IND vs SA: આજે ભારત-આફ્રિકા વચ્ચેની ચીથી T20માં આવી હોઇ શકે છે બન્નેની પ્લેઇંગ ઇલેવન, જાણો

બન્ને ટીમોની પ્લેઇંગ ઇલેવનમાં ફેરફારની સંભાવના ના બરાબર છે. દક્ષિણ આફ્રિકા ટીમમાં એડન મારક્રમની વાપસીની સંભાવના ખતમ થઇ ચૂકી છે.

ફાઇલ તસવીર

IND vs SA 4th T20: આજે ભારત અને દક્ષિણ આફ્રિકા વચ્ચે ચોથી ટી20 મેચ રમાશે. આજે સાંજે રાજકોટ (Rajkot)ના સૌરાષ્ટ્ર ક્રિકેટ એસોસિએશનમાં બન્ને ટીમો આમને સામને ટકરાશે. પાંચ મેચોની ટી20 સીરીઝની આ ચોથી મેચ હશે. ભારતીય ટીમ (Team India) માટે આ મેચ ગઇ મેચની જીત જીતવી ખુબ જરૂરી છે. આજે ઋષભ પંત માટે કરો યા મરોની ટક્કર બની રહેશે. દક્ષિણ આફ્રિકાની ટીમ પ્રથમ બે મેચો જીતીને સીરીઝમાં પહેલાથી 2-1ની લીડ બનાવી ચૂકી છે. દક્ષિણ આફ્રિકા ટીમ આજની મેચ જીતીને સીરીઝ કબજે કરવાની કોશિશ કરશે, તો વળી ટીમ ઇન્ડિયાની નજર મેચ જીતીને સીરીઝ બરાબરી પર રહેશે.

બન્નેની સંભવિત પ્લેઇંગ ઇલેવન- બન્ને ટીમોની પ્લેઇંગ ઇલેવનમાં ફેરફારની સંભાવના ના બરાબર છે. દક્ષિણ આફ્રિકા ટીમમાં એડન મારક્રમની વાપસીની સંભાવના ખતમ થઇ ચૂકી છે. કેમ કે તે કૉવિડ-19 આઇસૉલેશન બાદ સીધો ઘરે જવા માટે રવાના થઇ રહ્યો છે. ક્વિન્ટૉન ડી કૉકની ઉપલબ્ધતા પણ અનિશ્ચિત છે. આવામાં દક્ષિણ આફ્રિકા ટીમમાં ગઇ મેચની પ્લેઇંગ ઇલેવનની સાથે જ આજે પણ મેદાનમાં ઉતરી શકે છે. વળી, ભારતીય ટીમની વાત કરીએ તો છેલ્લી ત્રણ મેચોથી ચાલી આવતી પ્લેઇંગ ઇલેવનમાં કોઇ ફેરફાર કરવાના મૂડમાં નથી. 

બન્નેની સંભવિત પ્લેઇંગ ઇલેવન -
ટીમ ઇન્ડિયા 
ઋષભ પંત (કેપ્ટન), ઋતુરાજ ગાયકવાડ, ઇશાન કિશન, શ્રેયસ અય્યર, દિનેશ કાર્તિક, હાર્દિક પંડ્યા, યુજવેન્દ્ર ચહલ, અક્ષર પટેલ, ભુવનેશ્વર કુમાર, હર્ષલ પટેલ, આવેશે ખાન.

દક્ષિણ આફ્રિકા ટીમ
ડેવિડ મિલર, રાશી વાન ડેર ડૂસેન, તેમ્બા બવુમા (કેપ્ટન), રીઝા હેન્ડ્રીક્સ, હેનરિક ક્લાસેન, ડ્વેન પ્રીટૉરિયસ, એનરિક નૉર્ટ્ઝે, કગિસો રબાડા, કેશવ મહારાજ, તબરેજ શમ્સી, વેન પાર્નેલ.

આ પણ વાંચો....