શોધખોળ કરો

ભારતના આ 10 શહેરોમાં ODI વર્લ્ડ કપની મેચો રમાશે, ધર્મશાલા અને લખનૌ પણ આ યાદીમાં સામેલ

ODI World Cup 2023 Venues: ભારતમાં યોજાનાર આગામી ODI વર્લ્ડ કપનું સત્તાવાર શેડ્યૂલ જાહેર કરવામાં આવ્યું છે. આ ટુર્નામેન્ટ ભારતના 10 અલગ-અલગ શહેરોમાં રમાશે.

By : gujarati.abplive.com | Updated at : 27 Jun 2023 02:20 PM (IST)

ICC World Cup 2023 Schedule: ODI World Cup matches will be played in these 10 cities of India, Dharamshala and Lucknow are also included in the list ભારતના આ 10 શહેરોમાં ODI વર્લ્ડ કપની મેચો રમાશે, ધર્મશાલા અને લખનૌ પણ આ યાદીમાં સામેલ

નરેન્દ્ર મોદી સ્ટેડીયમ

Cricket World Cup 2023 List Of 10 Venues: આંતરરાષ્ટ્રીય ક્રિકેટ પરિષદ (ICC) એ આ વર્ષના અંતમાં 27 મી જૂનના રોજ ભારતમાં યોજાનાર ODI વર્લ્ડ કપના શેડ્યૂલની સત્તાવાર જાહેરાત કરી. આ મેગા ઈવેન્ટ 5 ઓક્ટોબરથી શરૂ થશે જ્યારે ફાઈનલ મેચ 19 નવેમ્બરે રમાશે. ટૂર્નામેન્ટની કુલ 48 મેચો ભારતના 10 શહેરોમાં આયોજિત કરવામાં આવશે.

ODI વર્લ્ડ કપ 2023ની શરૂઆત ડિફેન્ડિંગ ચેમ્પિયન ઈંગ્લેન્ડ અને ન્યુઝીલેન્ડ વચ્ચેની મેચથી થશે. બંને ટીમો વચ્ચેની આ મેચ 5 ઓક્ટોબરે અમદાવાદના નરેન્દ્ર મોદી સ્ટેડિયમમાં રમાશે. યજમાન ભારત ટૂર્નામેન્ટમાં પોતાના અભિયાનની શરૂઆત ઓસ્ટ્રેલિયા સામેની મેચથી કરશે. આ પછી 15મી ઓક્ટોબરે અમદાવાદમાં ભારત અને પાકિસ્તાન વચ્ચે આ મેગા ઈવેન્ટની શાનદાર મેચ રમાશે. 19 નવેમ્બરે ODI વર્લ્ડ કપ 2023ની ફાઇનલ મેચ પણ અમદાવાદમાં જ રમાશે.

ODI વર્લ્ડ કપની મેચો ભારતના આ 10 શહેરોમાં રમાશે

અમદાવાદ ઉપરાંત ભારતમાં દિલ્હી, કોલકાતા, મુંબઈ, લખનૌ, ધર્મશાલા, પુણે, બેંગલુરુ, ચેન્નાઈ અને હૈદરાબાદમાં ODI વર્લ્ડ કપ મેચોનું આયોજન કરવામાં આવશે. આ વખતે ODI વર્લ્ડ કપમાં કુલ 10 ટીમો ભાગ લઈ રહી છે. તેમાંથી 8 ટીમો સીધી મુખ્ય ટુર્નામેન્ટ માટે ક્વોલિફાય થઈ ગઈ છે. જ્યારે 2 ક્વોલિફાયર મેચ રમ્યા બાદ ક્વોલિફાય થશે.

તમામ ટીમો રાઉન્ડ રોબિન ફોર્મેટ હેઠળ કુલ 9 લીગ મેચો રમશે. આ પછી પોઈન્ટ ટેબલમાં ટોપ-4 ટીમ સેમીફાઈનલમાં પોતાનું સ્થાન નિશ્ચિત કરશે. ODI વર્લ્ડ કપ 2023ની સેમી ફાઈનલ મેચો કોલકાતા અને મુંબઈના સ્ટેડિયમમાં આયોજિત કરવામાં આવશે.

આ 10 શહેરોના સ્ટેડિયમમાં ODI વર્લ્ડ કપ 2023ની મેચોનું આયોજન કરવામાં આવશે