આવતીકાલે IPL હરાજી, આ વખતે કઇ ટીમ પાસે ખરીદવા માટે છે સૌથી વધુ રૂપિયા, જાણો વિગતે

પ્રીતિ ઝિન્ટાની ટીમ કિંગ્સ ઇલેવન પંજાબની પાસે આ વખતે હરાજીમાં સૌથી વધુ રૂપિયા છે, હરાજી માટે 53 કરોડ રૂપિયાથી વધુ રકમ છે

(પ્રતિકાત્મક તસવીર)

નવી દિલ્હીઃ ઇન્ડિયન પ્રીમિયર લીગની 14મી સિઝન માટે ખેલાડીઓની હરાજી 18 ફેબ્રુઆરીએ થવા જઇ રહી છે. આ હરાજીમાં કુલ 292 ખેલાડીઓની કિસ્મત દાંવ પર લાગી છે. પ્રીતિ ઝિન્ટાની ટીમ કિંગ્સ ઇલેવન પંજાબની પાસે આ વખતે હરાજીમાં સૌથી વધુ રૂપિયા છે, હરાજી માટે 53 કરોડ રૂપિયાથી વધુ રકમ છે. આટલી મોટી રકમ હોવાના કારણે કિંગ્સ ઇલેવન પંજાબ કેટલાય વિદેશી ખેલાડીઓ પર મોટા દાંવ લગાવી શકે છે. કિંગ્સ ઇલવેન પંજાબની ટીમે દર વર્ષની જેમ આ વખતે પણ ફેરફારો કરવાના ચાલુ રાખ્યા છે, નવી સિઝન માટે કિંગ્સ ઇલેવન પંજાબની ટીમ પંજાબ કિંગ્સના નામથી ઓળખાશે. પ્રીતિ ઝિન્ટાએ જોકે કેએલ રાહુલની કેપ્ટનશીપ પર ફરી એકવાર વિશ્વાસ રાખ્યો છે. આ ઉપરાંત ટીમે અનિલ કુંબલેને કૉચ તરીકે સાથે રાખ્યો છે. ખાસ વાત છે કે કિંગ્સ ઇલેવન પંજાબની પાસે કેએલ રાહુલ, મયંક અગ્રવાલ, મોહમ્મદ શમી, ક્રિસ ગેલ, નિકોલસ પૂરન જેવા અનુભવી ખેલાડીઓ છે.