Asia Cup 2022: આજથી એશિયા કપનો પ્રારંભ, છ દેશ વચ્ચે ચેમ્પિયન બનવા જંગ, જાણો દરેક દેશની ટીમ
Asia Cup 2022 : 16 દિવસ ચાલનારી એશિયા કપ ટી-20માં 13 મુકાબલના અંતે એક વિજેતા મળશે. ફાઈનલ મેચ 11 સપ્ટેમ્બરે દુબઈ ઈન્ટરનેશનલ ક્રિકેટ સ્ટેડિયમમાં રમાશે.
Asia Cup 2022: એશિયા કપની 15મી આવૃત્તિનો આજથી આરંભ થશે. કુલ 16 દિવસ ચાલનારી એશિયા કપ ટી-20માં 13 મુકાબલના અંતે એક વિજેતા મળશે. ફાઈનલ મેચ 11 સપ્ટેમ્બરે દુબઈ ઈન્ટરનેશનલ ક્રિકેટ સ્ટેડિયમમાં રમાશે. તમામ મેચ સાજે 7.30 કલાકથી શરૂ થશે. એશિયા કપમાં ભાગ લઈ રહેલી છ માંથી પાંચ ટીમો ઓક્ટોબર-નવેમ્બરમાં ઓસ્ટ્રેલિયામાં રમાનારા વર્લ્ડકપમાં ભાગ લેશે.
ભારત સાત વખત ચેમ્પિયનઃ ડિફેન્ડિંગ ચેમ્પિયન ભારતે એશિયા કપમાં 13 વખત ભાગ લીધો છે અને સાત વખત વિજેતા બન્યું છે. આ વખતે ભારત ટાઈટલ જીતવો હોટ ફેવરિટ મનાય છે.
ટીમઃ રોહિત શર્મા (કેપ્ટન), કેએલ રાહુલ, વિરાટ કોહલી, દીપક હુડા, સૂર્યકુમાર યાદવ, રવિન્દ્ર જાડેજા, દિનેશ કાર્તિક, હાર્દિક પંડ્યા, રિષભ પંત, રવિ બિશ્નોઈ, અર્શદીપ, અશ્વિન, અવેશ ખાન, યુઝવેન્દ્ર ચહલ, ભુવનેશ્વર કુમાર.
પાકિસ્તાનઃ પાકિસ્તાને એશિયાકપમાં 13 વખત ભાગ લીધો છે અને બે વખત વિજેતા બન્યું છે. 2016માં ગ્રુપ સ્ટેજમાં જ બહાર થઈ ગયું હતું.
ટીમઃ બાબર આઝમ, શદાબ ખાન, આસિફ, ઝમાન, હૈદર અલી, રઉફ. ઈફ્તિખાર, ખુશદીલ, હસ્નાન, નવાઝ, રિઝવાન, વસીમ, નસીમ, દાહાની, ઉસ્માન કાદીર
શ્રીલંકાઃ શ્રીલંકા પાંચ વખત એશિયા કપ જીત્યું છે. 2016માં સ્ટેજ ગ્રુપમાં બહાર ફેંકાયું હતું. આ વખતે ટીમ થોડી નબળી છે.
ટીમઃ શનાકા, ગુણાથિલાકા, નિસાંકા, કુલસ મેંડિસ, અસાલાન્ક, રાજપક્ષા, ધનંજયા, હસારંગા, તિક્ષ્ણા, વાન્ડેરસ, જયાવિક્રમા, ચામીરા કરૂણારત્ને, ડી.મંદુશકા, પથિરાના, એન.ફર્નાન્ડો, ચાંદીમલ
બાંગ્લાદેશઃ બાંગ્લાદેશ અત્યાર સુધીમાં એક પણ વખત વિજેતા બની શક્યું નથી. ત્રણ વખત રનર્સ અપ રહ્યું છે. શાકિબની કેપ્ટનશિપમાં આ વખતે ચમત્કાર કરી શકે છે.
ટીમઃ શાકિબ અલ હસન (કેપ્ટન), આફિક હૌસેન. અનામુલ હત, ઈબાદત, મહેંદી હસન,, મહમુદ્લ્લાહ, મિરાઝ, નઈમ, સૈફુદિન, મૌસાદ્દક, રહીમ ,રહમાન, નાસુમ, પરવેઝ, શબ્બીર, તસ્કીન
અફઘાનિસ્તાનઃ અફઘાનિસ્તાન એશિયા કપ ટી-20માં પ્રથમ વખત ભાગ લઈ રહ્યું છે. મોહમ્મદ નાબીની કેપ્ટનશિપમાં આ વખતે ચમત્કાર સર્જી શકે છે. રાશિદ ખાન વર્લ્ડ કલાસ બોલિંગથી પાસું પલટી શકે છે.
