Asian Para Games 2023: ભારતના સુંદર સિંહ ગુર્જરે ભાલા ફેંક F46 ઈવેન્ટમાં ગોલ્ડ મેડલ જીતવાની સાથે તોડ્યો વર્લ્ડ રેકોર્ડ

એશિયન પેરા ગેમ્સ 2023માં ભાલા ફેંકમાં ભારતે ગોલ્ડ, સિલ્વર અને બ્રોન્ઝ મેડલ જીત્યા છે.

એશિયન પેરા ગેમ્સમાં ભાલા ફેંકમાં ભારતને મળ્યો ગોલ્ડ મેડલ

Asian Para Games 2023: એશિયન પેરા ગેમ્સમાં ભારતીય એથ્લેટ્સ શાનદાર દેખાવ કરી રહ્યા છે. ભારતના સુંદર સિંહ ગુર્જરે બુધવારે ચીનના હાંગઝોઉમાં એશિયન પેરા ગેમ્સમાં પુરુષોની ભાલા ફેંક-F46 ફાઇનલમાં ગોલ્ડ જીતવા માટે વર્લ્ડ રેકોર્ડ તોડ્યો હતો. સુંદરના 68.60 મીટર થ્રોએ તેના છઠ્ઠા અને અંતિમ પ્રયાસમાં શ્રીલંકાના દિનેશ પ્રિયંતાનો 67.79નો અગાઉનો વર્લ્ડ રેકોર્ડ તોડી નાખ્યો હતો. ભારતીયોના થ્રોએ ગેમ્સ અને એશિયન રેકોર્ડને પણ પાછળ છોડી દીધા.

સિલ્વર અને બ્રોન્ઝ પણ ભારતના ખાતામાં

ભારત આ ઇવેન્ટમાં 1-2-3 થી જીત મેળવીને પોડિયમ સ્વીપ કરવામાં સફળ રહ્યું હતું. રિંકુ અને અજીત સિંહે પણ ગેમ્સ રેકોર્ડ તોડ્યો હતો પરંતુ સિલ્વર અને બ્રોન્ઝ જીતવા માટે તેઓ માત્ર 67.08 મીટર અને 63.52 ફેંકવામાં સફળ રહ્યા હતા.

Day 3⃣ of #AsianParaGames2022 & 🇮🇳 gives another clean sweep in Men's F-46 #Javelin Throw 🥳🥳

3 #TOPSchemeAthletes & Top 3 podium finishes!👇

* GOLD - @SundarSGurjar broke the World & Asian Record with a throw of 68.60m 🥳

* SILVER - @RinkuHooda001 with a Games Record throw… pic.twitter.com/5J7UuqJPHY

— SAI Media (@Media_SAI) October 25, 2023

ઓલિમ્પિક અને વિશ્વ ચેમ્પિયન રહેલા સુમિત એંટિલે સફળતાપૂર્વક પોતાના ગોલ્ડ મેડલનો બચાવ કર્યો હતો જ્યારે પુરુષોની જેવલિન F64 ઇવેન્ટમાં પોતાનો વર્લ્ડ રેકોર્ડ પણ સુધાર્યો હતો. 66.22 મીટરના તેના પ્રથમ થ્રો સાથે, સુમિતે સરળતાથી 56.29 મીટરનો ગેમ્સ રેકોર્ડ તોડી નાખ્યો જે તેણે 2018માં જકાર્તામાં બનાવ્યો હતો. તેનો બીજો થ્રો 70.48 મીટરમાં માપવામાં આવ્યો હતો, જે તેણે આ વર્ષની શરૂઆતમાં પેરિસમાં વર્લ્ડ પેરા એથ્લેટિક્સ ચેમ્પિયનશિપમાં હાંસલ કરેલા 70.83 મીટરના વિશ્વ વિક્રમ માર્કથી થોડો ઓછો હતો. જો કે, આખરે તેણે તેના ત્રીજા પ્રયાસમાં 73.29 મીટરના જંગી થ્રો રેકોર્ડ બનાવ્યો હતો.

ગોલ્ડ મેડલ જીત્યા બાદ સુંદર  સિંહ ગુર્જરે કરેલું ટ્વિટ

ગોલ્ડ મેડલ જીત્યા બાદ સુંદર સિંહ ગુર્જરે સફળતાનો શ્રેય માતા, પિતા, કોચને આપી નીચે પ્રમાણે ટ્વિટ કર્યુ હતું.

भगवान,माता-पिता के आशिर्वाद एवं आप सभी के प्यार से आज एशियन गेम्स में वर्ल्ड रिकार्ड के साथ गोल्ड मेडल प्राप्त करने में सफलता मिली मैं अपनी सफलता का श्रेय भगवान,माता-पिता,मेरे कोच,पैरालम्पिक कमेटी ऑफ इंडिया,राजस्थान वन विभाग को देना चाहता हूँ आप के सहयोग के बिना यह सम्भव नही था pic.twitter.com/ZFpNwH6Li5

— Sundar Singh Gurjar (@SundarSGurjar) October 25, 2023