લોર્ડ્સ ટેસ્ટમાં ભારત અને ઇંગ્લેન્ડથી થઈ મોટી ભૂલ: ભારતીય ખેલીડોને પણ થશે લાખોનું નુકસાન!
બંને ટીમોના કેપ્ટન શુભમન ગિલ અને બેન સ્ટોક્સ પર કાર્યવાહીની શક્યતા, પોઈન્ટ ટેબલમાં નુકસાન.
- લોર્ડ્સ ટેસ્ટમાં ભારત અને ઇંગ્લેન્ડ બંને ટીમોએ સ્લો-ઓવર રેટ ને કારણે મોટી ભૂલ કરી.
- આ ભૂલને કારણે બંને ટીમોને વર્લ્ડ ટેસ્ટ ચેમ્પિયનશિપ 2025-27 માં પોઈન્ટ્સનું નુકસાન થઈ શકે છે.
- ભારતના શુભમન ગિલ અને ઇંગ્લેન્ડના બેન સ્ટોક્સ સહિત બંને ટીમના ખેલાડીઓને મેચ ફીના 5% જેટલો દંડ ભરવો પડી શકે છે.
- લોર્ડ્સ ટેસ્ટના પહેલા દિવસે ભારતે 7, અને કુલ ત્રણેય દિવસમાં નિર્ધારિત મર્યાદા કરતાં ઓછી ઓવર ફેંકી હતી, જેમાં ઇંગ્લેન્ડે પણ ઓછી ઓવર ફેંકી.
- 2023ની એશિઝ શ્રેણીમાં પણ ધીમા ઓવર રેટને કારણે ઓસ્ટ્રેલિયાને 10 પોઈન્ટ અને ઇંગ્લેન્ડને કુલ 19 પોઈન્ટનો દંડ થયો હતો.
IND vs ENG slow over rate: ભારત અને ઇંગ્લેન્ડ વચ્ચે લોર્ડ્સમાં રમાઈ રહેલી ટેસ્ટ મેચ (Lord's Test Match) માત્ર રમત માટે જ નહીં, પરંતુ બંને ટીમો દ્વારા કરવામાં આવેલી 'ભૂલ'ને કારણે પણ ચર્ચામાં છે. આ 'ભૂલ' એટલે સ્લો-ઓવર રેટ (Slow-Over Rate), જેના કારણે વર્લ્ડ ટેસ્ટ ચેમ્પિયનશિપ 2025-27 (WTC Point Table) માં બંને ટીમોને મોટું નુકસાન વેઠવું પડી શકે છે. લોર્ડ્સ ટેસ્ટના પ્રથમ, બીજા અને ત્રીજા દિવસે રમત નિર્ધારિત સમય કરતાં વધુ ચાલી હતી, જેના પરિણામે ઓવરોની સંખ્યા ઓછી રહી.
ઓવર રેટનો હિસાબ અને ICCના નિયમો
લોર્ડ્સ ટેસ્ટના પહેલા દિવસે ભારતીય ટીમ માત્ર 83 ઓવર જ ફેંકી શકી હતી, જ્યારે બીજા દિવસે આ આંકડો ઘટીને 75 ઓવર પર આવી ગયો હતો. ત્રીજા દિવસે પણ નિર્ધારિત મર્યાદા કરતાં 13 ઓવર ઓછી ફેંકાઈ હતી, અને માત્ર 77 ઓવર જ રમી શકાઈ હતી.
ઇન્ટરનેશનલ ક્રિકેટ કાઉન્સિલ (ICC) ના સ્લો-ઓવર રેટ નિયમો હેઠળ, જો કોઈ ટીમ નિર્ધારિત સમયમાં ઓછી ઓવર ફેંકે છે, તો તેને દંડ અને WTC પોઈન્ટ્સમાં ઘટાડો સહન કરવો પડે છે. આ નિયમોને કારણે, બંને ટીમોના કેપ્ટન શુભમન ગિલ (Shubman Gill) અને બેન સ્ટોક્સ (Ben Stokes) ને દંડ ભરવો પડી શકે છે.
ઉલ્લેખનીય છે કે, WTCના અગાઉના ચક્રમાં પણ ધીમા ઓવર રેટને કારણે ટીમોને દંડ ભોગવવો પડ્યો હતો. 2023ની એશિઝ શ્રેણીની ચોથી ટેસ્ટ મેચ પછી ઓસ્ટ્રેલિયાને 10 પોઈન્ટનો દંડ થયો હતો, જ્યારે તે જ શ્રેણીમાં ઇંગ્લેન્ડને 19 પોઈન્ટનો દંડ થયો હતો. છેલ્લા WTC ચક્રમાં, ઇંગ્લેન્ડને કુલ 22 પોઈન્ટનો દંડ ફટકારવામાં આવ્યો હતો.
વર્તમાન નિયમ મુજબ, ટીમ જેટલી ઓછી ઓવર ફેંકશે, તેટલા વધુ WTC પોઈન્ટ્સ ગુમાવશે. ટીમોની સાથે, બંને ટીમના ખેલાડીઓને પણ દંડ થઈ શકે છે. ICCના નિયમ અનુસાર, ટીમે એક દિવસમાં જેટલી ઓછી ઓવર ફેંકી હોય, તે દરેક ઓવર માટે ખેલાડીઓએ તેમની મેચ ફીના 5% દંડ તરીકે ચૂકવવા પડશે. આનો અર્થ એ છે કે ભારતીય અને ઇંગ્લિશ ખેલાડીઓને લાખો રૂપિયાનું નુકસાન થઈ શકે છે, જે તેમની આ 'ભૂલ'નું સીધું પરિણામ હશે.
ટોપ સ્ટોરી
ટ્રેન્ડિંગ સમાચાર
