IND VS ENG 2nd T20 Weather: ભારત-ઈંગ્લેન્ડ વચ્ચે ચેન્નઈમાં રમાશે બીજી T20, જાણો કેવું રહેશે હવામાન  

ભારત અને ઈંગ્લેન્ડ વચ્ચે પાંચ મેચોની T20 શ્રેણીની બીજી મેચ 25 જાન્યુઆરી શનિવારના રોજ ચેન્નાઈના એમએ ચિદમ્બરમ સ્ટેડિયમમાં રમાશે.

ટીમ ઈન્ડિયા

Source : PTI

IND VS ENG 2nd T20 Weather Report: ભારત અને ઈંગ્લેન્ડ વચ્ચે પાંચ મેચોની T20 શ્રેણીની બીજી મેચ 25 જાન્યુઆરી શનિવારના રોજ ચેન્નાઈના એમએ ચિદમ્બરમ સ્ટેડિયમમાં રમાશે. શ્રેણીની પ્રથમ મેચ કોલકાતામાં રમાઈ હતી. ભારતે આ મેચ સાત વિકેટે જીતી લીધી હતી. ભારતીય ટીમ આ મેચ જીતીને સીરીઝમાં 2-0થી લીડ લેવા ઈચ્છશે.  જ્યારે ઈંગ્લેન્ડ આ મેચ જીતીને સીરીઝ બરાબર કરવા ઈચ્છશે.  જો મેચ દરમિયાન ચેન્નાઈના હવામાનની વાત કરીએ તો તે ખેલાડીઓને પૂરો સાથ આપી શકે છે.

ચેન્નાઈમાં હવામાનની સ્થિતિ આવી રહેશે

ભારત અને ઈંગ્લેન્ડ વચ્ચે રમાનારી બીજી T20 મેચની સિઝનની વાત કરીએ તો ક્રિકેટ ચાહકો માટે સારા સમાચાર છે. શનિવારે વરસાદની બિલકુલ શક્યતા નથી. ચેન્નાઈનું હવામાન મોટાભાગે ગરમ રહે છે. પરંતુ શનિવારે હવામાન થોડું ભેજવાળું રહી શકે છે. તાપમાનની વાત કરીએ તો તે 23 ડિગ્રીથી 29 ડિગ્રી સેલ્સિયસની વચ્ચે રહી શકે છે.

મોહમ્મદ શમીની ટીમમાં વાપસી થઈ શકે છે

ભારતીય ટીમે મોહમ્મદ શમી વગર પ્રથમ મેચમાં ઈંગ્લેન્ડને આસાનીથી હરાવ્યું હતું. અર્શદીપ સિંહના નેતૃત્વમાં ભારતીય બોલરોએ શાનદાર બોલિંગ કરીને ઈંગ્લેન્ડના બેટ્સમેનોને મુશ્કેલીમાં મૂક્યા હતા. ચેન્નાઈમાં રમાનારી   આ  મેચમાં મોહમ્મદ શમીની વાપસી થઈ શકે છે. ભારતે પ્રથમ મેચમાં અર્શદીપ સિંહના રૂપમાં માત્ર એક જ ફાસ્ટ બોલરને રમાડ્યો હતો. ભારતીય ટીમ ચેમ્પિયન્સ ટ્રોફી પહેલા શમીને બોલિંગ કરાવીને તેની મેચ ફિટનેસ ચકાસવા માંગશે. જો કે, કોલકાતામાં જે રીતે ભારતે સ્પિનરો રમ્યા તે જ રીતે ચેન્નાઈમાં પણ જોવા મળે તો નવાઈ નહીં. ચેન્નાઈના એમએ ચિદમ્બરમની પીચ હંમેશા સ્પિનરો માટે મદદગાર સાબિત થાય છે. આવી સ્થિતિમાં નીતિશ કુમાર રેડ્ડીની જગ્યાએ વોશિંગ્ટન સુંદરને પણ ટીમમાં સામેલ કરવામાં આવી શકે છે.

ભારતે ટી20 શ્રેણીની પહેલી મેચમાં ઈંગ્લેન્ડને 7 વિકેટે હરાવ્યું. પ્રથમ બેટિંગ કરતા ઇંગ્લેન્ડે ૧૩૩ રનનો લક્ષ્યાંક આપ્યો હતો. જવાબમાં, ભારતે ૧૨.૫ ઓવરમાં લક્ષ્ય હાંસલ કરી લીધું. ટીમ ઈન્ડિયા તરફથી અભિષેક શર્માએ 79 રનની શાનદાર ઇનિંગ રમી. આ પહેલા વરુણ ચક્રવર્તીએ શાનદાર બોલિંગ કરી હતી અને 3 વિકેટ લીધી હતી. અર્શદીપ સિંહ, અક્ષર પટેલ અને હાર્દિક પંડ્યાએ 2-2 વિકેટ લીધી.