PMAY 2.0: PM આવાસ યોજનામાં ઘર મેળવવા માટે કેવી રીતે કરશો અરજી? જાણો સ્ટેપ બાય સ્ટેપ પ્રોસેસ
PM Awas Yojana 2.0: PMAY 2.0 તરીકે સરકાર 1 કરોડ નવા મકાનો બાંધવા માંગે છે
PM Awas Yojana 2.0: જો તમે પ્રધાનમંત્રી આવાસ યોજના (PM Awas Yojana 2.0) હેઠળ લાભ મેળવવા માંગતા હોવ તો સરકારે તમારા માટે PM આવાસ યોજનાનો બીજો તબક્કો શરૂ કર્યો છે. શહેરી વિસ્તારોમાં રહેતા આર્થિક રીતે નબળા વર્ગ (EWS) અને મધ્યમ વર્ગના પરિવારોને આવાસ માટે નાણાકીય સહાય પૂરી પાડવાના ઉદ્દેશ્ય સાથે કેન્દ્ર દ્વારા પ્રધાનમંત્રી આવાસ યોજના (PMAY 2.0) નો બીજો તબક્કો શરૂ કરવામાં આવ્યો છે.
9 ઓગસ્ટ, 2024ના રોજ કેન્દ્રીય કેબિનેટે શહેરી વિસ્તારોમાં EWS અને મધ્યમ વર્ગના પરિવારોને સહાય કરવા માટે રચાયેલ આ યોજનાને તેની મંજૂરી આપી હતી. PMAY 2.0 તરીકે સરકાર 1 કરોડ નવા મકાનો બાંધવા માંગે છે જેમાં દરેક એકમને 2.50 લાખ રૂપિયાની નાણાકીય સબસિડી મળશે. આવાસ અને શહેરી બાબતોના મંત્રાલયે જણાવ્યું હતું કે PMAY અર્બનના છેલ્લા તબક્કામાં 1.18 કરોડ મકાનોને મંજૂરી આપવામાં આવી હતી જેમાંથી 8.55 લાખથી વધુ મકાનો બનાવવામાં આવ્યા છે અને આ મકાનો લાભાર્થીઓને સોંપવામાં આવ્યા છે.
આ યોજનાનો લાભ તમને ચાર કેટેગરી હેઠળ આપવામાં આવશે Beneficiary-Led Construction (BLC), Affordable Housing in Partnership (AHP), Affordable Rental Housing (ARH) અને Interest Subsidy Scheme (ISS)નો સમાવેશ થાય છે.
કેવી રીતે કરશો અરજી
-ઓનલાઈન અરજી માટે પહેલા https://pmaymis.gov.in/PMAYMIS2_2024/PmayDefault.aspx પર જાવ.
-હવે Apply for PMAY-U 2.0 પર ક્લિક કરો અને આગળ વધો અને વિગતો ભરો અને સબમિટ કરો.
-જો તમે આ માટે લાયક નથી તો તમને અહીં રોકવામાં આવશે.
-જો પાત્ર હોય તો તમારે આગળની પ્રક્રિયામાં તમારો આધાર નંબર અને નામ દાખલ કરવું પડશે. ત્યારબાદ તમારે જનરેટ OTP પર જવું પડશે.
-હવે રજિસ્ટર્ડ મોબાઈલ નંબર પર OTP આવશે, જે દાખલ કર્યા પછી તમે આગળની પ્રક્રિયાને અનુસરી શકો છો.
કયા દસ્તાવેજોની જરૂર છે?
-અરજદારની આધાર વિગતો (આધાર નંબર, આધાર મુજબ નામ, જન્મ તારીખ).
-પરિવારના સભ્યોની આધાર વિગતો (આધાર નંબર, આધાર મુજબ નામ, જન્મ તારીખ).
-આધાર સાથે લિંક કરેલ અરજદારના એક્ટિવ બેન્ક એકાઉન્ટ (એકાઉન્ટ નંબર, બેન્કનું નામ, શાખા, IFSC કોડ) ની વિગતો દાખલ કરો.
-આવકનો પુરાવો (ફક્ત પીડીએફ ફાઇલ, સાઇઝ 200 કેબી)
-જાતિ/સમુદાયનો પુરાવો (SC, ST અથવા OBCના કિસ્સામાં). (ફક્ત પીડીએફ ફાઇલ, સાઇઝ 200 કેબી)
-જમીનના દસ્તાવેજો (લાભાર્થી આધારિત બાંધકામ BLC ઘટકના કિસ્સામાં) (ફક્ત પીડીએફ, ફાઇલનું સાઇઝ 5 એમબી)
અનાજ લેવા માટે હવે રાશન કાર્ડ લઇ જવું નહી પડે, સરકારે નિયમમાં કર્યો આ મોટો ફેરફાર
ટ્રેન્ડિંગ સમાચાર
ટોપ સ્ટોરી
