Suresh Raina Father Death: ભારતના પૂર્વ ક્રિકેટર સુરેશ રૈનાના પિતાનું નિધન, ભારતીય સૈન્યનો રહી ચૂક્યા છે હિસ્સો

Suresh Raina Father Death:ભારતના પૂર્વ ક્રિકેટર સુરેશ રૈનાના પિતા ત્રિલોકચંદ રૈનાનું રવિવારે નિધન થયું છે

Suresh Raina's Father Passes Away: ભારતના પૂર્વ ક્રિકેટર સુરેશ રૈનાના પિતા ત્રિલોકચંદ રૈનાનું રવિવારે નિધન થયું છે. ત્રિલોકચંદ લાંબા સમયથી કેન્સરની બીમારી સાથે લડી રહ્યા હતા. તેમણે ગાજિયાબાદ સ્થિત ઘરમા અંતિમ શ્વાસ લીધા હતા.

ત્રિલોકચંદ રૈના ભારતીય સૈન્યમાં સેવા આપી ચૂક્યા છે અને તેઓ બોમ્બ બનાવવામાં એક્સપર્ટ હતા. જ્યારે રૈનાના પિતાનું ગામ રૈનવારી કેન્દ્રશાસિત પ્રદેશ જમ્મુ અને કાશ્મીરમાં સ્થિત છે. 1990ના દાયકામાં કાશ્મીરી પંડિતોની હત્યા  બાદ તેમના પિતાએ ગામ છોડી દીધું હતું. ત્યારબાદ પરિવાર મુરાદનગરમાં આવીને વસી ગયો.

સુરેશ રૈનાના પિતાની મહિનાની આવક 10 હજાર રૂપિયા હતી. એવામાં તે પોતાના દીકરાની ક્રિકેટ કોચિંગની એકેડમીની ફિસ આપવામાં અસમર્થ હતા. જોકે, આ સમસ્યા જલદી દૂર થઇ ગઇ. જ્યારે વર્ષ 1998માં રૈનાને લખનઉની ગુરુ ગોવિંદ સિંહ સ્પોર્ટ્સ કોલેજમાં એડમિશન મળ્યું હતું.

સુરેશ રૈનાએ એક ઇન્ટરવ્યૂમાં જણાવ્યું હતું કે તેમના પિતા એ સૈનિકોના પરિવારોની સારસંભાળ રાખતા હતા જેમનું નિધન થઇ ગયું હોય. એ પરિવારોને આર્થિક મદદ કરતા હતા કે સાથે જ એ વાતનું ધ્યાન રાખતા હતા કે તેઓને એ સુવિધા મળે જેના તેઓ હકદાર છે.

સુરેશ રૈનાએ વર્ષ 2020માં ઇન્ટરનેશનલ ક્રિકેટમાંથી નિવૃતિ લીધી હતી. રૈનાએ 18 ટેસ્ટ મેચોમાં એક સદીની મદદથી 768 રન બનાવ્યા હતા. જ્યારે 226 વન-ડે ઇન્ટરનેશનલ મેચમાં 5615 રન બનાવ્યા છે. જેમાં પાંચ સદી સામેલ છે. જ્યારે સુરેશ રૈનાએ 78 ટી-20 મેચ રમી છે જેમાં 1604 રન બનાવ્યા છે.