શું ‘બાપુ’ નિવૃત્ત થઈ ગયા? ચેમ્પિયન્સ ટ્રોફી જીત્યા બાદ રવિન્દ્ર જાડેજાએ કર્યો મોટો ખુલાસો, સ્ટેટસમાં બે હાથ જોડીને....
ચેમ્પિયન્સ ટ્રોફી જીત્યા બાદ જાડેજાએ સોશિયલ મીડિયા પર અફવાઓનું ખંડન કર્યું, 2027 વર્લ્ડ કપ રમવાની ઈચ્છા વ્યક્ત કરી.
Ravindra Jadeja ODI retirement news: ચેમ્પિયન્સ ટ્રોફી 2025 ટૂર્નામેન્ટ શરૂ થાય તે પહેલાં, ક્રિકેટ જગતમાં વિરાટ કોહલી, રોહિત શર્મા અને રવિન્દ્ર જાડેજાના વનડે ફોર્મેટમાંથી નિવૃત્તિ લેવાની અફવાઓ જોરમાં હતી. ચેમ્પિયન્સ ટ્રોફીની ફાઇનલમાં રવિન્દ્ર જાડેજાએ પોતાનો સ્પેલ પૂરો કર્યા બાદ વિરાટ કોહલીને ગળે લગાવ્યો, ત્યારે જાડેજાની નિવૃત્તિની અફવાઓને ફરીથી વેગ મળ્યો હતો. જો કે, હવે રવિન્દ્ર જાડેજાએ પોતે જ આ નિવૃત્તિના સમાચારો પર મૌન તોડીને સ્પષ્ટતા કરી છે.
રવિન્દ્ર જાડેજાએ સોશિયલ મીડિયા પર એક પોસ્ટ શેર કરીને નિવૃત્તિની અફવાઓને નકારી કાઢી છે. તેણે લખ્યું છે કે, "નકામી અફવાઓ ન ફેલાવો. આભાર." જાડેજાના આ નિવેદનથી ચાહકો અને ક્રિકેટ રસિકોને રાહત થઈ છે. ઉલ્લેખનીય છે કે જાડેજાએ ગત વર્ષે ભારતે ટી20 વર્લ્ડ કપ જીત્યો તે બાદ ટી20 ફોર્મેટમાંથી સંન્યાસ લઈ લીધો હતો. હવે એવું લાગી રહ્યું છે કે 36 વર્ષીય જાડેજાએ 2027ના વનડે વર્લ્ડ કપને પોતાનું લક્ષ્ય બનાવી લીધું છે. જો કે, વર્લ્ડ કપ 2027 યોજાવાને હજુ બે વર્ષ જેટલો સમય બાકી છે અને ત્યાં સુધીમાં જાડેજા 38 વર્ષનો થઈ જશે.
ચેમ્પિયન્સ ટ્રોફી 2025માં રવિન્દ્ર જાડેજાના પ્રદર્શનની વાત કરીએ તો, તેણે 3 ઇનિંગ્સમાં બેટિંગ કરતા માત્ર 27 રન બનાવ્યા હતા. પરંતુ, આ આંકડા પરથી તેના પ્રદર્શનનું યોગ્ય મૂલ્યાંકન કરવું યોગ્ય નથી, કારણ કે જાડેજા મોટે ભાગે આઠમા ક્રમે બેટિંગ કરવા ઉતર્યો હતો, જ્યાં તેને બેટિંગ કરવાની ઓછી તક મળી હતી. બોલિંગમાં તેણે પોતાના ફરતા બોલથી ટૂર્નામેન્ટમાં કુલ 5 બેટ્સમેનોને આઉટ કર્યા હતા અને ટીમની જીતમાં મહત્વનું યોગદાન આપ્યું હતું.
Ravindra Jadeja's Instagram story.
— Mufaddal Vohra (@mufaddal_vohra) March 10, 2025
- SIR JADEJA IS HERE TO STAY...!!! 🇮🇳 pic.twitter.com/nTQNtNxEKo
ચેમ્પિયન્સ ટ્રોફી 2025ની ફાઈનલ મેચ પહેલાં એવી અટકળો ચાલી રહી હતી કે રોહિત શર્મા પણ વનડે ફોર્મેટમાંથી નિવૃત્તિ લઈ શકે છે, કારણ કે તેણે ગત વર્ષે જ તેની ટી20 આંતરરાષ્ટ્રીય કારકિર્દીનો અંત લાવી દીધો હતો. પરંતુ, ચેમ્પિયન્સ ટ્રોફી જીત્યા પછી પ્રેસ કોન્ફરન્સમાં રોહિત શર્માએ સ્પષ્ટતા કરી હતી કે, "હું વનડે ફોર્મેટમાંથી નિવૃત્તિ લઈ રહ્યો નથી. કૃપા કરીને ભવિષ્યમાં આવી ખોટી અફવાઓ ન ફેલાવો." આ સિવાય, તાજેતરમાં એવા અહેવાલો પણ સામે આવ્યા છે કે વિરાટ કોહલી પણ ઓછામાં ઓછા 2027ના વનડે વર્લ્ડ કપ સુધી રમવાનું ચાલુ રાખશે. જો કે, આ અંગે હજી સુધી કોઈ સત્તાવાર પુષ્ટિ મળી નથી.
આ પણ વાંચો...
ટોપ સ્ટોરી
ટ્રેન્ડિંગ સમાચાર
