IND vs WI, 1st Test: ભારત-વેસ્ટ ઈન્ડિઝ પ્રથમ ટેસ્ટનું કઈ ચેનલ પરથી ટેલિકાસ્ટ, જાણો કેવી હોઈ શકે છે પિચ

India Tour of West Indies 2023: ભારતીય ટીમે પોતાની છેલ્લી ટેસ્ટ મેચ WTCની ફાઇનલમાં ઓસ્ટ્રેલિયા સામે રમી હતી, જેમાં હારનો સામનો કરવો પડ્યો હતો.

વિન્ડસર પાર્કમાં પ્રેક્ટિસ કરતી ટીમ ઈન્ડિયા

Source : BCCI

IND vs WI, 1^st Test Live Telecast:  ભારત અને વેસ્ટ ઈન્ડિઝ વચ્ચે 2 મેચની ટેસ્ટ શ્રેણી 12 જુલાઈથી ડોમિનિકાના વિન્ડસર પાર્કમાં શરૂ થશે. બંને ટીમ આ શ્રેણી સાથે વર્લ્ડ ટેસ્ટ ચેમ્પિયનશિપ (WTC)ની ત્રીજી આવૃત્તિમાં પણ ડેબ્યૂ કરશે. ભારતીય ટીમે પોતાની છેલ્લી ટેસ્ટ મેચ WTCની ફાઇનલમાં ઓસ્ટ્રેલિયા સામે રમી હતી, જેમાં તેને હારનો સામનો કરવો પડ્યો હતો. ઈન્ડિઝની ટીમે વર્ષ 2023માં દક્ષિણ આફ્રિકા સામે તેની છેલ્લી ટેસ્ટ શ્રેણી રમી હતી અને તેમાં તેને 2-0થી હારનો સામનો કરવો પડ્યો હતો.

વેસ્ટ ઈન્ડિઝની ટીમ માટે આ ટેસ્ટ સિરીઝમાં ભારતને આકરો પડકાર આપવો સરળ રહેશે નહીં. ટીમનું તાજેતરનું પ્રદર્શન ઘણું ખરાબ રહ્યું છે. બીજી તરફ, જો શ્રેણીની પ્રથમ ટેસ્ટ મેચમાં વિન્ડસર પાર્કની પીચની વાત કરીએ તો અહીં બંને ટીમોના બોલરોને થોડી મદદ મળવાની આશા રાખી શકાય છે.

કેવી રહેશે પિચ

ડોમિનિકાના વિન્ડસર પાર્કમાં રમાનારી પ્રથમ ટેસ્ટની પિચની વાત કરીએ તો અહીં ઝડપી બોલરોને પહેલા દિવસની રમતમાં ઘણી મદદ મળી શકે છે. બોલને સ્વિંગ કરવાની સાથે ઝડપી બોલરો ઉછાળ પણ મળશે. બીજા અને ત્રીજા દિવસની રમતમાં બેટિંગ થોડી સરળ બની શકે છે.

Hello Dominica 🇩🇲 West Indies arrive for the 1st Cycle Pure Agarbathi Test Match powered by Yes Bank at Windsor Park#MenInMaroon pic.twitter.com/rIcjImwiyF

— Windies Cricket (@windiescricket) July 9, 2023

છેલ્લા બે દિવસ સ્પિનરનો જોવા મળી શકે છે પ્રભાવ

આ મેદાન પર ટોસ જીત્યા બાદ ટીમો પહેલા બોલિંગ કરવાનો નિર્ણય લઈ શકે છે. અહીંની પીચ રમતના ચોથા અને પાંચમા દિવસે સ્પિન બોલરોને મદદ કરી શકે છે. આવી સ્થિતિમાં, લક્ષ્યનો પીછો કરવો ચોક્કસપણે થોડો મુશ્કેલ હોઈ શકે છે. ભારતીય ટીમે છેલ્લે વર્ષ 2011માં આ મેદાન પર ટેસ્ટ મેચ રમી હતી જે ડ્રોમાં સમાપ્ત થઈ હતી. આ મેદાન પર અત્યાર સુધીમાં 5 ટેસ્ટ રમાઈ છે, જેમાં પ્રથમ બેટિંગ કરનાર ટીમ 2 વખત જીતી છે જ્યારે ટાર્ગેટનો પીછો કરતી ટીમ 2 વખત જીતી છે.

ભારત અને વેસ્ટ ઈન્ડિઝ વચ્ચેની પ્રથમ ટેસ્ટ મેચ કયા સમયે શરૂ થશે ?

ભારત અને વેસ્ટ ઈન્ડિઝ વચ્ચે પ્રથમ ટેસ્ટ મેચ સાંજે 7:30 વાગ્યે શરૂ થશે અને બીજા દિવસે સવારે 3:30 વાગ્યે સમાપ્ત થશે.

Two prodigious talents, one podcast 👌🎙️

Presenting Caribbean Tales with Ruturaj Gaikwad & Yashasvi Jaiswal ft. a scenic backdrop 🌄

Coming 🔜 on https://t.co/Z3MPyeL1t7 ⏳#TeamIndia | #WIvIND | @Ruutu1331 | @ybj_19 pic.twitter.com/YHRhqIfJoY

— BCCI (@BCCI) July 10, 2023

ટીવી પર મેચનું લાઈવ ટેલિકાસ્ટ ક્યાં જોઈ શકાશે ?

ભારત અને વેસ્ટ ઈન્ડિઝ વચ્ચેની પ્રથમ ટેસ્ટ મેચ ડીડી સ્પોર્ટ્સ પર ટીવી પર જોઈ શકે છે.

ભારત અને વેસ્ટ ઈન્ડિઝ વચ્ચેની પ્રથમ ટેસ્ટનું લાઈવ સ્ટ્રીમિંગ કઈ એપ પર થશે?

ભારત અને વેસ્ટ ઈન્ડિઝ વચ્ચેની 1લી ટેસ્ટ મેચનું લાઈવ સ્ટ્રીમિંગ જિયો સિનેમા પર મફતમાં ઉપલબ્ધ થશે. ચાહકો કોઈપણ પૈસા ચૂકવ્યા વિના મેચનો આનંદ માણી શકે છે.

પ્રથમ ટેસ્ટ માટે બંને ટીમો

ભારતીય ટીમઃ રોહિત શર્મા (કેપ્ટન), શુભમન ગિલ, ઋતુરાજ ગાયકવાડ, વિરાટ કોહલી, યશસ્વી જયસ્વાલ, અજિંક્ય રહાણે, કેએએસ ભરત, ઈશાન કિશન, રવિચંદ્રન અશ્વિન, રવીન્દ્ર જાડેજા, શાર્દુલ ઠાકુર, અક્ષર પટેલ, મોહમ્મદ સિરાજ, મુકેશ કુમાર, મુકેશ કુમાર. અને નવદીપ સૈની.

વેસ્ટ ઈન્ડિઝની ટીમ: ક્રેગ બ્રેથવેટ (કેપ્ટન), જર્માઈન બ્લેકવુડ, એલીક એથેનાઝ, તેજનેરીન ચંદ્રપોલ, રહકીમ કોર્નવોલ, જોશુઆ દા સિલ્વા, શેનોન ગેબ્રિયલ, જેસન હોલ્ડર, અલ્ઝારી જોસેફ, કિર્ક મેકેન્ઝી, રેમન રેફર, કેમાર રોચ, જોમેલ વોરકેન.