![ABP Premium](https://cdn.abplive.com/imagebank/Premium-ad-Icon.png)
Border - Gavakar Trophy: જાણો અમદાવાદમાં 8 થી 13 માર્ચ સુધી કેમ નહીં ઉડાડી શકાય ડ્રોન ?
અમદાવાદના નરેન્દ્ર મોદી સ્ટેડિયમમાં 9 માર્ચથી ભારત – ઓસ્ટ્રેલિયા વચ્ચે બોર્ડર ગાવસ્કર ટ્રોફીની ચોથી અને અંતિમ ટેસ્ટ મેચનો પ્રારંભ થશે.
![Border - Gavakar Trophy: જાણો અમદાવાદમાં 8 થી 13 માર્ચ સુધી કેમ નહીં ઉડાડી શકાય ડ્રોન ? Border - Gavakar Trophy Know why drones cannot be flown in Ahmedabad from March 8 to 13 Border - Gavakar Trophy: જાણો અમદાવાદમાં 8 થી 13 માર્ચ સુધી કેમ નહીં ઉડાડી શકાય ડ્રોન ?](https://feeds.abplive.com/onecms/images/uploaded-images/2023/03/07/1e2e69a9aa45a148542419b4c91c0f73167817932434076_original.jpg?impolicy=abp_cdn&imwidth=1200&height=675)
Narendra Modi Stadium: અમદાવાદના નરેન્દ્ર મોદી સ્ટેડિયમમાં 9 માર્ચથી ભારત – ઓસ્ટ્રેલિયા વચ્ચે બોર્ડર ગાવસ્કર ટ્રોફીની ચોથી અને અંતિમ ટેસ્ટ મેચનો પ્રારંભ થશે. આ મુકાબલો નિહાળવા ભારતના પ્રધાનમંત્રી નરેન્દ્ર મોદી અને ઓસ્ટ્રેલિયાના પ્રધાનમંત્રી પણ આવશે. બંને દેશના પીએમ સાથે બેસીને મેચ નીહાળશે. પીએમ મોદી આવતીકાલે રાત્રે અમદાવાદ આવશે. મેચ પહેલા પોલીસ કમિશ્નર દ્વારા જાહેરનામું બહાર પાડવામાં આવ્યું છે. 8 માર્ચથી 13 માર્ચ સુધી સમગ્ર શહેરમાં નો ડ્રોન ફલાય ઝોન રહેશે.
સ્ટેડિયમ ફેરવાયું પોલીસ છાવણીમાં
અમદાવાદ શહેરમાં યોજાનારી ટેસ્ટ મેચ અગાઉ સ્ટેડિયમ પોલીસ છાવણીમાં ફેરવાયું છે. યુવાનોમાં ભારત અને ઓસ્ટ્રેલિયા ટેસ્ટ મેચ માટે ભારે ઉત્સાહ છે. અમદાવાદ શહેર પોલીસ દ્વારા નો ડ્રોન ફલાય ઝોન જાહેર કરાયો છે. BRTS અને મેટ્રોની ફ્રિકવનસીમાં પણ વધારો કરાયો છે. સ્ટેડિયમમાં VVIP બંદોબસ્તના પગલે બેરીકેટિંગ કરવામાં આવ્યું છે. 5000 થી વધુ પોલીસ કર્મચારીઓ સ્ટેડિયમની બહાર ફરજ ઉપર હાજર રહેશે.
સૌથી વધુ સંખ્યામાં પ્રેક્ષકોનો મેચ જોવાનો બની શકે છે રેકોર્ડ
વિશ્વના સૌથી મોટા સ્ટેડિયમોમાંનું એક અમદાવાદનું આ સ્ટેડિયમ આ ટેસ્ટ મેચના પ્રથમ દિવસે એક ખાસ રેકોર્ડ બનાવી શકે છે. હાલમાં ઓસ્ટ્રેલિયાના ઐતિહાસિક મેલબોર્ન ક્રિકેટ ગ્રાઉન્ડના નામે આ રેકોર્ડ છે. ટેસ્ટ ક્રિકેટમાં એક દિવસમાં સૌથી વધુ સંખ્યામાં દર્શકો જોવાનો રેકોર્ડ MCG પાસે છે. આ ટેસ્ટ સિરીઝની અમદાવાદ ટેસ્ટ મેચની વાત કરીએ તો પહેલા દિવસની રમતની અત્યાર સુધીમાં 85,000થી વધુ ટિકિટો વેચાઈ ચૂકી છે. આ સાથે, જો વિદ્યાર્થીઓ અને પરિવારોને સ્ટેડિયમમાં મેચ જોવાની સુવિધા મળશે તો પ્રથમ દિવસે જ આ સંખ્યા 1 લાખને વટાવી જવાની આશા છે. અમદાવાદ સ્ટેડિયમની કુલ ક્ષમતા 1,32,000 છે. જો અમદાવાદના સ્ટેડિયમમાં 1 લાખ લોકો એકસાથે ટેસ્ટ મેચનો આનંદ માણશે તો ટેસ્ટ ક્રિકેટના ઈતિહાસમાં આ પહેલીવાર બનશે જ્યારે સ્ટેડિયમમાં આટલા બધા દર્શકો હાજર હશે. અગાઉ, 2013-14 એશિઝ શ્રેણી દરમિયાન MCG ખાતે એક દિવસમાં સૌથી વધુ સંખ્યામાં દર્શકોનો રેકોર્ડ નોંધાયો હતો, જ્યારે 91,112 દર્શકોએ સ્ટેડિયમમાં બેસીને મેચનો આનંદ માણ્યો હતો.
ભારત 2-1થી છે આગળ
આ ટેસ્ટ શ્રેણીમાં અત્યાર સુધી રમાયેલી 3 ટેસ્ટ મેચોમાંથી જ્યાં ભારતીય ટીમે પ્રથમ 2 મેચ જીતી હતી, ત્યાં ઓસ્ટ્રેલિયાની ટીમે ત્રીજી ટેસ્ટ મેચ 9 વિકેટે જીતીને શ્રેણીમાં શાનદાર વાપસી કરી હતી.
સ્ટેડિયમની વિશેષતા
- મોટેરા વિશ્વનું સૌથી મોટું ક્રિકેટ સ્ટેડિયમ છે, જેમાં 1 લાખ 10 હજાર દર્શકોની બેસવાની ક્ષમતા છે.
- આ સ્ટેડિયમ 63 એકરમાં બનાવવામાં આવ્યું છે. સ્ટેડિયમમાં ચાર ડ્રેસિંગ રૂમ અને ત્રણ પ્રેક્ટિસ મેદાન છે.
- તેમાં ઇન્ડોર અને આઉટડોર બંને પ્રેક્ટિસ માટેની સુવિધાઓ છે.
- અહીંની ડ્રેનેજ સિસ્ટમ એટલી આધુનિક છે કે વરસાદ બંધ થયાના અડધા કલાક પછી જ મેચ શરૂ થઈ શકે છે.
- દેશનું આ પહેલું સ્ટેડિયમ છે જ્યાં ખાસ એલઇડી લાઇટ્સ પણ લગાવવામાં આવી છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)