IND vs WI: ભારતે વેસ્ટ ઈન્ડિઝને એક ઇનિંગ અને 140 રનથી હરાવ્યું,જાડેજાની 4 વિકેટ

IND vs WI: ભારતે અમદાવાદ ટેસ્ટ એક ઇનિંગ અને 140 રનથી જીતી લીધી છે. વેસ્ટ ઇન્ડીઝ બીજી ઇનિંગમાં 146 રનમાં ઓલઆઉટ થઈ ગયું હતું.

ટીમ ઈન્ડિયા

Source : bcci

IND vs WI: ટીમ ઈન્ડિયાએ અમદાવાદ ટેસ્ટમાં વેસ્ટ ઈન્ડિઝને એક ઇનિંગ અને 140 રનથી હરાવ્યું. ભારતે બે મેચની શ્રેણીમાં 1-0 ની લીડ મેળવી. બીજી ટેસ્ટ 10 ઓક્ટોબરથી નવી દિલ્હીમાં રમાશે.

 

Hugs and smiles all around 😊#TeamIndia celebrate a magnificent victory in Ahmedabad and take a 1-0 lead in the series 👏

Scorecard ▶ https://t.co/MNXdZceTab#INDvWI | @IDFCFIRSTBank pic.twitter.com/22q4aUUhqp

— BCCI (@BCCI) October 4, 2025

શનિવારે, મેચના ત્રીજા દિવસે, વેસ્ટ ઈન્ડિઝની ટીમ તેમના બીજા દાવમાં 45.1 ઓવરમાં 146 રન બનાવી ઓલઆઉટ થઈ ગઈ. એલિક એથેનાસે 38 રન બનાવીને, જસ્ટિન ગ્રીવ્સ 25 રન બનાવીને આઉટ થયા. રવિન્દ્ર જાડેજાએ ચાર, મોહમ્મદ સિરાજે ત્રણ, કુલદીપ યાદવે બે અને વોશિંગ્ટન સુંદરે એક વિકેટ લીધી.

આ પહેલા, ભારતે પોતાનો પહેલો દાવ 448/5 પર ડિકલેર કર્યો હતો, જેના કારણે તેમને તેમની પહેલી દાવના આધારે 286 રનની લીડ મળી હતી. વેસ્ટ ઈન્ડિઝ મેચના પહેલા દિવસે માત્ર 162 રન બનાવી શક્યું હતું.

ભારત અને વેસ્ટ ઈન્ડિઝ વચ્ચે બે મેચની ટેસ્ટ શ્રેણીની પહેલી મેચ અમદાવાદના નરેન્દ્ર મોદી સ્ટેડિયમ ખાતે રમાઈ હતી. ભારતીય ટીમે એક ઇનિંગ અને 140 રનથી જીત મેળવી હતી. ત્રીજા દિવસે (4 ઓક્ટોબર) લંચ પછી વેસ્ટ ઈન્ડિઝનો બીજો દાવ 146 રનમાં સમેટાઈ ગયો હતો. આ મેચમાં રવિન્દ્ર જાડેજાએ ભારત માટે ઓલરાઉન્ડ પ્રદર્શન કર્યું હતું. સદી ફટકારવા ઉપરાંત, તેણે બીજી ઇનિંગમાં ચાર વિકેટ લીધી હતી.

આ મેચમાં, ભારતીય ટીમે પોતાનો પહેલો દાવ 5 વિકેટે 448 રન પર ડિકલેર કર્યો હતો. ભારતે પોતાના પહેલા દાવના આધારે 286 રનની લીડ મેળવી હતી, જ્યારે વેસ્ટ ઈન્ડિઝ 162 રનમાં ઓલઆઉટ થઈ ગયું હતું. શ્રેણીનો બીજો અને અંતિમ ટેસ્ટ મેચ 10 ઓક્ટોબરથી દિલ્હીના અરુણ જેટલી સ્ટેડિયમ ખાતે રમાશે.

વેસ્ટ ઇન્ડીઝના બેટ્સમેનોએ બીજા દાવમાં પણ ખરાબ પ્રદર્શન કર્યું. મુલાકાતી ટીમે 50 રનની અંદર પાંચ વિકેટ ગુમાવી દીધી. રવિન્દ્ર જાડેજાએ જોન કેમ્પબેલ (14 રન), બ્રાન્ડન કિંગ (5 રન) અને શાઈ હોપ (1 રન) ને આઉટ કર્યા. મોહમ્મદ સિરાજે તેજનારાયણ ચંદ્રપોલ (8 રન) ને આઉટ કર્યા. ચાઇનામેન કુલદીપ યાદવે કેપ્ટન રોસ્ટન ચેઝને સસ્તામાં આઉટ કર્યો. પાંચ વિકેટના નુકસાન પછી, એલિક એથાનાસે (38 રન) અને જસ્ટિન ગ્રીવ્સ (25 રન) એ 46 રનની ભાગીદારી કરી. આ ભાગીદારી તૂટ્યા પછી, ભારતનો વિજય માત્ર ઔપચારિકતા બની ગયો. રવિન્દ્ર જાડેજાએ બીજા દાવમાં ચાર વિકેટ લીધી, જ્યારે મોહમ્મદ સિરાજે ત્રણ વિકેટ લીધી. કુલદીપ યાદવે બે અને વોશિંગ્ટન સુંદરે એક વિકેટ લીધી.

આ પણ વાંચો

India vs Pakistan Live Streaming: પાકિસ્તાનને ફરી ધૂળ ચટાડવાની તૈયારીમાં ટીમ ઈન્ડિયા, જાણો ક્યાં અને ક્યારે જોઈ શકશો લાઈવ મેચ?

શું ઓસ્ટ્રેલિયા પ્રવાસ પર રોહિત શર્મા જ રહેશે ટીમ ઈન્ડિયાનો કેપ્ટન? સામે આવી મોટી જાણકારી