Andre Russell Retirement: ટી-20 વર્લ્ડકપ અગાઉ વેસ્ટઈન્ડિઝને લાગ્યો મોટો ઝટકો, દિગ્ગજ ઓલરાઉન્ડરે લીધી નિવૃતિ
Andre Russell Retirement: રસેલના નિવૃત્તિના સમાચાર પર દેશના ક્રિકેટ બોર્ડે તેમની 17 તસવીરો શેર કરી અને તેમનો આભાર માન્યો હતો
Andre Russell Retirement: વેસ્ટ ઈન્ડિઝના ઓલરાઉન્ડર આન્દ્રે રસેલે આંતરરાષ્ટ્રીય ક્રિકેટમાંથી નિવૃત્તિ લીધી હતી. તે ઓસ્ટ્રેલિયા સામે પોતાની આંતરરાષ્ટ્રીય કારકિર્દીની છેલ્લી મેચ રમશે. રસેલના નિવૃત્તિના સમાચાર પર દેશના ક્રિકેટ બોર્ડે તેમની 17 તસવીરો શેર કરી અને તેમનો આભાર માન્યો હતો. રસેલને સલામ કરતાં વેસ્ટ ઈન્ડિઝ ક્રિકેટના સત્તાવાર x હેન્ડલ પર લખ્યું હતું કે, 'તમે વેસ્ટ ઈન્ડિઝ માટે 15 વર્ષ સુધી પૂરા દિલ, જુસ્સા અને ગર્વથી ક્રિકેટ રમ્યા.' ક્રિકેટ બોર્ડે કહ્યું કે જ્યારે પણ રસેલ મેદાન પર હતો, ત્યારે ચાહકોને ચમત્કારિક શક્તિનો અનુભવ થતો હતો. આ ઉપરાંત રસેલ બે વાર ટી-20 વર્લ્ડ કપ ચેમ્પિયન ટીમનો પણ ભાગ હતો. ક્રિકેટ બોર્ડ તમને સલામ કરે છે.
Thank You, DRE RUSS!🫶🏽
For 15 years, you played with heart, passion, and pride for the West Indies 🌴
From being a two-time T20 World Cup Champion to your dazzling power on and off the field.❤️
WI Salute You!🏏#OneLastDance #WIvAUS #FullAhEnergy pic.twitter.com/bEWfdMGdZ7 — Windies Cricket (@windiescricket) July 16, 2025
કેરેબિયન ક્રિકેટરોની આગામી પેઢી માટે એક આદર્શ
રસેલે કહ્યું હતું કે તેને હંમેશા વેસ્ટ ઈન્ડિઝ માટે રમવાનું ગમ્યું છે. મને મારા ઘરે પરિવાર અને મિત્રો સાથે રમવાનું પણ ગમે છે. મને મારી પ્રતિભા દર્શાવવાનો અને વધુ સારું પ્રદર્શન કરવાનો મોકો મળ્યો. હું મારી આંતરરાષ્ટ્રીય કારકિર્દીનો અંત શાનદાર રીતે કરવા માંગુ છું. કેરેબિયન ક્રિકેટરોની આગામી પેઢી માટે રોલ મોડેલ બનવા માંગુ છું.
રસેલ ભારતમાં પણ ખૂબ જ લોકપ્રિય છે
ક્રિકેટ બોર્ડ દ્વારા શેર કરાયેલા રસેલના ફોટામાં તે દેશના ભૂતપૂર્વ ક્રિકેટરો સાથે જોઈ શકાય છે. 12 નંબરની જર્સી પહેરીને દેશનું પ્રતિનિધિત્વ કરનાર રસેલ ભારતમાં પણ ખૂબ જ લોકપ્રિય છે. તે ઇન્ડિયન પ્રીમિયર લીગ (IPL) માં બેટિંગ ઓલરાઉન્ડર તરીકે રમે છે. જરૂરિયાત મુજબ, ટીમના કેપ્ટન તેને બોલિંગની તકો પણ આપે છે. રસેલના નિવૃત્તિના સમાચારથી તેના ચાહકો ખૂબ જ નિરાશ થયા છે, જે એક અદ્ભુત મેચ વિજેતા હતો, પરંતુ ચાહકો તેને તેના ભાવિ જીવન માટે ઘણી શુભેચ્છાઓ પણ આપી રહ્યા છે.
વેસ્ટ ઇન્ડીઝના અનુભવી ખેલાડી રસેલે કહ્યું હતું કે, વેસ્ટ ઇન્ડીઝનું પ્રતિનિધિત્વ કરવું એ મારા જીવનની સૌથી ગર્વની સિદ્ધિઓમાંની એક રહી છે. તેનો અર્થ શબ્દોમાં વ્યક્ત કરી શકાતો નથી. જ્યારે હું બાળક હતો ત્યારે મને અહી સુધી પહોંચવાની અપેક્ષા નહોતી. તમે રમવાનું શરૂ કરો છો અને ધીમે ધીમે આ રમતને પ્રેમ કરવાનું શરૂ કરો છો. તમે તમારી શક્તિ અને ક્ષમતાનો અહેસાસ કરો છો. દેશના ક્રિકેટે મને વધુ સારા બનવા માટે પ્રેરણા આપી. હું અન્ય લોકો માટે પ્રેરણા બનવા માંગતો હતો.
આન્દ્રે રસેલના યોગદાનની પ્રશંસા કરતા વેસ્ટ ઇન્ડીઝ ક્રિકેટે તેમના 15 વર્ષના કરિયરની કેટલીક ઝલક શેર કરી હતી. ક્રિકેટ બોર્ડ દ્વારા તેના X હેન્ડલ પર શેર કરાયેલી પોસ્ટમાં રસેલને તેમના ઉપનામ - ડ્રે રસથી સંબોધવામાં આવ્યો છે. બોર્ડે તેમના સમગ્ર ક્રિકેટ કારકિર્દી દરમિયાન બે વાર વિશ્વ ચેમ્પિયન ટીમનો ભાગ બનવા બદલ તેમને અભિનંદન પણ આપ્યા છે. બોર્ડે કહ્યું કે આખો દેશ તેમને સલામ કરે છે.
ટોપ સ્ટોરી
ટ્રેન્ડિંગ સમાચાર
