2027 વનડે વર્લ્ડ કપ પહેલા નવો વિવાદ, ICC ના ફોર્મેટ પર બે ટીમોએ ઉઠાવ્યા સવાલ

નવા ફોર્મેટમાં 14 ટીમો ભાગ લેશે, પરંતુ લાંબી ક્વોલિફાઇંગ પ્રક્રિયાને કારણે નાની ટીમોની વર્લ્ડ કપ રમવાની આશા પર પાણી ફરી વળવાની ભીતિ.

2027 odi world cup format controversy scotland netherlands icc news

Source : ai

Show Quick Read

Key points generated by AI, verified by newsroom

• 2027 ODI વર્લ્ડ કપ ફોર્મેટ પર વિવાદ ઉભો થયો.
• ICC ના નવા ફોર્મેટથી નાની ટીમો નારાજ છે.
• સ્કોટલેન્ડ, નેધરલેન્ડ્સને ICC તરફથી જવાબ મળ્યો નથી.
• ક્વોલિફાયરનું સ્થળ અનિશ્ચિત, નાની ટીમો માટે મુશ્કેલ.

2027 ODI World Cup controversy: ક્રિકેટ ચાહકો 2027 ના વનડે વર્લ્ડ કપની કાગડોળે રાહ જોઈ રહ્યા છે. આ મહાકુંભ શરૂ થવાને હવે માંડ 18 મહિના જેટલો સમય બાકી છે, પરંતુ તે પહેલાં જ એક મોટો વિવાદ ઊભો થઈ ગયો છે. ICC (ઇન્ટરનેશનલ ક્રિકેટ કાઉન્સિલ) દ્વારા તાજેતરમાં જે નવું ફોર્મેટ જાહેર કરવામાં આવ્યું છે, તેનાથી કેટલીક ટીમો બિલકુલ ખુશ નથી. ખાસ કરીને સ્કોટલેન્ડ અને નેધરલેન્ડ્સ જેવી ટીમોએ આ ફોર્મેટ સામે ભારે નારાજગી વ્યક્ત કરીને સવાલો ઉઠાવ્યા છે અને તેમને હજુ સુધી કોઈ સંતોષકારક જવાબ પણ મળ્યો નથી.

શું છે ICC નું નવું ફોર્મેટ?

આવતા વર્ષે યોજાનાર વનડે વર્લ્ડ કપના ફોર્મેટમાં ICC એ મોટા ફેરફારો કર્યા છે. અગાઉ વર્લ્ડ કપમાં 10 ટીમો રમતી હતી, પરંતુ હવે કુલ 14 ટીમો આ મેગા ટુર્નામેન્ટમાં ભાગ લેશે. આ નિર્ણય આમ તો સારો લાગે છે, પરંતુ અસલી સમસ્યા ક્વોલિફાઇંગ રાઉન્ડમાં છે. નવા નિયમો મુજબ, નાની ટીમો (એસોસિએટ રાષ્ટ્રો) ને વર્લ્ડ કપની મુખ્ય મેચો સુધી પહોંચવા માટે અનેક મુશ્કેલ રાઉન્ડમાંથી પસાર થવું પડશે. આ લાંબી પ્રક્રિયાએ નાની ટીમો માટે વર્લ્ડ કપ રમવાનું સપનું વધુ કપરું બનાવી દીધું છે.

ICC ના મૌનથી ટીમોમાં રોષ

'ક્રિકબઝ' ના એક અહેવાલ મુજબ, આ નવા ફેરફારોને લઈને સ્કોટલેન્ડ અને નેધરલેન્ડ્સે અન્ય કેટલીક ટીમો સાથે મળીને ICC સાથે બે વખત મહત્વની બેઠક કરી છે. આ બેઠકોમાં તેમણે નવી ક્વોલિફાઇંગ પ્રક્રિયા અંગે સ્પષ્ટતા માંગી હતી. જોકે, આશ્ચર્યની વાત એ છે કે બે અઠવાડિયા વીતી જવા છતાં ICC તરફથી તેમને કોઈ જ જવાબ આપવામાં આવ્યો નથી. બંને દેશોના ક્રિકેટ બોર્ડ્સ આ વલણને ખૂબ જ નિરાશાજનક ગણાવી રહ્યા છે.

આ પણ વાંચોઃ IND vs SL: ગિલ બાદ વધુ એક સ્ટાર પ્લેયર ઈજાગ્રસ્ત? બોલિંગ કોચે તોડ્યું મૌન

'સુપર સિરીઝ' બની મોટો અવરોધ

આ નવા ફોર્મેટમાં 14 ટીમો ફાઇનલ થાય તે પહેલાં એક 'સુપર સિરીઝ' રમાડવામાં આવશે. આ સિરીઝમાં રેન્કિંગમાં 12, 13 અને 14 મા ક્રમે રહેલી ટીમો એકબીજા સામે ટકરાશે. આ ત્રણમાંથી જે ટીમ પ્રથમ સ્થાને રહેશે તે જ આગળ વધશે, જ્યારે બાકીની બે ટીમો સીધી જ ટુર્નામેન્ટમાંથી બહાર ફેંકાઈ જશે. સ્કોટલેન્ડ અને નેધરલેન્ડ્સનું સ્પષ્ટ માનવું છે કે આવી કઠિન સિસ્ટમથી એસોસિએટ રાષ્ટ્રોના વર્લ્ડ કપ સુધી પહોંચવાના ચાન્સ ખૂબ જ ઘટી જાય છે.

ક્વોલિફાયરના સ્થળ અંગે પણ હજુ અસમંજસ

સ્કોટલેન્ડ અને નેધરલેન્ડ્સની ટીમોએ 2027 વર્લ્ડ કપ ક્વોલિફાયર માટે તો પોતાનું સ્થાન પાકું કરી લીધું છે, પરંતુ આ ક્વોલિફાયર મેચો ક્યાં રમાશે તે અંગે હજુ કોઈ જ સ્પષ્ટતા નથી. વર્લ્ડ કપને હવે માત્ર 18 મહિનાનો સમય બાકી છે, ત્યારે બંને બોર્ડનું કહેવું છે કે સિઝનની આટલી શરૂઆતમાં નિયમોમાં આવા મોટા ફેરફારો કરવા એ નાની ટીમો સાથે અન્યાય છે. તેનાથી ખેલાડીઓની તૈયારીઓમાં અનેક પ્રકારની મુશ્કેલીઓ ઊભી થાય છે.

આ પણ વાંચોઃ રહાણેએ ખુલાસો કર્યો: યશસ્વી પર લાગવાનો હતો 4 મેચનો બેન, આ રીતે બચાવી તેની કારકિર્દી