IND vs SA: હાર્દિક પંડ્યાની 16 બોલમાં ફિફ્ટી, તિલક અને સેમસન પણ ચમક્યા, ભારતે અમદાવાદમાં બનાવ્યા 231 રન

IND vs SA 5th T20 Score: પાંચમી T20 મેચમાં પહેલા બેટિંગ કરતા ભારતે 231 રન બનાવ્યા. હાર્દિક પંડ્યાએ આ મેચમાં 16 બોલમાં ફિફ્ટી ફટકારી.

ભારત વિ દક્ષિણ આફ્રિકા

Source : social media

IND vs SA 5th T20 Score: પાંચમી T20I મેચમાં ભારતે પ્રથમ બેટિંગ કરતા 231 રન બનાવ્યા. અમદાવાદના નરેન્દ્ર મોદી સ્ટેડિયમ ખાતે રમાઈ રહેલી આ મેચમાં હાર્દિક પંડ્યા અને તિલક વર્માએ વિસ્ફોટક અડધી સદી ફટકારી હતી. સંજુ સેમસન પણ સારું પ્રદર્શન કર્યું. હાર્દિક પંડ્યાએ આ મેચમાં ભારત માટે બીજી સૌથી ઝડપી T20I અડધી સદી ફટકારી, 25 બોલમાં 63 રન બનાવ્યા.

હાર્દિક પંડ્યાની 16 બોલમાં અડધી સદી
હાર્દિક પંડ્યાએ આ મેચમાં માત્ર 16 બોલમાં અડધી સદી ફટકારી. તેણે આંતરરાષ્ટ્રીય T20I ક્રિકેટ ઇતિહાસમાં ભારત માટે બીજી સૌથી ઝડપી અડધી સદીનો રેકોર્ડ બનાવ્યો છે, તેણે આ વર્ષની શરૂઆતમાં ઇંગ્લેન્ડ સામે 17 બોલમાં આ સીમાચિહ્ન હાંસલ કરનારા અભિષેક શર્માને પાછળ છોડી દીધો છે. ભારત માટે સૌથી ઝડપી અડધી સદીનો રેકોર્ડ યુવરાજ સિંહના નામે છે, જેણે 2007 T20 વર્લ્ડ કપમાં 12 બોલમાં અડધી સદી ફટકારી હતી.

 

Innings Break!

7⃣3⃣ from Tilak Varma
6⃣3⃣ from Hardik Pandya

Impressive show with the bat help #TeamIndia set a target of 2⃣3⃣2⃣ 🎯

Scorecard ▶️ https://t.co/kw4LKLNSl3#INDvSA | @TilakV9 | @hardikpandya7 | @IDFCFIRSTBank pic.twitter.com/b6hdKxXs4x

— BCCI (@BCCI) December 19, 2025

તિલક વર્મા આ વર્ષે T20 આંતરરાષ્ટ્રીય ક્રિકેટમાં 500 રન બનાવનાર બીજો ભારતીય બેટ્સમેન બન્યો. તેમની પહેલા અભિષેક શર્મા હતો, જેમણે આ વર્ષે 859 રન બનાવ્યા હતા.

સંજુ સેમસનને ઘણી મેચો પછી ઓપનિંગમાં રમવાની તક મળી. સેમસનએ આ તકનો લાભ ઉઠાવતા 22 બોલમાં 37 રન બનાવ્યા. તેણે આ ઇનિંગમાં 168.18 ના સ્ટ્રાઇક રેટથી રમતા ચાર ચોગ્ગા અને બે છગ્ગા ફટકાર્યા. બીજી તરફ, સૂર્યકુમાર યાદવ ફરી એકવાર નિષ્ફળ ગયો. કેપ્ટને સાત બોલમાં ફક્ત પાંચ રન બનાવ્યા. શિવમ દુબેએ ફક્ત ત્રણ બોલ રમ્યા, પરંતુ તે બોલમાં 10 રન બનાવ્યા.

સાઉથ આફ્રિકા પ્લેઇંગ-11

એડન માર્કરમ (કેપ્ટન), રીઝા હેન્ડ્રિક્સ, ક્વિન્ટન ડી કોક (વિકેટકીપર), ડેવોલ્ડ બ્રેવિસ, ડેવિલ મીલર, ડોનોવન ફરેરા, જ્યોર્જ લિન્ડે, માર્કો યાન્સેન, કોર્બિન બોશ, લુંગી એન્ગિડી અને ઓટ્ટનીલ બાર્ટમેન.

ભારત પ્લેઇંગ-11

સૂર્યકુમાર યાદવ (કેપ્ટન), અભિષેક શર્મા, સંજુ સેમસન, તિલક વર્મા, હાર્દિક પંડ્યા, શિવમ દુબે, જિતેશ શર્મા (વિકેટકીપર), વોશિંગ્ટન સુંદર, વરુણ ચક્રવર્તી, જસપ્રીત બુમરાહ અને અર્શદીપ સિંહ.                                       

આ પણ વાંચો

10મી વખત એશિયા કપની ફાઇનલમાં પહોંચ્યું ભારત, સેમિફાઇનલમાં શ્રીલંકાને 8 વિકેટે હરાવ્યું

T20 WC: શ્રીલંકાએ ટી20 વર્લ્ડકપ 2026 માટે ટીમની કરી જાહેરાત, અસલંકાને કેપ્ટનશીપમાંથી હટાવાયો, આને મળી કમાન