નિવૃતિ લેતા જ કેપ્ટન બન્યો IPLનો આ સ્ટાર ખેલાડી, ફાઇનલમાં 13 સિક્સ સાથે ફટકાર્યા હતા 137 રન
ઈન્ટરનેશનલ ક્રિકેટમાંથી નિવૃતિ લીધાના થોડા જ દિવસોમાં ખેલાડીને કેપ્ટન બનાવવામાં આવ્યો છે
ઈન્ટરનેશનલ ક્રિકેટમાંથી નિવૃતિ લીધાના થોડા જ દિવસોમાં ખેલાડીને કેપ્ટન બનાવવામાં આવ્યો છે. આપણે વાત કરી રહ્યા છીએ વેસ્ટ ઈન્ડિઝના પૂર્વ ક્રિકેટર નિકોલન પૂરનની. 29 વર્ષીય નિકોલસ પૂરને અચાનક આંતરરાષ્ટ્રીય ક્રિકેટમાંથી નિવૃત્તિની જાહેરાત કરીને બધાને આશ્ચર્યચકિત કરી દીધા. પરંતુ આંતરરાષ્ટ્રીય ક્રિકેટમાંથી નિવૃત્તિ લીધાના થોડા કલાકો પછી તેને કેપ્ટન બનાવવામાં આવ્યાના સમાચાર પણ સામે આવ્યા છે. IPL 2025માં લખનઉ સુપર જાયન્ટ્સના આ મહાન ખેલાડીને MLC એટલે કે મેજર લીગ ક્રિકેટમાં મુંબઈ ઇન્ડિયન્સ ન્યૂયોર્કનો કેપ્ટન બનાવવામાં આવ્યો છે.
View this post on Instagram
નિકોલસ પૂરનને MI ન્યૂયોર્કનો નવો કેપ્ટન બનાવ્યો
નિકોલસ પૂરન અગાઉ મુંબઈ ઇન્ડિયન્સ ન્યૂયોર્ક સાથે પણ સંકળાયેલો હતો. તેણે આ ફ્રેન્ચાઇઝી માટે MLCમાં 2023 અને 2024 સીઝન રમી હતી. પરંતુ પછી તે MI ન્યૂયોર્ક સાથે જોડાયો હતો. MLC 2025માં તે પહેલીવાર MI ન્યૂયોર્કનું નેતૃત્વ કરતો જોવા મળશે. MI ન્યૂયોર્કે તેને કિરોન પોલાર્ડની જગ્યાએ પોતાનો નવો કેપ્ટન બનાવ્યો છે.
જ્યારે પૂરને ફાઇનલમાં 137 રન ફટકાર્યા હતા
નિકોલસ પૂરને છેલ્લી બે સીઝનમાં MI ન્યૂયોર્ક માટે ખેલાડી તરીકે 15 મેચ રમી છે, જેમાં તેણે 39 છગ્ગા અને 38 ચોગ્ગા સાથે 568 રન બનાવ્યા છે, જેમાં 1 સદી અને 3 અડધી સદીનો સમાવેશ થાય છે. પૂરન માટે સૌથી શાનદાર સીઝન MLC 2023 સીઝન હતી જ્યાં તે માત્ર સૌથી વધુ રન બનાવનાર ખેલાડી જ નહોતો પણ તેણે સૌથી વધુ 34 સિક્સ ફટકારી હતી
MI ન્યૂયોર્કે MLC 2023 ફાઇનલ જીતી હતી, જેમાં નિકોલસ પૂરને 55 બોલમાં 249થી વધુના સ્ટ્રાઇક રેટથી 137 રન બનાવ્યા હતા. તેની જ્વલંત ઇનિંગમાં 10 ચોગ્ગા અને 13 છગ્ગાનો સમાવેશ થતો હતો.
MLC 2023ની 8 મેચમાં 388 રન બનાવનાર પૂરને MLC 2024માં MI ન્યૂયોર્ક માટે રમાયેલી 7 મેચમાં 180 રન બનાવ્યા હતા. MLC 2024માં તેનો શ્રેષ્ઠ સ્કોર અણનમ 62 રન હતો, જે સીઝનમાં તેણે એકમાત્ર અડધી સદી હતી. જોકે, નિકોલસ પૂરનની જવાબદારી MLC 2025માં બમણી હશે. અહીં તેણે માત્ર એક ખેલાડી તરીકે જ નહીં પરંતુ ટીમના કેપ્ટન તરીકે પણ છાપ છોડવી પડશે.
ટોપ સ્ટોરી
ટ્રેન્ડિંગ સમાચાર
