England vs India: બીજી વનડેમાં ઇંગ્લેન્ડે ટોસ જીતીને પ્રથમ બેટિંગ લીધી; જુઓ પ્લેઇંગ ઇલેવનમાં શું થયો ફેરફાર

England vs India 2nd ODI: ભારતની પ્લેઇંગ ઇલેવનમાં એક ફેરફાર થયો છે, જ્યારે ઇંગ્લેન્ડે પોતાની ટીમમાં બે મોટા ફેરફાર કર્યા છે. ટીમ ઇન્ડિયા પહેલા બેટિંગ કરશે.

ભારત વિ ઇંગ્લેન્ડ બીજી વનડે

Source : x

Show Quick Read

Key points generated by AI, verified by newsroom

• ઇંગ્લેન્ડે ટોસ જીતી બોલિંગ પસંદ કરી, ભારત પ્રથમ બેટિંગ.
• કેએલ રાહુલ બીમાર હોવાથી ઇશાન કિશનને તક મળી.
• ઇંગ્લેન્ડે ડોસન-ટોંગને બદલી બે નવા ખેલાડી રમાડ્યા.
• ભારત 1-0થી આગળ, શ્રેણી જીતવા પ્રયાસ કરશે.

England vs India 2nd ODI: કાર્ડિફના સોફિયા ગાર્ડન્સ સ્ટેડિયમ ખાતે રમાઈ રહેલી બીજી વનડેમાં, યજમાન ઇંગ્લેન્ડે ટોસ જીતીને પહેલા બોલિંગ કરવાનો નિર્ણય લીધો. ટીમ ઇન્ડિયા પહેલા બેટિંગ કરશે. ભારતીય ટીમમાં એક મોટો ફેરફાર થયો છે, જ્યારે ઇંગ્લેન્ડે પોતાની પ્લેઇંગ ઇલેવનમાં બે મોટા ફેરફાર કર્યા છે. ઇશાન કિશનનો ભારતીય ટીમમાં સમાવેશ થયો છે.

 

કાર્ડિફના સોફિયા ગાર્ડન્સ ખાતે રમાઈ રહેલી બીજી મેચમાં ટીમ ઈન્ડિયા શ્રેણી જીતવાનું લક્ષ્ય ધરાવે છે. જોકે, બધાની નજર ટીમના બે સૌથી અનુભવી બેટ્સમેન, રોહિત શર્મા અને વિરાટ કોહલી પર રહેશે, જેઓ પહેલી મેચમાં મોટી ઇનિંગ્સ રમવામાં નિષ્ફળ રહ્યા હતા. ભારતે પહેલી વનડે છ વિકેટથી જીતીને શ્રેણીમાં 1-0ની લીડ મેળવી હતી. હવે, જો શુભમન ગિલની આગેવાની હેઠળની ટીમ બીજી મેચ પણ જીતી જાય છે, તો તેઓ એક મેચ બાકી રહેતા શ્રેણી પર કબજો કરી લેશે.

કેએલ રાહુલ પ્લેઇંગ ઇલેવનમાંથી બહાર

કેએલ રાહુલ બીજી વનડેમાં રમી રહ્યો નથી; ઇશાન કિશનને પ્લેઇંગ ઇલેવનમાં સ્થાન આપવામાં આવ્યું છે. ટોસ પછી, ભારતીય કેપ્ટન શુભમન ગિલે ખુલાસો કર્યો કે રાહુલ બીમાર છે અને તેથી આજની મેચમાંથી બહાર છે. રાહુલની ગેરહાજરી ટીમ ઇન્ડિયા માટે મોટો ફટકો છે.

ઇંગ્લેન્ડે પોતાની ટીમમાં બે મોટા ફેરફારો કર્યા છે

પહેલી વનડે હારી ગયેલા ઇંગ્લેન્ડે આજે બે ફેરફારો કર્યા છે. સ્પિન ઓલરાઉન્ડર લિયામ ડોસન જેમણે એજબેસ્ટન વનડેમાં અડધી સદી ફટકારી હતી અને જોશ ટોંગને પ્લેઇંગ ઇલેવનમાંથી બહાર કરવામાં આવ્યા છે. તેમના સ્થાને ગુસ એટકિન્સન અને સાકિબ મહમૂદને ટીમમાં લાવવામાં આવ્યા છે.

 

Here's a look at #TeamIndia's Playing XI for the 2️⃣nd ODI in Cardiff 🙌

𝗡𝗼𝘁𝗲: KL Rahul was unavailable for selection due to illness.

Updates ▶️ https://t.co/2Z0BQOPWjC #ENGvIND pic.twitter.com/xHpfa2RqWW

— BCCI (@BCCI) July 16, 2026

ભારતની પ્લેઇંગ ઇલેવન: રોહિત શર્મા, શુભમન ગિલ (કેપ્ટન), વિરાટ કોહલી, ઇશાન કિશન (વિકેટકીપર), શ્રેયસ ઐયર, વોશિંગ્ટન સુંદર, શિવમ દુબે, અક્ષર પટેલ, ગુર્નૂર બ્રાર, જસપ્રીત બુમરાહ અને પ્રસિદ્ધ કૃષ્ણા.

ઇંગ્લેન્ડની પ્લેઇંગ ઇલેવન: બેન ડકેટ, જેકબ બેથેલ, જો રૂટ, હેરી બ્રુક (કેપ્ટન), જોસ બટલર (વિકેટકીપર), સેમ કર્રન, વિલ જેક્સ, ગુસ એટકિન્સન, જોફ્રા આર્ચર, આદિલ રશીદ અને સાકિબ મહમૂદ.

આ પણ વાંચો

રોહિત શર્માને ન મળી જગ્યા, રોબિન ઉથપ્પાએ પસંદ કરી ભારતની ઓલ ટાઇમ ODI XI, આ ધાકડ ખેલાડીઓને બનાવ્યા ઓપનર

MLC 2026: નિકોલસ પૂરને ફટકારી ટી-20 લીગની બીજી સૌથી ઝડપી સદી, ફટકારી 13 સિક્સ