IPL 2025: રોમાંચક મેચમાં કોલકાતાની જીત,ફરી ઘરઆંગણે હાર્યું દિલ્હી; સુનીલ નારાયણનો તરખાટ
DC vs KKR Highlights: એક સમયે દિલ્હીનો સ્કોર 13 ઓવરમાં 3 વિકેટે 130 રન હતો. ફાફ ડુ પ્લેસિસ અને અક્ષર પટેલ સરળતાથી ચોગ્ગા અને છગ્ગા ફટકારી રહ્યા હતા.
Delhi Capitals vs Kolkata Knight Riders: દિલ્હીના અરુણ જેટલી સ્ટેડિયમ ખાતે દિલ્હી કેપિટલ્સ અને કોલકાતા નાઈટ રાઈડર્સ વચ્ચે રોમાંચક મુકાબલો જોવા મળ્યો. આ રોમાંચક મેચમાં, KKR 14 રનથી જીત્યું. કોલકાતા નાઈટ રાઈડર્સની આ રોમાંચક જીતનો હીરો સુનીલ નારાયણ હતો. તેણે પોતાના જાદુઈ સ્પિનથી મેચને પલટી નાખી.
આ મેચમાં કોલકાતા નાઈટ રાઈડર્સે પ્રથમ બેટિંગ કરતા 204 રન બનાવ્યા હતા. જવાબમાં, દિલ્હી કેપિટલ્સે એક સમયે 13 ઓવરમાં 3 વિકેટ ગુમાવીને 130 રન બનાવ્યા હતા. એવું લાગતું હતું કે ફાફ ડુ પ્લેસિસ (45 બોલમાં 62 રન) અને અક્ષર પટેલ (23 બોલમાં 43 રન) દિલ્હીને સરળતાથી જીત અપાવશે, પરંતુ પછી સુનીલ નારાયણે પરિસ્થિતિ પલટી નાખી. દિલ્હી નિર્ધારિત ઓવરોમાં ફક્ત 190 રન બનાવી શક્યું અને KKR એ મેચ 14 રનથી જીતી લીધી.
કોલકાતા દ્વારા આપવામાં આવેલા 205 રનના લક્ષ્યનો પીછો કરતી વખતે દિલ્હીની શરૂઆત ખૂબ જ ખરાબ રહી હતી. અભિષેક પોરેલ ચાર રન બનાવીને પ્રથમ ઓવરના બીજા બોલ પર આઉટ થયો હતો. પછી કરુણ નાયર પણ 15 રન બનાવીને પેવેલિયન પાછો ફર્યો. સાતમી ઓવરમાં 60 રનના સ્કોર પર કેએલ રાહુલ રન આઉટ થયો. તેણે પાંચ બોલમાં સાત રન બનાવ્યા. ભલે એક છેડેથી વિકેટો પડી રહી હતી, પણ બીજા છેડેથી ફાફ ડુ પ્લેસિસ ઝડપથી રન બનાવી રહ્યો હતો.
જ્યારે 60 રનમાં 3 વિકેટ પડી ગઈ, ત્યારે એવું લાગતું હતું કે KKR મેચ સરળતાથી જીતી જશે, પરંતુ ફાફ અને અક્ષરે વળતો હુમલો કર્યો. બંનેએ ઝડપથી રન બનાવવાનું શરૂ કર્યું. બંને વચ્ચે 76 રનની ભાગીદારી થઈ. 13.1 ઓવરમાં દિલ્હીનો સ્કોર 3 વિકેટે 136 રન હતો. ત્યારબાદ સુનીલ નારાયણે અક્ષર પટેલને આઉટ કર્યો. તે 23 બોલમાં 43 રન બનાવીને પેવેલિયન પાછો ફર્યો. તેના બેટમાંથી 4 ચોગ્ગા અને 3 છગ્ગા લાગ્યા.
ત્યારબાદ સુનીલ નારાયણે ટ્રેસ્ટન સ્ટબ્સને બોલ્ડ આઉટ કર્યો. સ્ટબ્સ ફક્ત એક જ રન બનાવી શક્યા. આ પછી, નરેને ફાફ ડુ પ્લેસિસને પણ આઉટ કર્યો. તેણે 45 બોલમાં 62 રન બનાવ્યા. તેના બેટમાંથી 7 ચોગ્ગા અને બે છગ્ગા લાગ્યા. અક્ષર અને ફાફ આઉટ થતાં જ KKRનો દબદબો રહ્યો.
અંતે, આશુતોષ શર્મા અને વિપ્રાજ નિગમ પાસેથી ચમત્કારની અપેક્ષા હતી, પરંતુ આશુતોષ છગ્ગો ફટકાર્યા બાદ આઉટ થઈ ગયો. તેણે સાત રન બનાવ્યા. વિપ્રાજે આક્રમક વલણ બતાવ્યું. તેણે 19 બોલમાં 4 ચોગ્ગા અને 3 છગ્ગાની મદદથી 43 રન બનાવ્યા, પરંતુ તે દિલ્હીને જીત અપાવી શક્યો નહીં.
કોલકાતા તરફથી સુનીલ નારાયણે 4 ઓવરમાં 29 રન આપીને 3 વિકેટ ઝડપી હતી. વરુણ ચક્રવર્તીએ પણ બે વિકેટ લીધી. આ ઉપરાંત અંકુલ રોય, વૈભવ અરોરા અને આન્દ્રે રસેલને એક-એક સફળતા મળી.
ટોપ સ્ટોરી
ટ્રેન્ડિંગ સમાચાર
