IPLમાં હવે રમશે 10 ટીમો, કેટલી હશે મેચો ને ક્યારથી નવી ટીમો ઉમેરાશે, જાણો વિગતે

10 ટીમોની આઇપીએલમાં 94 મેચોનુ આયોજન થશે જેના માટે લગભગ અઢી મહિનાની જરૂર પડશે, આનાથી આંતરરાષ્ટ્રીય ક્રિકેટનુ કેલેન્ડર અવ્યવસ્થિત થઇ શકે છે

અમદાવાદઃ હવે આઇપીએલમાં વર્ષ 2022માં 10 ટીમો હશે, આજે અમદાવાદમાં થયેલી બીસીસીઆઇની બેઠકમાં ફેંસલો લેવામાં આવ્યો છે. અત્યાર સુધી આઇપીએલમાં 8 ટીમો રમતી આવી રહી છે. 10 ટીમોની આઇપીએલમાં 94 મેચોનુ આયોજન થશે જેના માટે લગભગ અઢી મહિનાની જરૂર પડશે, આનાથી આંતરરાષ્ટ્રીય ક્રિકેટનુ કેલેન્ડર અવ્યવસ્થિત થઇ શકે છે. આની સાથે જ આઇપીએલ પુરી સમય મર્યાદા માટે ટૉપ વિદેશી ખેલાડીઓની ઉપલબ્ધતા નક્કી કરવામાં આવવી જોઇએ. પ્રસારણ રાશિ પ્રતિ વર્ષ 60 મેચોના હિસાબથી છે, જેના પર ફરીથી વાતચીતની આવશ્યકતા રહેશે. હાલ સ્ટાર ઇન્ડિયા 2018-2022ની વચ્ચેની સમય મર્યાદા માટે 16,347.50 કરોડ રૂપિયાની ચૂકવણી કરે છે, અને પ્રતિ વર્ષ 60 મેચોના લીધા છે. ગૌતમ અદાણી અને સંજીવ ગોયનકા (પૂર્વ ફ્રેન્ચાઇઝી રાઇઝિંગ પૂણે સુપરજાયન્ટ્સના માલિક) ટીમોની ખરીદીમાં દિલચસ્પી રાખનારા કેટલાક સૌથી મોટા નામોમાં સામેલ છે.