IND vs ENG 1st Test Weather, Pitch Report: લીડ્સમાં વરસાદ, હવામાન બદલશે પિચનો મિજાજ, જાણો કોને થશે ફાયદો?
IND vs ENG 1st Test Weather, Pitch Report: ટીમમાં ઘણા યુવા ખેલાડીઓ છે. અનુભવી ખેલાડીઓ માને છે કે અનુભવના આધારે ભારત ઇંગ્લેન્ડથી પાછળ છે.
IND vs ENG 1st Test Weather, Pitch Report: ભારત અને ઇંગ્લેન્ડ વચ્ચે આજથી લીડ્સ (Headingley Cricket Ground) ખાતે પહેલી ટેસ્ટ રમાશે. શુક્રવારે લીડ્સમાં વરસાદની શક્યતા છે, મોટાભાગે વાદળછાયું વાતાવરણ રહેશે અને તે પિચના મિજાજને પણ અસર કરશે. શું તે બેટ્સમેનોને રાહત આપશે કે બોલરોના પક્ષમાં જશે? ચાલો તમને હવામાન રિપોર્ટ સાથે પિચ વિશે પણ માહિતી આપીએ.
શુભમન ગિલના કેપ્ટનશીપની આજશી શરૂઆત થઇ રહી છે. ટીમમાં ઘણા યુવા ખેલાડીઓ છે. અનુભવી ખેલાડીઓ માને છે કે અનુભવના આધારે ભારત ઇંગ્લેન્ડથી પાછળ છે. જોકે, સાઈ સુદર્શન અહીં કાઉન્ટી ચેમ્પિયનશિપ રમી ચૂક્યો છે. અલબત્ત, કરુણ નાયર 8 વર્ષ પછી આંતરરાષ્ટ્રીય ક્રિકેટમાં વાપસી કરી રહ્યો છે, પરંતુ તે અહીં કાઉન્ટી ચેમ્પિયનશિપ પણ રમી રહ્યો હતો. તેને આ શ્રેણીમાં આનો ફાયદો મળી શકે છે.
ભારતની બોલિંગ પણ સારી દેખાઈ રહી છે, ટીમ પાસે જસપ્રીત બુમરાહ જેવા વિશ્વસ્તરીય બોલરો છે. તેની સાથે મોહમ્મદ સિરાજ અને પ્રસિદ્ધ કૃષ્ણાને આજે પ્લેઇંગ 11માં તક મળી શકે છે. લીડ્સમાં શાર્દુલ ઠાકુરને ચોથા ફાસ્ટ બોલર તરીકે રમાડી શકાય છે, કુલદીપ યાદવને તક નહીં મળે અને તેનું કારણ હેડિંગ્લી ક્રિકેટ ગ્રાઉન્ડની પિચ છે.
આજે લીડ્સમાં હવામાન કેવું રહેશે
20 જૂન, શુક્રવારે લીડ્સમાં વરસાદની શક્યતા છે. ઇંગ્લેન્ડના સમય મુજબ સવારે 10:30 વાગ્યે ટોસ થશે, મેચ સવારે 11 વાગ્યે (ભારતીય સમય મુજબ બપોરે 3:30 વાગ્યે) શરૂ થશે. 40 મિનિટનો લંચ ટાઇમ બપોરે 1 વાગ્યે છે. બીજુ સત્ર 3:40 સુધી ચાલશે. ત્રીજુ સત્ર સાંજે 4 થી 6વાગ્યા સુધી ચાલશે. સમગ્ર મેચ દરમિયાન વરસાદની 10 ટકા શક્યતા છે. ભેજ 39 ટકા રહેશે અને 11 કિલોમીટર પ્રતિ કલાકની ઝડપે પવન ફૂંકાશે.
હેડિંગ્લી ક્રિકેટ ગ્રાઉન્ડની પિચનો મૂડ કેવી રીતે બદલાશે
વરસાદ અને પવનની શક્યતા વચ્ચે અહીં પ્રથમ દિવસે ઝડપી બોલરોને વધુ મદદ મળશે, સીમ અને બાઉન્સ પણ વધુ હશે. પરંતુ આ ત્યારે થાય છે જ્યારે વાદળો રહે છે પરંતુ જો વરસાદ પડે છે તો તેનો મૂડ થોડો અલગ હશે. પછી બેટ્સમેનોને રાહત મળી શકે છે, અલબત્ત આઉટફિલ્ડ થોડો ધીમો હશે પરંતુ પછી બોલ બેટ પર સારી રીતે આવવાની અપેક્ષા રાખવામાં આવશે. આવી સ્થિતિમાં સ્પિનરોની ભૂમિકા મહત્વપૂર્ણ બની જશે.
ઇંગ્લેન્ડ ક્રિકેટ ટીમે તેના પ્લેઇંગ 11 ની જાહેરાત કરી છે. ભારતની પ્લેઇંગ 11ની યાદી ટોસ પછી આવશે. વાઇસ કેપ્ટન ઋષભ પંતે પુષ્ટી કરી છે કે શુભમન ગિલ ચોથા નંબર પર બેટિંગ કરશે અને તે પાંચમા નંબર પર બેટિંગ કરશે.
ભારતની સંભવિત પ્લેઇંગ 11
યશસ્વી જયસ્વાલ, કેએલ રાહુલ, સાઈ સુદર્શન, શુભમન ગિલ (કેપ્ટન), ઋષભ પંત (વિકેટકીપર), કરુણ નાયર, રવિન્દ્ર જાડેજા, શાર્દુલ ઠાકુર, જસપ્રીત બુમરાહ, મોહમ્મદ સિરાજ, પ્રસિદ્ધ કૃષ્ણા.
ઈંગ્લેન્ડની પ્લેઇંગ ઇલેવન
જેક ક્રાઉલી, બેન ડકેટ, ઓલી પોપ, જો રૂટ, હેરી બ્રુક, બેન સ્ટોક્સ (કેપ્ટન), જેમી સ્મિથ (વિકેટકીપર), ક્રિસ વોક્સ, બ્રાઈડન કાર્સ, જોશ ટંગ, શોએબ બશીર.
ટોપ સ્ટોરી
ટ્રેન્ડિંગ સમાચાર
