મુંબઇની મહાજીત, ઉત્તરાખંડને 725 રનોથી હરાવ્યુ, 92 વર્ષ જુનો રેકોર્ડ તુટ્યો

મુંબઇના ખેલાડીઓએ બૉલિંગ અને બેટિંગ બન્નેમાં કમાલ કર્યો, મુંબઇના બેટ્સમેન સુવેદ પારકરે પહેલી ઇનિંગમાં બેવડી સદી ફટકારી,

ફાઇલ તસવીર

નવી દિલ્હીઃ ફર્સ્ટ ક્લાસ ક્રિકેટેમાં બુધવારે મુંબઇએ એક નવો રેકોર્ડ બનાવ્યો. પૃથ્વી શૉની કેપ્ટનશીપમાં મુંબઇએ રણજી ટ્રૉફીની ક્વાર્ટર ફાઇનલમાં ઉત્તરાખંડને 725 રનોના રેકોર્ડ અંતરથી હરાવી દીધુ. આ જીતની સાથે જ મુંબઇેએ 92 વર્ષ જુનો રેકોર્ડ પણ તોડી નાંખ્યો છે. 1930 માં ઓસ્ટ્રેલિયામાં ન્યૂ સાઉથ વેલ્સે ક્વિન્સલેન્ડને 685 રનોથી હરાવ્યુ હતુ. 

પહેલા બેટિંગ કરતા મુંબઇની ટીમે 647/8 રન પર પોતાની પહેલી ઇનિંગ ડિકલેર કરી દીધી. જવાબી ઇનિંગમાં રમવા ઉતરેલી ઉત્તરાખંડની આખી ટીમને માત્ર 114 ના સ્કૉર પર ધરાશાયી કરી દીધી. બીજી ઇનિંગમાં મુંબઇએ 3 વિકેટ પર 261 રન બનાવીને ઇનિંગ ડિકલેર કરી દીધી. ઉત્તરાખંડને 795 રનોનો ટાર્ગેટ આપ્યો. 795 રનોના ટાર્ગેટનો પીછો કરવા ઉતરેલી ઉત્તરાખંડની ટીમ માત્ર 69 રન જ બનાવી શકી, અને 725 રનોના વિશાળ અંતરથી મેચ હારી ગઇ હતી. 

બૉલિંગ અને બેટિંગ બન્નેમાં મુંબઇનો કમાલ -
મુંબઇના ખેલાડીઓએ બૉલિંગ અને બેટિંગ બન્નેમાં કમાલ કર્યો, મુંબઇના બેટ્સમેન સુવેદ પારકરે પહેલી ઇનિંગમાં બેવડી સદી ફટકારી, વળી સરફરાજ ખાને પણ 153 રનોની શાનદાર ઇનિંગ રમી. મુંબઇ તરફથી અરમાન જાફર (60) અને શામ્સ મુલાની (59) એ ફિફ્ટી ફટકારી. બીજી ઇનિંગમાં ઓપનર યશસ્વી જાયસ્વાલે 103, પૃથ્વી શૉએ 72 અને આદિત્ય તારેએ 57 રન બનાવ્યા. વળી બૉલિંગમાં મુલાનીએ સાત વિકેટો ઝડપી. તેને પહેલી ઇનિંગમાં 4 અને બીજી ઇનિંગમાં 3 વિકેટો ઝડપી હતી. 

આ પણ વાંચો.......