Asian Games 2023 Live: ભારતે આજે જીત્યો બીજો ગોલ્ડ મેડલ, મહિલા ક્રિકેટ ટીમે રચ્યો ઇતિહાસ
Asian Games 2023 Live: એશિયન ગેમ્સ 2023 માં ભારતે પ્રથમ દિવસે પાંચ મેડલ જીત્યા હતા. હવે બીજા દિવસે પણ મેડલની આશા રહેશે
Background
Asian Games 2023 Live: એશિયન ગેમ્સ 2023 શરૂ થઈ ગઈ છે. જેમાં ભારતે પ્રથમ દિવસે પાંચ મેડલ જીત્યા હતા. હવે બીજા દિવસે પણ મેડલની આશા રહેશે. મહિલા ક્રિકેટની ફાઇનલમાં ટીમ ઇન્ડિયાનો મુકાબલો શ્રીલંકા સામે થશે. આ સાથે ભારતીય ખેલાડીઓ અન્ય રમતોમાં પણ ભાગ લેશે. રોઈંગ, ચેસ, બોક્સિંગ, જિમ્નાસ્ટિક્સ અને જૂડોમાં ભારતીય ખેલાડીઓ જીતના ઈરાદા સાથે મેદાનમાં ઉતરશે.
એશિયન ગેમ્સમાં ભારતીય મહિલા ટીમ સીધી ક્વાર્ટર ફાઇનલમાં પહોંચી હતી. ક્વાર્ટર ફાઇનલમાં મહિલા ટીમનો સામનો મલેશિયા સામે થયો હતો. જો કે વરસાદના કારણે આ મેચ પૂર્ણ થઈ શકી ન હતી. જેના કારણે ટીમ ઈન્ડિયા સેમિફાઈનલમાં પહોંચી હતી. તેણે સેમિફાઇનલમાં બાંગ્લાદેશને 8 વિકેટે હરાવીને ફાઇનલમાં સ્થાન મેળવ્યું હતું. હવે સોમવારે સવારે 11.30 વાગ્યાથી ભારત અને શ્રીલંકા વચ્ચે મેચ રમાશે.
એશિયન ગેમ્સના બીજા દિવસે જિમ્નાસ્ટિક્સમાં મહિલા ક્વોલિફિકેશન સબ-ડિવિઝન 1 સવારે 7.30 વાગ્યે શરૂ થશે. બોક્સિંગમાં ભારતીય બોક્સરો રિંગમાં ઉતરશે. આમાં અરુંધતી ચૌધરી ચીનના લિયુ યાંગ સાથે ટકરાશે. આ રાઉન્ડ ઓફ 16 મેચ હશે. મેન્સમાં દીપક ભોરિયાનો સામનો મલેશિયાના અબ્દુલ કયૂમ બિન અરિફિન સાથે થશે. અન્ય મેચમાં નિશાંત દેવ અને દીપેશ લામા વચ્ચે મુકાબલો થશે.
ભારતની ગરિમા ચૌધરી જુડોની મેડલ ઈવેન્ટમાં મહિલાઓના 70 કિગ્રા જૂથ માટે રમશે. સ્વિમિંગમાં પણ ઘણા સ્વિમર્સ પાસેથી અપેક્ષાઓ હશે. પુરુષોની 50 મીટર બેકસ્ટ્રોક હીટ અને ફાઇનલમાં શ્રીહરિ નટરાજનું પ્રદર્શન જોવા મળશે. મહિલાઓની 50 મીટર બેકસ્ટ્રોક હીટ અને ફાઈનલમાં માના પટેલનું પ્રદર્શન જોવા મળશે. તેમની સાથે લિકિથ સેલ્વરાજ, હશિકા રામચંદ્ર અને ધિનિધિ દેસિંધુ પણ સ્વિમિંગમાં પોતાનું નસીબ અજમાવશે.
નોંધનીય છે કે પ્રથમ દિવસની મેડલ યાદીમાં ભારત 7મા સ્થાને હતું. ભારતે 3 સિલ્વર અને 2 બ્રોન્ઝ મેડલ જીત્યા હતા. આ રીતે ભારતને પ્રથમ દિવસે કુલ 5 મેડલ મળ્યા છે. આમાં ચીન પ્રથમ ક્રમે રહ્યું હતું. ચીનને પ્રથમ દિવસે કુલ 30 મેડલ મળ્યા છે. ચીનના ખેલાડીઓએ 20 ગોલ્ડ, 7 સિલ્વર અને 3 બ્રોન્ઝ મેડલ જીત્યા હતા. કોરિયા બીજા ક્રમે અને જાપાન ત્રીજા ક્રમે રહ્યું હતું.
ભારતીય મહિલા ટીમે એશિયન ગેમ્સમાં ગોલ્ડ મેડલ જીત્યો છે
ભારતીય મહિલા ટીમે એશિયન ગેમ્સમાં ગોલ્ડ મેડલ જીત્યો છે. ફાઈનલ મેચમાં ટીમ ઈન્ડિયાએ શ્રીલંકાને 19 રને હરાવીને ગોલ્ડ મેડલ જીત્યો હતો. એશિયન ગેમ્સમાં ભારતનો આ બીજો ગોલ્ડ છે.
Asian Games 2023 Live: ભારત બાસ્કેટબોલમાં જીત્યું
ભારતીય બાસ્કેટબોલ ટીમે ગ્રુપ સ્ટેજની મેચમાં મલેશિયાને 20-16થી હરાવ્યું હતું. જુડોમાં ભારતને નિરાશાનો સામનો કરવો પડ્યો હતો. ગરિમા ચૌધરી પ્રી-ક્વોલિફાયરમાં હારી ગઈ હતી.
ટોપ સ્ટોરી
ટ્રેન્ડિંગ સમાચાર
