India vs South Africa: આજથી સાઉથ આફ્રિકા સામે શરૂ થશે ટી-20 સીરિઝ, આ રીતે જોઇ શકાશે લાઇવ મેચ

India vs South Africa: ભારતનો સાઉથ આફ્રિકા પ્રવાસ ટી-20 સીરીઝથી શરૂ થઈ રહ્યો છે. આ પછી વનડે શ્રેણી રમાશે અને પ્રવાસનો અંત ટેસ્ટ શ્રેણી સાથે થશે.

ફોટોઃ ટ્વિટર

ભારતનો સાઉથ આફ્રિકા પ્રવાસ ટી-20 સીરીઝથી શરૂ થઈ રહ્યો છે. આ પછી વનડે શ્રેણી રમાશે અને પ્રવાસનો અંત ટેસ્ટ શ્રેણી સાથે થશે. ત્રણ મેચોની ટી-20 સીરિઝની પ્રથમ મેચ રવિવારે (10 ડિસેમ્બર) ડરબનના કિંગ્સમીડ સ્ટેડિયમમાં રમાશે. યુવા ભારતીય ટીમ પાસે દક્ષિણ આફ્રિકાની ઉછાળવાળી પીચો પર સારું પ્રદર્શન કરવાનો પડકાર હશે. ક્રિકેટના સૌથી ટૂંકા ફોર્મેટમાં દક્ષિણ આફ્રિકામાં ટીમ ઈન્ડિયાનો રેકોર્ડ સારો છે, પરંતુ સૂર્યકુમાર યાદવની કેપ્ટનશીપ હેઠળની ટીમ માટે અહીં જીત મેળવવી આસાન નહીં હોય.

A fun shoot for the two Captains with a local flavour 😃😃

Captain @surya_14kumar and Aiden Markram pose with the silverware ahead of the three match T20I series.#SAvIND pic.twitter.com/CsN3gMkilU

— BCCI (@BCCI) December 9, 2023

આ ટીમના દમ પર ભારતે ઓસ્ટ્રેલિયાને ઘરઆંગણે 4-1થી હરાવ્યું છે. આવી સ્થિતિમાં યુવા ખેલાડીઓનું મનોબળ સાતમા આસમાને રહેશે.  પરંતુ દક્ષિણ આફ્રિકામાં પડકાર અલગ હશે. આફ્રિકન ટીમ પણ શાનદાર ફોર્મમાં છે અને બંને ટીમો વચ્ચે ખૂબ જ રોમાંચક મેચની અપેક્ષા છે.                             

ભારત અને દક્ષિણ આફ્રિકા વચ્ચે ત્રણ મેચોની T20 શ્રેણીની પ્રથમ મેચ રવિવારે (10 ડિસેમ્બર) રમાશે. પ્રથમ મેચ ભારતીય સમય અનુસાર સાંજે 7.30 વાગ્યે શરૂ થશે. પ્રથમ મેચનું સ્ટાર સ્પોર્ટ્સ નેટવર્ક પર જીવંત પ્રસારણ કરવામાં આવશે. તમે Hotstar એપ પર ભારત અને દક્ષિણ આફ્રિકા વચ્ચેની ત્રણ T20 મેચોની શ્રેણીની પ્રથમ મેચ ઓનલાઈન જોઈ શકો છો. તમે મોબાઈલ પર ફ્રીમાં મેચ જોઈ શકશો.

કિંગ્સમીડ ક્રિકેટ સ્ટેડિયમમાં 18 T20 મેચ રમાઈ છે.

કિંગ્સમીડ ક્રિકેટ સ્ટેડિયમમાં 18 T20 આંતરરાષ્ટ્રીય મેચો રમાઈ છે. દક્ષિણ આફ્રિકાએ 5 મેચ જીતી છે જ્યારે મુલાકાતી ટીમ 6 મેચમાં વિજયી રહી છે. ભારતે ડરબનમાં 4 T20 મેચ રમી છે અને ચારેયમાં જીત મેળવી છે. ભારતીય ટીમે આ વિકેટ પર ઈંગ્લેન્ડ સામે 218 રન બનાવ્યા છે, જ્યારે ટીમ ઈન્ડિયાનો અહીં સૌથી ઓછો કુલ સ્કોર 141 રન છે.                             

હવામાન વેબસાઈટ Accuweather અનુસાર, ડરબનમાં મેચના દિવસે એટલે કે 10મી ડિસેમ્બરે વરસાદની 60 ટકા સંભાવના છે. આનો અર્થ એ છે કે વરસાદ રમતને વિક્ષેપિત કરી શકે છે. દિવસ દરમિયાન મહત્તમ તાપમાન 21 ડિગ્રી સેલ્સિયસ રહેવાની સંભાવના છે જ્યારે સાંજે તાપમાન 20 ડિગ્રીથી નીચે જવાની શક્યતા છે.