IND vs AUS: ઓસ્ટ્રેલિયા પ્રવાસ 2025 નું સંપૂર્ણ શેડ્યૂલ જાહેર, 3 ODI અને 5 T20I માટે બંને ટીમોની જાહેરાત
IND AUS schedule: ભારત અને ઓસ્ટ્રેલિયા વચ્ચેની આ 8 મેચની શ્રેણી 19 ઓક્ટોબરથી શરૂ થઈને 8 નવેમ્બર, 2025 સુધી ચાલશે.
India vs Australia 2025: ભારતીય ક્રિકેટ ટીમનો ઓસ્ટ્રેલિયા પ્રવાસ 19 ઓક્ટોબર, 2025 થી શરૂ થવા જઈ રહ્યો છે, જ્યાં ટીમ ઈન્ડિયા 8 રોમાંચક મેચો ની શ્રેણી રમશે. આ પ્રવાસમાં 3 વનડે (ODI) અને 5 ટી20 (T20I) મેચનો સમાવેશ થાય છે. વેસ્ટ ઈન્ડિઝ સામેની ટેસ્ટ શ્રેણી બાદ ભારતીય ટીમ આ મહત્વપૂર્ણ પ્રવાસ માટે રવાના થશે. બંને દેશના ક્રિકેટ બોર્ડ દ્વારા ODI અને T20I શ્રેણી માટેની ટીમોની જાહેરાત કરી દેવામાં આવી છે. આ પ્રવાસ ક્રિકેટ ચાહકો માટે એક મોટો ઉત્સવ બની રહેવાનો છે, કારણ કે બંને ટીમો વિશ્વ ક્રિકેટની સૌથી મોટી હરીફો પૈકીની એક છે.
ભારત વિરુદ્ધ ઓસ્ટ્રેલિયા: મેચોનું સંપૂર્ણ સમયપત્રક અને સમય
ભારત વિરુદ્ધ ઓસ્ટ્રેલિયા વનડે શ્રેણી
- પહેલી વનડે - ૧૯ ઓક્ટોબર, પર્થ
- બીજી વનડે - ૨૩ ઓક્ટોબર, એડિલેડ
- ત્રીજી વનડે - ૨૫ ઓક્ટોબર, સિડની
ભારત વિરુદ્ધ ઓસ્ટ્રેલિયા ટી૨૦ શ્રેણી
- પહેલી ટી૨૦ - ૨૯ ઓક્ટોબર, કેનબેરા
- બીજી ટી૨૦ - ૩૧ ઓક્ટોબર, મેલબોર્ન
- ત્રીજી ટી૨૦ - ૨ નવેમ્બર, હોબાર્ટ
- ચોથી ટી૨૦ - ૬ નવેમ્બર, ગોલ્ડ કોસ્ટ
- પાંચમી ટી૨૦ - ૮ નવેમ્બર, બ્રિસ્બેન
બંને ટીમોની જાહેરાત: કોણ કોણ છે ટીમમાં?
આગામી શ્રેણી માટે બંને ટીમોના મુખ્ય ખેલાડીઓનો સમાવેશ કરવામાં આવ્યો છે:
🚨 India’s squad for Tour of Australia announced
— BCCI (@BCCI) October 4, 2025
Shubman Gill named #TeamIndia Captain for ODIs
The #AUSvIND bilateral series comprises three ODIs and five T20Is against Australia in October-November pic.twitter.com/l3I2LA1dBJ
વનડે શ્રેણી માટે ભારતની ટીમ: શુભમન ગિલ, રોહિત શર્મા, વિરાટ કોહલી, શ્રેયસ ઐયર (ઉપ-કેપ્ટન), કેએલ રાહુલ (વિકેટકીપર), અક્ષર પટેલ, નીતિશ કુમાર રેડ્ડી, વોશિંગ્ટન સુંદર, કુલદીપ યાદવ, મોહમ્મદ સિરાજ, અર્શદીપ સિંહ અને યશસ્વી જયસ્વાલ.
ટી20 શ્રેણી માટે ભારતની ટીમ: સૂર્યકુમાર યાદવ, શુભમન ગિલ (ઉપ-કેપ્ટન), અભિષેક શર્મા, તિલક વર્મા, શિવમ દુબે, જીતેશ શર્મા (વિકેટકીપર), અક્ષર પટેલ, જસપ્રીત બુમરાહ, સંજુ સેમસન (વિકેટકીપર), રિંકુ સિંહ અને વોશિંગ્ટન સુંદર.
વનડે અને ટી20 શ્રેણી માટે ઓસ્ટ્રેલિયાની ટીમ
ઓસ્ટ્રેલિયાની બંને ટીમોનું સુકાન મિશેલ માર્શ સંભાળશે. ટીમોમાં ટ્રેવિસ હેડ, જોશ હેઝલવુડ, એડમ ઝામ્પા અને મિશેલ સ્ટાર્ક (વનડે ટીમમાં) જેવા અનુભવી ખેલાડીઓનો સમાવેશ થાય છે. જોશ ઇંગ્લિસ અને મેથ્યુ શોર્ટ જેવા ખેલાડીઓ બંને ફોર્મેટમાં જોવા મળશે. આ પ્રવાસથી ક્રિકેટ ચાહકોને બંને ટીમો વચ્ચે એક સખત અને આકર્ષક મુકાબલો જોવા મળશે.
Introducing our Australian Men's squads for the ODI & T20I series against India 🇦🇺 🇮🇳 pic.twitter.com/6pSGjzUL01
— Cricket Australia (@CricketAus) October 7, 2025
ટોપ સ્ટોરી
ટ્રેન્ડિંગ સમાચાર