મોહમ્મદ નાબી (કેપ્ટન), એન ઝદરન. એ.ઝાઝાઈ, ઓમરઝાઈ, ફરીદ, ફારૂકી, શાહિદી, એચ.ઝાઝાઈ, આઈ.ઝદરન, જનત, મુજીબ, નાવીન, નૂર અહમદ, ગુરબાઝ, રાશિદ, શિનવારી
હોંગકોંગઃ હોંગકોંગ એશિયાકપ ટી-20માં પ્રથમ વખત ક્વોલિફાય થયું છે. આ ટીમમાં મૂળ ગુજરાતી કિંચિત શાહ અને આયુષ શુક્લાનો પણ સમાવેશ થયો છે. ટીમમાં મોટાભાગે ભારત, પાકિસ્તાન, બાંગ્લાદેશ મૂળના ખેલાડીઓ છે.
ટીમઃ નિઝાકત (કેપ્ટન), આફતાબ, ઐઝાઝ ખાન, અતીફ ઈકબાલ, હાયત, ધનંજય રાવ, અહેસાન, હારૂન, મેક્કેરની, ધઝાનફાર, વાહિત, કિંચિત શાહ, આયુષ શુક્લા, અહાન ત્રિવેદી, વાજીદ, મુર્તુઝા, ઝીશાન અલી.
કઈ ટીમની ક્યારે થશે ટક્કર
- 27 ઓગસ્ટઃ શ્રીલંકા વિ અફઘાનિસ્તાન ગ્રુપ બી
- 28 ઓગસ્ટઃ ભારત વિ પાકિસ્તાન ગ્રુપ એ
- 30 ઓગસ્ટઃ બાંગ્લાદેશ વિ અફઘાનિસ્તાન ગ્રુપ બી
- 31 ઓગસ્ટઃ ભારત વિ ક્વોલિફાયર ગ્રુપ એ
- 1 સપ્ટેમ્બરઃ શ્રીલંકા વિ બાંગ્લાદેશ ગ્રુપ બી
- 2 સપ્ટેમ્બરઃ પાકિસ્તાન વિ ક્વોલિફાયર ગ્રુપ એ
- 3 સપ્ટેમ્બરઃ બી1 વિ બી 2, સુપર ફોર
- 4 સપ્ટેમ્બરઃ એ1 વિ એ 2, સુપર ફોર
- 6 સપ્ટેમ્બરઃ એ1 વિ બી1, સુપર ફોર
- 7 સપ્ટેમ્બરઃ એ2 વિ બી2, સુપર ફોર
- 8 સપ્ટેમ્બરઃ એ1 વિ બી2, સુપર ફોર
- 9 સપ્ટેમ્બરઃ બી1 વિ એ2, સુપર ફોર
- 11 સપ્ટેમ્બરઃ ફાઈનલ સુપર ફોરમાં પ્રથમ અને બીજા નંબરે રહેલી ટીમો
એશિયા કપનો ઇતિહાસ
એશિયા કપના ઈતિહાસની વાત કરીએ તો તેની શરૂઆત વર્ષ 1984માં થઈ હતી. તે વર્ષે આ ટુર્નામેન્ટ યુએઈમાં રમાઈ હતી. એશિયા કપ 1984માં ટીમ ઈન્ડિયા ચેમ્પિયન બની હતી. તે જ સમયે, અત્યાર સુધીમાં 14 વખત એશિયા કપનું આયોજન કરવામાં આવ્યું છે. જેમાં ભારતે સૌથી વધુ 7 વખત ટ્રોફી જીતી છે જ્યારે શ્રીલંકાએ 5 વખત એશિયા કપ જીત્યો છે.
એશિયા કપમાં સૌથી વધુ રન સનથ જયસૂર્યાના નામે
એશિયા કપમાં સૌથી વધુ રન બનાવનાર બેટ્સમેન શ્રીલંકાના સનથ જયસૂર્યા છે. જયસૂર્યાએ 25 મેચમાં 1220 રન બનાવ્યા છે. તે જ સમયે, લસિથ મલિંગા આ ટૂર્નામેન્ટનો સૌથી સફળ બોલર છે. એશિયા કપમાં લસિથ મલિંગાએ 14 મેચમાં 20.55ની એવરેજથી કુલ 29 વિકેટ ઝડપી છે.
ટ્રેન્ડિંગ સમાચાર
ટોપ સ્ટોરી
