Watch: હૈદરાબાદ સામેની હાર બાદ કોહલીએ ગુમાવ્યો પિત્તો? મયંક અગ્રવાલને ધક્કો મારી ઝઘડો કર્યાનો વીડિયો વાયરલ
IPL 2024: સનરાઈઝર્સ હૈદરાબાદ અત્યારે એક એવી ટીમ છે, જેને રોકવી લગભગ અશક્ય લાગે છે. SRH એ ગયા સોમવારે RCB સામેની મેચમાં 287 રન બનાવ્યા હતા. રોયલ ચેલેન્જર્સ બેંગ્લોરે ટાર્ગેટનો હિંમતપૂર્વક પીછો કર્યો, પરંતુ 25 રનથી મેચ હારી ગઈ.
IPL 2024: સનરાઈઝર્સ હૈદરાબાદ અત્યારે એક એવી ટીમ છે, જેને રોકવી લગભગ અશક્ય લાગે છે. SRH એ ગયા સોમવારે RCB સામેની મેચમાં 287 રન બનાવ્યા હતા. રોયલ ચેલેન્જર્સ બેંગ્લોરે ટાર્ગેટનો હિંમતપૂર્વક પીછો કર્યો, પરંતુ 25 રનથી મેચ હારી ગઈ. આ મેચ બાદ સોશિયલ મીડિયા પર એક વીડિયો વાયરલ થયો હતો, જેમાં વિરાટ કોહલી અને મયંક અગ્રવાલ વચ્ચે જોરદાર દલીલ જોવા મળી રહી છે. સોશિયલ મીડિયા પર ઘણા લોકો માને છે કે SRH સામે કારમી હારનો સામનો કર્યા પછી, વિરાટ કોહલી પોતાનો પિત્તો ગુમાવી બેઠો હતો, જેના કારણે તે મયંક સાથે દલીલ કરી રહ્યો છે, પરંતુ સત્ય કંઈક બીજું છે. વાયરલ વીડિયોની શરૂઆતમાં, મયંક અગ્રવાલ વિરાટ કોહલી પાસેથી પોતાનો હાથ છોડાવીને તેનાથી દૂર જતો રહે છે. કોહલી આંગળી બતાવીને તેની તરફ જાય છે, ત્યારબાદ તેમની દલીલ શરૂ થાય છે.
is this real video? pic.twitter.com/2IKJYH4PWz
— Sunil the Cricketer (@1sInto2s) April 16, 2024
શું છે વીડિયોનું સત્ય?
જેમ કે દાવો કરવામાં આવી રહ્યો છે કે આ ઘટના IPL 2024માં SRH vs RCB મેચ બાદ બની હતી. આ દાવો તદ્દન ખોટો છે કારણ કે આ વીડિયો જૂનો છે. વિડિયો ક્લિપને નજીકથી જોતા એવું જોવા મળે છે કે RCBના ખેલાડીઓએ ગયા વર્ષની જર્સી પહેરી છે, જેમાં લાલ અને કાળા રંગનું મિશ્રણ હતું. હવે તેમની જર્સીનો રંગ બદલીને લાલ અને વાદળી કરવામાં આવ્યો છે. SRHની જર્સીની પેટર્ન પણ 2024માં બદલાઈ ગઈ છે. વાસ્તવમાં વિરાટ અને મયંક લડતા નથી પરંતુ લડાઈની એક્ટિંગ કરી રહ્યા છે.
જ્યારે સનરાઈઝર્સ હૈદરાબાદના બેટ્સમેનો આરસીબીના બોલરોને ફટકારી રહ્યા હતા ત્યારે કોહલી હતાશ જોવા લાગ્યો હતો. આવી સ્થિતિમાં, કોહલી અને મયંકના વીડિયોએ આ મુદ્દાને જન્મ આપ્યો અને લોકોએ જૂનો વીડિયો શેર કરીને ખોટો દાવો કર્યો. SRH એ આ સિઝનમાં મુંબઈ ઈન્ડિયન્સ સામે 277 રન બનાવ્યા હતા, પરંતુ RCB સામે તેણે 287 રન બનાવીને પોતાના સર્વોચ્ચ સ્કોરનો રેકોર્ડ તોડ્યો હતો. આ મેચમાં ટ્રેવિસ હેડે 39 બોલમાં સદી ફટકારીને ઘણી હેડલાઈન્સ બનાવી હતી. બીજી તરફ દિનેશ કાર્તિકે પણ 35 બોલમાં 83 રન ફટકારીને ક્રિકેટ જગતમાં સનસનાટી મચાવી દીધી હતી.
ટ્રેન્ડિંગ સમાચાર
ટોપ સ્ટોરી
