IND vs AUS: ઓસ્ટ્રેલીયાએ ભારતને આપ્યો 277 રનનો ટાર્ગેટ, શમીની 5 વિકેટ
IND vs AUS: મોહાલી વનડેમાં, ભારતીય બોલરોએ યોગ્ય લાઇન લેન્થ સાથે બોલિંગ કરી અને બેટ્સમેનોને મદદરૂપ બનતી પીચ પર ઓસ્ટ્રેલિયાને માત્ર 276 રન જ બનાવવા દીધા હતા
IND vs AUS: મોહાલી વનડેમાં, ભારતીય બોલરોએ યોગ્ય લાઇન લેન્થ સાથે બોલિંગ કરી અને બેટ્સમેનોને મદદરૂપ બનતી પીચ પર ઓસ્ટ્રેલિયાને માત્ર 276 રન જ બનાવવા દીધા હતા. ઘણા ઓસ્ટ્રેલિયન બેટ્સમેનોને સારી શરૂઆત મળી હતી, પરંતુ કોઈ મોટી ઇનિંગ્સ રમવામાં સફળ રહ્યું ન હતું. ઓસ્ટ્રેલિયા તરફથી ડેવિડ વોર્નરે સૌથી વધુ 52 રન બનાવ્યા હતા. જ્યારે જોશ ઇંગ્લિસે 45 રનની ઇનિંગ રમી હતી અને માર્નસ લાબુશેને 39 રનની ઇનિંગ રમી હતી. ભારત માટે ફાસ્ટ બોલર મોહમ્મદ શમીએ શાનદાર પ્રદર્શન કર્યું હતું. શમીએ 10 ઓવરમાં એક મેડન આપીને 51 રન આપીને પાંચ વિકેટ લીધી હતી.
That's a 5-wicket haul for @MdShami11 🔥🔥
His second in ODIs.
Live - https://t.co/H6OgLtww4N…… #INDvAUS@IDFCFIRSTBank pic.twitter.com/HeBvy9Jcz6 — BCCI (@BCCI) September 22, 2023
ભારત અને ઓસ્ટ્રેલિયા વચ્ચે મોહાલીમાં પ્રથમ વનડે રમાઈ રહી છે. આ મેચમાં ડેવિડ વોર્નરે ખાસ સદી પૂરી કરી છે. ભારત સામે ડેવિડ વોર્નર 53 બોલમાં 52 રન બનાવીને આઉટ થયો હતો. આ દરમિયાન તેના બેટમાંથી 6 ચોગ્ગા અને 2 છગ્ગા આવ્યા હતા. હવે તમે વિચારતા હશો કે જ્યારે વોર્નર 52 રન બનાવીને આઉટ થયો ત્યારે તેણે પોતાની સદી કેવી રીતે પૂરી કરી. વાસ્તવમાં વોર્નરે ભારત સામેની પ્રથમ વનડેમાં બે સિક્સર ફટકારી હતી. આ સાથે તે વનડેમાં 100 સિક્સર સુધી પહોંચી ગયો. તે ઓસ્ટ્રેલિયા માટે ODIમાં 100થી વધુ સિક્સર મારનાર સાતમો ક્રિકેટર બન્યો છે.
ઓસ્ટ્રેલિયા સામે ભારતનો એકંદર રેકોર્ડ પ્રભાવશાળી રહ્યો છે. જો કે, આંકડાઓમાં ઓસ્ટ્રેલિયાનો હાથ ઉપર હોવાનું જણાય છે. ભારત અને ઓસ્ટ્રેલિયા વચ્ચે અત્યાર સુધીમાં 146 ODI મેચ રમાઈ છે. આ દરમિયાન ટીમ ઈન્ડિયાએ 54 મેચ જીતી છે. જ્યારે તેને 82 મેચમાં હારનો સામનો કરવો પડ્યો છે. ભારત અને ઓસ્ટ્રેલિયા વચ્ચે છેલ્લી ODI આ વર્ષે માર્ચમાં રમાઈ હતી. ચેન્નાઈમાં રમાયેલી આ મેચમાં ટીમ ઈન્ડિયાને 21 રનથી હારનો સામનો કરવો પડ્યો હતો. વિરાટ કોહલીએ ચેન્નાઈમાં અડધી સદીની ઇનિંગ રમી હતી.
ભારતની પ્લેઇંગ-11
કેએલ રાહુલ (કેપ્ટન અને વિકેટકીપર), શુભમન ગિલ, ઋતુરાજ ગાયકવાડ, શ્રેયસ અય્યર, ઈશાન કિશન, સૂર્યકુમાર યાદવ, રવીન્દ્ર જાડેજા, રવિચંદ્રન અશ્વિન, શાર્દૂલ ઠાકુર, જસપ્રિત બુમરાહ અને મોહમ્મદ શમી.
ઓસ્ટ્રેલિયાની પ્લેઇંગ-11
પેટ કમિન્સ (કેપ્ટન), ડેવિડ વોર્નર, મિચેલ માર્શ, સ્ટીવ સ્મિથ, માર્નસ લાબુશેન, કેમરૂન ગ્રીન, જોશ ઈંગ્લીસ(વિકેટકીપર), માર્કસ સ્ટોઈનીસ, મેથ્યુ શોર્ટ, સીન એબોટ અને એડમ ઝામ્પા.
ટ્રેન્ડિંગ સમાચાર
ટોપ સ્ટોરી
