IND vs SL Live Streaming : નવા વર્ષમાં ભારતનો પ્રથમ ટી-20 મુકાબલો શ્રીલંકા સામે, જાણો કઈ ચેનલ પરથી કેટલા વાગે થશે ટેલિકાસ્ટ
IND vs SL: ભારત અને શ્રીલંકાની ટીમો 2023માં પ્રથમ વખત મેદાનમાં ઉતરશે. ટીમ ઈન્ડિયાની કેપ્ટનશીપ હાર્દિક પંડ્યાના હાથમાં છે
IND vs SL, 1st T20: ભારત અને શ્રીલંકા વચ્ચે ત્રણ ટી-20 મેચોની શ્રેણી મંગળવાર (3 જાન્યુઆરી)થી શરૂ થઈ રહી છે. શ્રેણીની પ્રથમ મેચ મુંબઈના વાનખેડે સ્ટેડિયમમાં રમાશે. ભારત અને શ્રીલંકાની ટીમો 2023માં પ્રથમ વખત મેદાનમાં ઉતરશે. ટીમ ઈન્ડિયાની કેપ્ટનશીપ હાર્દિક પંડ્યાના હાથમાં છે. નિયમિત સુકાની રોહિત શર્મા અનફિટ હોવાના કારણે આ સીરીઝમાં નહીં રમે. તે વનડે શ્રેણીમાંથી પરત ફરશે.
ભારત અને શ્રીલંકા વચ્ચેની પ્રથમ T20 ક્યારે શરૂ થશે?
ભારત અને શ્રીલંકા વચ્ચે પ્રથમ T20 મેચ ભારતીય સમય અનુસાર સાંજે 7.00 વાગ્યાથી રમાશે. ટોસ 6:30 વાગ્યે થશે.
કઈ ટીવી ચેનલ પર મેચ ટેલિકાસ્ટ થશે?
સ્ટાર સ્પોર્ટ્સ નેટવર્ક પાસે ભારત વિ શ્રીલંકા T20 અને ODI શ્રેણીના પ્રસારણના અધિકારો છે. સ્ટાર સ્પોર્ટ્સની વિવિધ ચેનલો પર હિન્દી અને અંગ્રેજી સિવાય દેશની અન્ય ભાષાઓમાં કોમેન્ટ્રી સાથે આ મેચ જોઈ શકો છો.
ફોન કે લેપટોપ પર લાઈવ મેચ કેવી રીતે જોવી?
આ મેચનું લાઈવ સ્ટ્રીમિંગ ભારતમાં Hotstar એપ પર જોઈ શકાશે. આ સિવાય તમે abplive.com પર મેચ સંબંધિત સમાચાર, લાઈવ અપડેટ્સ અને રેકોર્ડ્સ પણ વાંચી શકો છો.
પિચ રિપોર્ટ
મુંબઈના વાનખેડે સ્ટેડિયમની પીચ બેટ્સમેનો માટે અનુકૂળ માનવામાં આવે છે. બીજી તરફ હવામાનને જોતા અહીં ઝાકળ પડવાની પ્રબળ શક્યતા છે. આવી સ્થિતિમાં ટોસ જીતનારી ટીમ પહેલા બોલિંગ કરવાનું પસંદ કરી શકે છે. જો કે, આ મેદાન પર કોઈપણ રન ચેઝ કરી શકાય છે. આવી સ્થિતિમાં, ઝાકળ સિવાય, ટોસ જીત્યા પછી બોલિંગ કરવાનું બીજું કારણ પણ છે.
ભારતની સંભવિત પ્લેઇંગ ઇલેવન
ઈશાન કિશન (વિકેટકિપર), ઋતુરાજ ગાયકવાડ/શુબમન ગિલ, સંજુ સેમસન, સૂર્યકુમાર યાદવ, દીપક હુડા, હાર્દિક પંડ્યા (કેપ્ટન), વોશિંગ્ટન સુંદર, હર્ષલ પટેલ, યુઝવેન્દ્ર ચહલ, ઉમરાન મલિક, અર્શદીપ સિંહ.
આમને સામને રેકોર્ડ
ભારત અને શ્રીલંકાની ટીમ અત્યાર સુધીમાં 26 વખત સામસામે આવી ચુકી છે. આમાં 17 મેચો ભારતીય ટીમે જીતી છે, જ્યારે 8 મેચ શ્રીલંકાના પક્ષમાં ગઈ છે. તે જ સમયે, ટીમ ઈન્ડિયા વાનખેડેમાં ચાર T20 મેચ રમી છે. અહીં તેને બેમાં જીત અને બેમાં હારનો સામનો કરવો પડ્યો છે.
ટ્રેન્ડિંગ સમાચાર
ટોપ સ્ટોરી
