IND vs AUS 1st T20I: ઓસ્ટ્રેલિયાએ ભારતને 4 વિકેટથી હરાવ્યું, ગ્રીન અને વેડે કરી તોફાની બેટિંગ
ભારત અને ઓસ્ટ્રેલિયા વચ્ચે ત્રણ મેચની T20 શ્રેણી આજથી શરૂ થઈ છે.
LIVE
Background
IND vs AUS, 1st T20: ભારત અને ઓસ્ટ્રેલિયા વચ્ચે ત્રણ મેચની T20 શ્રેણી આજથી શરૂ થઈ રહી છે. આગામી ટી-20 વર્લ્ડ કપને ધ્યાનમાં રાખી આ સીરિઝ ખૂબ જ મહત્વપૂર્ણ છે. ટીમ ઈન્ડિયા અહીં તેનું પરફેક્ટ પ્લેઈંગ-11 કોમ્બિનેશન શોધવાનો પ્રયાસ કરશે, જ્યારે ઓસ્ટ્રેલિયાની ટીમ પણ પોતાના વર્લ્ડ કપના ટાઈટલને બચાવવા માટેની તૈયારીઓને આખરી ઓપ આપવાનું પસંદ કરશે. બંને ટીમો વચ્ચેની મેચ આજે સાંજે 7.00 કલાકે મોહાલીમાં શરૂ થશે.
કેવો છે બંને ટીમનો રેકોર્ડ
ભારત અને ઓસ્ટ્રેલિયા વચ્ચે અત્યાર સુધીમાં 23 T20 ઈન્ટરનેશનલ મેચ રમાઈ છે. તેમાં ભારતનો હાથ ઉપર છે. ભારતે 13 મેચ જીતી છે જ્યારે ઓસ્ટ્રેલિયાએ 9 મેચ જીતી છે. એક મેચ અનિર્ણિત છે. બંને ટીમો છેલ્લે ડિસેમ્બર 2020 માં સિડની ક્રિકેટ ગ્રાઉન્ડ પર ટકરાઈ હતી, જ્યાં ઓસ્ટ્રેલિયાએ ટીમ ઈન્ડિયાને 12 રને હરાવ્યું હતું, જોકે મેચનો ભાગ હતી તે શ્રેણી ટીમ ઈન્ડિયાએ 2-1થી જીતી હતી.
આજે પિચ અને હવામાનની સ્થિતિ કેવી રહેશે?
ઓસ્ટ્રેલિયાએ જીત મેળવી
19.2 ઓવર પર ઓસ્ટ્રેલિયાએ ભારતને આપેલા 209 રનના ટાર્ગેટને મેળવી લીધો હતો. આ દરમિયાન મેથ્યુ વેડે શાનદાર 45 રનની અણનમ ઈનિંગ રમી હતી. આ સાથે કેમરોન ગ્રીને પણ 61 રનનું યોગદાન આપ્યું હતું. ભારત તરફથી અક્ષર પટેલે 3, ઉમેશ યાદવે 2 અને ચહલે 1 વિકેટ ઝડપી હતી.
સ્ટીવ સ્મિથ આઉટ
ભારતને ત્રીજી મોટી સફળતા મળી છે. સ્ટીવ સ્મિથ ઉમેશ યાદવના બોલ પર 35 રન બનાવી આઉટ થયો છે. હાલ ઓસ્ટ્રેલિયાનો સ્કોર 11.3 ઓવરના અંતે 122 રન પર 3 વિકેટ છે.
ભારતને મળી પહેલી સફળતા
એરોન ફીંચ 22 રને આઉટ થયો છે. ઓસ્ટ્રેલિયાએ 8 ઓવરના અંતે એક વિકેટે 90 રન બનાવી લીધી છે.
ઓસ્ટ્રેલિયાની ધમાકેદાર શરૂઆત
ઓસ્ટ્રેલિયાએ બીજા દાવમાં ધમાકેદાર શરૂઆત કરી છે. ત્રણ ઓવરમાં વિના વિકેટે 38 રન બનાવી લીધા છે.
ભારતે 209 રનનો ટાર્ગેટ આપ્યો
હાર્દિક પંડ્યાની શાનદાર 71 રનની અણનમ ઈનિંગથી ભારતે 20 ઓવરના અંતે 6 વિકેટ ગુમાવીને કુલ 208 રન બનાવ્યા છે. હાર્દિક પંડ્યાએ 30 બોલમાં 71 રનની શાનદાર ઈનિંગ રમી છે.
ટ્રેન્ડિંગ સમાચાર
ટોપ સ્ટોરી
