Asian Games 2023 Live: ટીમ ઈન્ડિયાએ બાસ્કેટબોલમાં મલેશિયાને હરાવ્યું
ભારતની મહિલા 33 બાસ્કેટબોલ ટીમે ક્વાર્ટર ફાઇનલમાં જગ્યા બનાવી લીધી છે. ટીમ ઈન્ડિયાએ મલેશિયા પર શાનદાર જીત નોંધાવી છે. તેણે મલેશિયાને 16-6થી હરાવ્યું છે.
Asian Games 2023 Live: મીરાબાઈ ચાનુ મેડલ ચૂકી ગઈ
ભારતની સ્ટાર એથ્લેટ મીરાબાઈ ચાનુ મેડલ ચૂકી ગઇ હોવાથી નિરાશ છે. મીરાબાઈ પણ અંતિમ લિફ્ટ દરમિયાન ઈજાગ્રસ્ત થઈ હતી. તેણે ક્લીન એન્ડ જર્કમાં પ્રથમ પ્રયાસમાં 108 કિલો વજન ઉપાડ્યું હતું. આ પછી, તે બીજા પ્રયાસમાં 117 કિલો વજન ઉપાડવામાં નિષ્ફળ રહી. ત્રીજા પ્રયાસમાં પણ તે સફળ થઈ શકી નહીં.
ટોપ સ્ટોરી
ટ્રેન્ડિંગ સમાચાર
