છેલ્લા 2 બોલમાં 2 છગ્ગા ફટકારી આ ખેલાડીએ બચાવી ચેન્નાઇની લાજ, KKR સામે અપાવી જીત

ચેન્નઈ તરફથી 173 રનના પડકારનો પીછો કરવા ઉતરતા ઋતુરાજ ગાયકવાડે સૌથી વધુ 72 રન બનાવ્યા હતા.

File Photo

IPL 2020: આઈપીએલની 49મી મેચ કોલકાતા નાઈટ રાઈડર્સ અને ચેન્નઈ સુપરકિંગ્સ વચ્ચે દુબઈ ખાતે રમાઈ રહી છે. ચેન્નઈએ ટોસ જીતીને પ્રથમ બોલિંગ કરવાનો નિર્ણય લીધો હતો. પ્રથમ બેટિંગ કરતા કોલકાતાએ 20 ઓવરમાં 5 વિકેટે 172 રન બનાવ્યા હતા. લક્ષ્યાંનો પીછો કરતા ચેન્નઈની ટીમ 20 ઓવરમાં 4 વિકેટે જીત મેળવી હતી. જાડેજાએ આક્રમક બેટિંગ કરતા અંતિમ બે બોલમાં સિક્સ ફટકારી ટીમને જીત અપાવી હતી. જાડેજાએ 11 બોલમાં 31 રન બનાવ્યા હતા. ચેન્નઈ તરફથી 173 રનના પડકારનો પીછો કરવા ઉતરતા ઋતુરાજ ગાયકવાડે સૌથી વધુ 72 રન બનાવ્યા હતા. આ ઉપરાંત અંબાતિ રાયડુ 38, જાડેજા અણનમ 31, શેન વૉટસન 14 અને સેમ કરન 13 રન બનાવ્યા હતા. કોલકાતા તરફથી પેટ કમિન્સે 2 અને વરુણ ચક્રવર્તીએ 2 વિકેટ ઝડપી હતી. કોલકાતા તરફથી નીતીશ રાણાએ શાનદાર બેટિંગ કરતા 61 બોલમાં 10 ફોર અને 4 સિક્સ સાથે 87 રન બનાવ્યા હતા. જ્યારે શુભમન ગિલ 26, દિનેશ કાર્તિક 21 રન બનાવ્યા હતા. ચેન્નઈ તરફથી લુંગી ગિડીએ બે વિકેટ ઝડપી હતી અને મિચેલ સેન્ટનર, રવિન્દ્ર જાડેજા અને કરન શર્માએ એક એક વિકેટ લીધી હતી. કોલકાતા નાઈટ રાઈડર્સ : શુભમન ગિલ, સુનિલ નારાયણ, નીતીશ રાણા, રાહુલ ત્રિપાઠી, ઓઇન મોર્ગન (કેપ્ટન), દિનેશ કાર્તિક (વિકેટકીપર), રિન્કુ સિંહ, પેટ કમિન્સ, લોકી ફર્ગ્યુસન, કમલેશ નાગરકોટી અને વરુણ ચક્રવર્તી ચેન્નઈ સુપરકિંગ્સ : ઋતુરાજ ગાયકવાડ, શેન વોટ્સન, અંબાતી રાયુડુ, એન. જગદીશન, એમએસ ધોની (વિકેટકીપર/કેપ્ટન), રવિન્દ્ર જાડેજા, મિચેલ સેન્ટનર, સેમ કરન, દિપક ચહર, લુંગી ગિડી અને કર્ણ શર્મા