Rishabh Pant Injury: ક્યાં સુધીમાં વાપસી કરી શકશે ઋષભ પંત ? ઇજા પર આપ્યુ તાજુ અપડેટ, વર્કઆઉટની પૉસ્ટ વાયરલ
Rishabh Pant Injury: તસવીરમાં પંત જીમમાં પ્રેક્ટિસ કરતો જોવા મળી રહ્યો છે, અને તેણે કેપ્શનમાં એમ પણ લખ્યું છે કે તેને ખબર નથી કે તેણે હજુ કેટલા દિવસ આ રીતે વિતાવવા પડશે
Rishabh Pant Injury: ઋષભ પંતે પોતાની ઈજા અંગે એક મોટી અપડેટ આપી છે. ઈંગ્લેન્ડ સામેની ટેસ્ટ શ્રેણીમાં તેને પગના અંગૂઠામાં ઈજા થઈ હતી, ત્યારબાદ તે ક્રિકેટના મેદાનથી દૂર છે. હવે તેણે સોશિયલ મીડિયા પર એક તસવીર શેર કરી છે, જેમાં તેના ડાબા પગમાં હજુ પણ પાટો બાંધેલો છે. આ તસવીરમાં પંત જીમમાં પ્રેક્ટિસ કરતો જોવા મળી રહ્યો છે, અને તેણે કેપ્શનમાં એમ પણ લખ્યું છે કે તેને ખબર નથી કે તેણે હજુ કેટલા દિવસ આ રીતે વિતાવવા પડશે.
ભારતીય વિકેટકીપર બેટ્સમેને થોડા દિવસો પહેલા સોશિયલ મીડિયા પર બીજી એક પોસ્ટ શેર કરી હતી. તેમાં તેણે પોતાના પ્લાસ્ટરવાળા પગનો ફોટો શેર કર્યો હતો અને કહ્યું હતું કે તેને આવી પરિસ્થિતિ પસંદ નથી. એક વીડિયોમાં તેણે પોતાના પગમાંથી પ્લાસ્ટર કાઢી નાખતો બતાવ્યો હતો, પરંતુ બે આંગળીઓ પર પાટો બાંધેલો હતો. તે સ્વસ્થ થતી વખતે જીવનનો આનંદ માણતો પણ જોવા મળ્યો હતો, કારણ કે તે પોતે પીત્ઝા બનાવતો પણ જોવા મળ્યો હતો.
ઋષભ પંતની વાપસીની તારીખ અંગે હજુ સુધી કોઈ માહિતી જાહેર કરવામાં આવી નથી, પરંતુ થોડા અઠવાડિયા પહેલા એક અહેવાલ બહાર આવ્યો હતો કે પંતને આ ઈજામાંથી સ્વસ્થ થવામાં ઓછામાં ઓછા 6 અઠવાડિયા લાગી શકે છે.
Instagram story of Rishabh Pant - Get well soon Spidey 🕷️ pic.twitter.com/SIcdbtOdYB
— Johns. (@CricCrazyJohns) August 31, 2025
ઋષભ પંતને કેવી રીતે ઈજા થઈ ?
માન્ચેસ્ટર ટેસ્ટમાં ક્રિસ વોક્સ સામે રિવર્સ સ્વીપ કરવાનો પ્રયાસ કરતી વખતે ઋષભ પંત ઈજાગ્રસ્ત થયો હતો. બોલ બેટ પર વાગવાને બદલે સીધો તેના પગમાં વાગ્યો. આ ઈજાને કારણે પંત શ્રેણીની છેલ્લી ટેસ્ટ રમી શક્યો નહીં. તેને એશિયા કપ ટીમમાં પણ સ્થાન મળ્યું નથી. ત્યારબાદ, ભારત 2 ટેસ્ટ મેચ માટે વેસ્ટ ઈન્ડિઝની યજમાની કરશે. આ આગામી ટેસ્ટ શ્રેણી પહેલા પંત ફિટ થઈ શકશે કે નહીં તે જોવું રસપ્રદ રહેશે.
ટોપ સ્ટોરી
ટ્રેન્ડિંગ સમાચાર
