IND vs SL 2nd ODI: જો આ ભૂલ નહીં સુધારે તો શ્રીલંકા હરાવી દેશે, ટીમ ઈન્ડિયા સામે મોટો પડકાર
IND vs SL 2nd ODI Colombo: ભારત અને શ્રીલંકા વચ્ચે કોલંબોમાં રમાયેલી મેચ ટાઈ થઈ ગઈ. હવે બંને ટીમો વચ્ચે બીજી વનડે રમાશે. પરંતુ ભારતે કેટલીક મહત્વપૂર્ણ બાબતો પર ધ્યાન આપવું પડશે.
IND vs SL 2nd ODI Colombo: ભારત અને શ્રીલંકા વચ્ચે વનડે સિરીઝની પ્રથમ મેચ કોલંબોમાં રમાઈ. અહીં મુકાબલો ટાઈ થયો. પરંતુ તે ખૂબ રોમાંચક રહ્યો. શ્રીલંકાએ ભારતને જીત માટે 231 રનનો લક્ષ્યાંક આપ્યો હતો. પરંતુ ટીમ ઈન્ડિયા ઓલ આઉટ થતાં સુધી 230 રન જ બનાવી શકી. હવે બંને ટીમો વચ્ચે બીજી વનડે રવિવારે રમાશે. આ મુકાબલામાં ભારતે કેટલીક બાબતોનું ખાસ ધ્યાન રાખવું પડશે. કોલંબોની પિચ પર સ્પિન માટે તૈયાર રહેવું પડશે.
શ્રીલંકાએ પ્રથમ વનડેમાં ભારતને 230 રનના સ્કોર પર ઓલ આઉટ કરી દીધું. ટીમ ઈન્ડિયાના મોટાભાગના ખેલાડીઓ સ્પિનર્સ સામે આઉટ થયા. આ સાથે કોલંબોની પિચ પર બેટિંગ કરવી થોડી પડકારજનક લાગી. ભારતીય ખેલાડીઓએ આ માટે સંપૂર્ણપણે તૈયાર રહેવું પડશે. શ્રીલંકાના સ્પિનર વાનિંદુ હસરંગાએ 3 વિકેટ ઝડપી. તેમણે વિરાટ કોહલીને 24 રનના વ્યક્તિગત સ્કોર પર આઉટ કર્યો. આ સાથે કેએલ રાહુલને 31 રન પર આઉટ કર્યો. હસરંગાએ કુલદીપ યાદવની પણ વિકેટ લીધી.
જો ટીમ ઈન્ડિયાની પ્રથમ મેચની ઇનિંગ્સ જોઈએ તો તેમાં પાંચ ખેલાડીઓ એલબીડબલ્યુ આઉટ થયા. કેપ્ટન રોહિત શર્મા, કોહલી, વોશિંગ્ટન સુંદર, શિવમ દુબે અને અર્શદીપ સિંહ આ રીતે પેવેલિયન પરત ફર્યા. ભારતને જીત માટે માત્ર 1 રનની જરૂર હતી. આ સમયે છેલ્લે અર્શદીપ બેટિંગ કરવા આવ્યા હતા. પરંતુ તેઓ પ્રથમ બોલ પર જ એલબીડબલ્યુ આઉટ થઈ ગયા હતા.
જણાવી દઈએ કે ભારતે શ્રીલંકાને T20 સિરીઝમાં 3-0થી હરાવી દીધું હતું. પરંતુ વનડે સિરીઝની પ્રથમ મેચ ટાઈ થઈ ગઈ. આમાં શ્રીલંકાએ ટીમ ઈન્ડિયાને કડક ટક્કર આપી. આ સિરીઝની બીજી મેચ રવિવારે રમાશે. ત્યારબાદ સિરીઝની ત્રીજી અને અંતિમ મેચ બુધવારે યોજાશે. ટીમ ઈન્ડિયા બીજી વનડે માટે પ્લેઇંગ ઇલેવનમાં ફેરફાર પણ કરી શકે છે.
મેચ બાદ બોલતા રોહિત શર્માએ કહ્યું, "આ સ્કોર કરવા યોગ્ય હતો. અમારે તે સ્કોર મેળવવા માટે માત્ર સારી બેટિંગ કરવી પડશે. અમે પેચમાં સારી બેટિંગ કરી. સમગ્ર મેચ દરમિયાન અમારા માટે કોઈ સાતત્ય નથી. અમે બેટથી સારી બેટિંગ કરી. અમે સારી શરૂઆત કરી હતી પરંતુ અમે જાણતા હતા કે 10 ઓવર પછી રમત શરૂ થશે જ્યારે સ્પિનરો આવશે ત્યારે શરૂઆતમાં અમારો હાથ હતો, પરંતુ પછી અમે થોડી વિકેટ ગુમાવી દીધી અને રમતમાં પાછળ પડી ગયા.અમારે બસ વિકેટ સંભાળીને રમવાનું હતું 14 બોલમાં માત્ર 1 રન આ નિરાશાજનક કહેવાય.
ટ્રેન્ડિંગ સમાચાર
ટોપ સ્ટોરી
